LESON 8
God Alain Ru Taʼa Ki hain Nonihi anga huan Tae?
1. Ru taʼa ki eat hauʼuat?
God alain gwaungai ang ngwae ki ka tau naʼ, bere ma kira kas haʼsuia goʼo ru taʼa dao an ngwae ki
Ru taʼa ki eat kaidai sa Saetan saea sokea eat eat. Eat eat sa Saetan nia angseol leaʼ. Angseol neʼe kira saea ain sa Saetan sine “noaʼ nis donga ru maman ki.” (John 8:44) Sa saetan oga ngwae ki kia hoʼosia lal nia ru neʼe Jehova goʼo neʼe bolhain ka toan. Sa Saetan osoa i Eve ka sokea huan nia donga lal nia noaʼ lau God. Sa Adam aod hain i Eve, kera noaʼ kes kwairoʼoe an God. Ru kera sasi kwaet ngwae ki ka nonihi ma kia mae.—Toʼomain Genesis 3:1-6, 19.
Kaidai sa Saetan saea huan i Eve ka aub rong an God, ni eat ngia halhal huan ngenglan gwaungai ang God. Sa Saetan naʼ “neʼe gwaungai an magalia.”—Toʼomain John 14:30; 1 John 5:19.
2. Ru God saungain niʼi ki taʼa?
God saungain ru ki taiʼhau ka olol. Ngwae ki hain angseol ki saian kia kwairoʼoe an God. (Deuteronomy 32:4, 5) God saungain kulua huan ku manat kalia sais lan ru sag ki hain ru taʼa ki. Manat ang kalia ru ki saian ka kwaet ku haʼtain kwaima ang kulu hain God.—Toʼomain James 1:13-15; 1 John 5:3.
3. Hauʼuat nin God ka alain nonihi anga ka dao goʼo an niri eri?
Eat lan kaidai sa Adam hain i Eve aub rong, Jehova alain ngwae ki kia ngengea gwaungai ang nia. Hauʼuat neʼe ka uneri? Ru neʼe eri haʼtain ngwae ki kas dao toan ru leaʼ diʼia God kas gwaungai ahiad. (Ecclesiastes 7:29; 8:9) Ngwae ki gwaungai lihua 6,000 haingail ka suina, bere ma noa kira kas haʼsuia mae, halhal taʼa ki, ru kas sag ki hain matiang ki.—Toʼomain Jeremiah 10:23; Romans 9:17.
Kaidai ngwae ki tua olhan gwaungai ang God kira dao taon ru leaʼ ki. (Isaiah 48:17, 18) Karaing naʼ Jehova ka haʼsuia gahmaun ngwae ki. Ngwae neʼe oga kia tua olhan gwaungai ang God, goʼo neʼe kia tua saean hanoa nin iaon.—Isaiah 11:9; Toʼomain Daniel 2:44.
Watchim disfala video Why Nao God Letem Wei for Safa Gohed?
4. Hahan God maeb ka tau kul toan kaidai huan sais lan tae?
Sa saetan saea ngwae ki hoʼosia Jehova goʼo huan kia dao toan ru leaʼ ki. Hauʼuat, aok oga ae haʼtain alaʼang neʼe kas maman? Hahan God ni maeb ka tau, kul toan kaidai huan ku haʼtain kul oga ku tua olhan gwaungai ang nia nam gwaungai ang ngwae ki. Ru neʼe kul sasiʼ ki neʼe haʼtain gwaungai ang tai neʼe kul oga ku tua olhan.—Toʼomain Job 1:8-12; Proverbs 27:11.
5. Tae neʼe haʼtain kul oga ku tua olhan gwaungai ang God?
Ru kul manat kali ki neʼe ka haʼtain kul oga ku tua olhan gwaungai ang God nam noaʼ
Kaidai kul lan sulia tae neʼe Baebol saea sulia hoʼosilan God an saga hain ku donga, neʼe haʼtain kul oga ku tua olhan gwaungai ang nia. (John 4:23) Kaidai noaʼ kus aod saean gahmaun ngwae ki hain mae ki, diʼia sa Jesus, kul haʼtain noaʼ kus tua olhan gwaungai ang sa Saetan.—Toʼomain John 17:14.
Sa Saetan toan ngaisngais ang huan haʼdoe lan ru taʼa ki hain haʼlia lan ngwae ki. Kaidai noaʼ kus sais ru neʼe ki, ngwae kwaima kia ki, ngwae saean tuaʼa kia ki, kia hat haʼlia ma kia ngengea kulua. (1 Peter 4:3, 4) Manat kalia tae neʼe ae sais. Hauʼuat, ku kwaima hain ngwae neʼe hat haʼlia ma kia ngengea kulua ki, nam ngwae neʼe kwaima an God ki? Hauʼuat, ku kwairoʼoe an taik God ki? Kul oga ku kwaima hain ngwae neʼe kwaima an God ki hain ngwae neʼe kwairoʼoe an taik nia ki. Diʼia kul sais ru neʼe eri ki, kul haʼtain alaʼang sa Saetan noaʼ kas maman, nia saea ngwae ki kia aub rong an God kaidai kira dao toan atoanga.—Toʼomain 1 Corinthians 6:9, 10; 15:33.
Hahan God kwaima an ngwae ki, kul saian nia haʼsuia ru taʼa ki hain nonihi ang. Ngwae neʼe haʼtain kira haʼmamna God huan sais lan ru neʼe ki kia dao toan mauria hiri saean hanoa nin iaon.—Toʼomain John 3:16.
