Ya ke na bamambu mingi yina ke na natá bantu ya mayela na kundima ti Yesu zingá awa na ntoto. Na yina me tadila bamambu yina bantu ya mayela ya siecle ya ntete na ya zole soniká samu na Yesu mpe bakristo ya siecle ya ntete, buku mosi (Encyclopaedia Britannica ya 2002) ke zonzá: “Bamambu yina mosi na mosi ya bawu soniká ke lakisá ti na ntangu ya ntama, ata ba yina vandá zolá ve kimvuka ya bakristo vandá ndimá ti Yesu zingá awa na ntoto. Ni na nsuka ya mvula 1800 tii na 2000 bantu mbandá kusala ntembe ti Yesu zingá awa na ntoto mpe ya vandá ve na mambu yina vandá sala ti bawu sala ntembe ti Yesu zingaka.”

 Na 2006, buku mosi (Jesus and Archaeology) zonzá: “Bubu yayi ya ke ve na muntu ya mayela yina lenda sala ntembe ti Yesu mwana ya Yozefi zingaka; mingi ke ndimak’ yawu mpe beto me zaba mambu mingi yina yandi salá mpe yina yandi longaka.”

 Biblia ke pesá bankumbu ya bantu ya dikanda ya Yesu. (Matayi1:1; 13:55) Ya ke pesá mpe bankumbu ya bamfumu yina yalá na ntangu ya Yesu. (Luke 3:1, 2) Ya na lakisá ti Yesu zingá awa na ntoto.

Mambu nyonso yayi lenda sadisa bantu na kuzaba ti mambu yina Biblia ke zonzá ke ya tsyeleka.