Deuteronomium 33:1-29
33 Mosesa mukareli gwaKarunga gousili kwa tanterere Vaisraeli matungiko aga komeho a fe.
2 Age kwa tente asi:
“Jehova kwa tundire koSinayi,uzera wendi kwa temenene vantu vendi kutundilira koSeire.
Age kwa paimine mouyerere wendi kutundilira momukunda gonondundu gwaParani,ntani age kwa kere novaengeli wovanzi,*ano kokuwoko kwendi korulyo vakwayita vendi va kere ko.
3 Age kwa here vantu vendi;vantu navenye wokupongoka kwa kara momawoko goge.
Awo kwa hingilire konompadi doge;awo kwa purakenene kononkango doge.
4 (Mosesa kwa tu pa mpangera ndi veta
ngoupingwa woruvharo* rwaJakopo.)
5 Karunga kwa kere Hompa moJesuruni,*
apa ga pongere masimbi goVaisraeli,kumwe nomarudi nagenye goVaisraeli.
6 Rubena ngano a paruke ntani kapisi a fe,ano vantu vendi ngano kapisi va sesupe.”
7 Ntani age kwa tungikire Juda asi:
“Jehova purakena kezwi lyaJuda,ntani ngo mu tengwide kovantu vendi.
Mawoko gendi kwa popera* yininke yendi,ano ngo mu vatere kononkore dendi.”
8 Age kwa tungikire Revhi asi:
“Tumimu naUlimu zoge* kwa hamena komuntu ogu a ku limburukwa,ogu wa hetekere poMasa.
Ove kwa likondjesere nage pomema gomoMeliba,
9 Varevhi kapi va here vaguhya vawo novazinya vawo.
Awo kapi va pakerere mbili vamumbya vawo novakuru vawo,ntani novana vawo wovagara.
Yeeyi awo kwa limburukwire nonkango dogentani kwa sikisire mo egwanekero* lyoge.
10 Awo va ronge Jakopo nompangera doge
ntani va ronge Israeli Veta zoge.
Awo va zambe yitutumikidiso yipo yi gave edumba lyewa lyokukuhafesantani awo va gave nzambo nazinye posizambero soge.
11 Jehova va pa nonkondo,ntani hafera yirugana yawo yokomawoko.
Tezagura maguru* govantu ava ngava va rwanesa,yipo ngava dire kuvarwanesa ava va va nyenga.”
12 Age kwa tungikire Mbenyameni asi:
“A kare mombili morwa Jehova kwa mu hara;ngano a mu takamese ezuva nalinye,age nga tunga pomapepe gendi.”
13 Age kwa tungikire Josefa asi:
“Jehova a tungike sirongo sendinoyininke yoyiwa yekeguru,neme ntani nomema gokutunda momarunone gokonhi,
14 noyininke yoyiwa eyi ali ninkisa ezuva yi kurenomuzangu gomuwa nkenye kwedi,
15 noyininke yoyiwa yokutunda konondundu* danarentani neyi yokutunda konondundugona edi da kara po narunye,
16 noyininke yoyiwa yepevhu neyi ya kara po,ano ogu ga monekere mosihwa somega a mu hafere.
Matungiko aga ngano ga gwane Josefa,ga tentame pomutwe gogu va horowora mokatji kovakwawo.
17 Nonkondo dendi kwa fana ngwendi dontwedu zombeli,ano nombinga dendi kwa fana ngwendi dontwedu zonene.
Age nga sindika* vantu nonombinga dendidogoro kooku wa ka twa uzuni.
Vaefurayimi mayovi ngava kara nononkondo odo,ntani vantu mayovi womorudi rwaManase ngava wiza komeho.”
18 Age kwa tungikire Seburoni asi:
“Ove Seburoni hafa morugendo roge,ano ove Isasikali hafa monotende doge.
19 Awo ngava zigida vantu va ze kondundu.
Oko yiko ngava ka gava nonzambo donongwa.
Yeeyi awo ngava pongaika ungawo wemefutantani nemona lyemevhu.”
20 Age kwa tungikire Gada asi:
“Va mu tungike ogu ana kunenepeka nomururani daGada.
Age kurara ngwendi nyime,ogu ana liwapaikire kupapagura mawoko nomutwe.
21 Age nga lihorwera ruha roruwa po mosirongo,age nga gusa ruha oru ga mu tulikira ogu a gava noveta.
Masimbi govantu ngaga ponga kumwe.
Age nga vatera Jehova a retese po uhungami,ntani a pangure kumwe noVaisraeli.”
22 Age kwa tungikire Dana asi:
“Dana kwa fana ngwendi nyimegona.
Age nga homokera vantu kutundilira moBasani.”
23 Age kwa tungikire Nafitali asi:
“Nafitali kwa kara noruhafo morwa Jehova ga mu haferantani ga mu pa matungiko gomanzi.
Age nga pinga sirongo sokoUtokero ntani sokoMbindakano.”
24 Age kwa tungikire Aseli asi:
“Aseli va mu tungike novana.
Vakwawo ngano va mu hafere,ntani ngano a ture* nompadi dendi momagadi.
25 Ove kupata komarungavero goge yivera nongoporo,ntani ove ngo kara mepopero nkenye apa.*
26 Kwato ogu ga fana ngwendi Karunga gousili gwaJesuruni,ogu a ku vatere kutundilira meguruntani ogu a gendere pomaremo mouyerere wendi.
27 Karunga kupopera kutunda kwanare,kuwoko kwendi kumuvatera nkenye apa.
Age nga tjida nonkore komeho zeni,ntani nga tanta asi: ‘Va zonagureni!’
28 Israeli nga tunga mombili,ano runone rwaJakopo nga ru likarera rwelikemosirongo esi sa kara mbuto novhinyu zompe,omu ali gu eme keguru.
29 Hafa ove Israeli!
Yeeyi kwato ogu ga kufana,one vantu ava a popere Jehova,age silikandwiso seni sepoperonorufuro rweni rononkondo.
Nonkore deni ngadi mu tjira,ntani ngomu funda mavango gawo gokonondundu.”
Nonkango dokonhi
^ Ndi “novapongoki mayovi nomayovi.”
^ MoRuhebeli asi “wombunga.”
^ Kutanta asi “Muhungami,” esi situmbwisiso soVaisraeli sefumadeko.
^ Ndi “kondjera.”
^ “Zoge” movelise ezi kwa tamba kwaKarunga.
^ Ndi “elizuvhasano.”
^ Ndi “nonyonga.”
^ Ndi nampo asi “nondundu dokoUpumezuva.”
^ Ndi “twa.”
^ Ndi “kuhwe.”
^ MoRuhebeli asi “ntani mazuva goge nga ga kara nonkondo doge.”
