Satana ke na nzutu ya kimpeve. Na yawu, ya me sosa kuzonza ti beto lenda tala ve yandi.—Baefeze 6:11, 12.

 Bantu mingi ke kanisaka ti Dyabulu kele mutindu nkombo yina ke na bampoka, mukila, mpe ke ya kusimba mousona ya nene (fourche) na maboko. Bantu ya nkaka ke zonzaka ti, ba yina fwanikisaka Satana mutindu yina zingaka bamvula mingi, mpe bantu yango landaka masolo ya yimbi mpe ya luvunu ya ntangu ya ntama.

•  Wapi mutindu Biblia ke zonzilaka Satana?

•  Baverse ya Biblia yina ke zonzilaka Satana

 Samu na kuzonzila Satana, Biblia ke sadilaka bifwani mingi. Bifwani yango ke sadisaka beto na kuzaba wapi kimuntu ke na yandi kasi ve faso yina yandi kele. Beto tala ndambu ya bifwani yango:

•   Mbazi ya nsemo. Yandi ke vunaka bantu, na kulakisaka bawu bima ya kitoko samu na kunata bawu na kulanda malongi ya yandi na kisika ya kulanda malongi ya Nzambi.—2 Bakorinto 11:14.

•   Nkosi yina ke na nsatu. Yandi ke nwanisaka na ngolo bisadi ya Nzambi.—1 Piere 5:8.

•   Dragoni. Yandi ke pesaka boma, yandi ke na ngolo, mpe yandi ke bebisaka bantu.—Luzabusu 12:9.