Nzambi ke kwandi na kisika mosi yina yandi ke vandaka?
Mvutu ya Biblia
Ee. Nzambi ke na kisika yina yandi ke vandá, ni na mazulu. Beto tala mambu yina Biblia ke zonzá samu na yawu:
Na lusambu, mfumu Salomoni zonzaka: “[Kuwa] kuna na zulu, kisika yina nge ke zingaka.”—1 Bamfumu 8:43.
Yesu Kristo longá na bilandi ya yandi na kusambila mutindu yayi: “Tata ya beto yina kele na mazulu.”—Matayi 6:9.
Na manima ya kuvumbuka ya yandi na lufwa, Yesu kwendá “na mazulu sika yandi kele ntangu yayi na ntwala ya Nzambi.”—Baebre 9:24.
Baverse nyonso yayi ke na lakisá beto pwelele ti Nzambi ke muntu, mpe yandi ke vandá ve bisika nyonso na mbala mosi, kasi kaka na mazulu.
Beno tala mpe...
MALONGI YA MFUNU YA BIBLIA
Kindiku na Nzambi lenda salama kwandi?
Banda ntama, bantu vandá na nsatu ya kuzaba muntu yina yidiká bawu. Biblia lenda sadisa beto na kukuma ndiku ya Nzambi. Kindiku yango ke bandá na kulongoka Biblia.
MAMBU YINA ME TADILA BETO
Lomba ba kwiza tala nge
Kusolola na kyuvu mosi ya Biblia, to kusosa kuzaba mingi na yina me tadila Bambangi ya Yehova.