Nzambi ke sadilá ngolo ya yandi yina ke ve na nsuka na yinza nyonso. Na yina me tadila mutindu yandi yidiká ba milliards na ba milliards ya bambwetete, Biblia ke zonzaka: ‘Beno nanguna meso na zulu mpe beno tala. Nani me sala bima yayi? Ya kele Muntu yina ke basisaka bikunku ya basoda ya yawu na kutadila ntalu ya yawu; Yandi ke bokilaka yawu nyonso na nkumbu ya yawu. Samu na ngolo ya yandi ya mingi mpe na ngolo ya yandi yina ke pesaka boma, ata mosi ve na kati ya yawu me kondwa.’—Izaya 40:25, 26.

 Kasi beto me lunga ve kuzonza ti Nzambi ke kaka ngolo mosi faso yayi yina me lutila bangolo nyonso. Biblia ke lakisá ti Nzambi lenda zola mpe kuyina. (Nkunga 11:5; Yoane 3:16) Ya me lakisa mpe ti bamambu yina bantu ke salá lenda sepelisa yandi to kutadisa yandi mpasi na ntima.—Mkunga 78:40, 41.