Genesis 5:1-32

  • Kutunda kwaAdamu dogoro kwaNowa (1-32)

    • Adamu ta reta vana wovagara nava wovakadi (4)

    • Henoka kwa gendere naKarunga (21-24)

5  Ruha oru kwa simwitira ruvharo rwaAdamu. Apa* Karunga ga sitire Adamu, age kwa mu sitire a mu fane. 2  Age kwa va sitire mugara nomukadi. Apa ga va sitire, age kwa va tungikire ntani tava ruku asi Vantu.* 3  Apa ga kere Adamu nonomvhura 130, ta reta munona gomumati gokumufana makura ta mu ruku Sete. 4  Konyima zokureta Sete, Adamu ta paruka nomvhura 800. Age kwa retere hena vana wovagara nava wovakadi. 5  Adamu kwa parukire nomvhura 930, makura ta fu. 6  Apa ga kere Sete nonomvhura 105, ta reta Enosi. 7  Konyima zokureta Enosi, Sete ta paruka nomvhura 807. Age kwa retere hena vana wovagara nava wovakadi. 8  Sete kwa parukire nomvhura 912, makura ta fu. 9  Apa ga kere Enosi nonomvhura 90, ta reta Kenani. 10  Konyima zokureta Kenani, Enosi ta paruka nomvhura 815. Age kwa retere hena vana wovagara nava wovakadi. 11  Enosi kwa parukire nomvhura 905, makura ta fu. 12  Apa ga kere Kenani nonomvhura 70, ta reta Maharareli. 13  Konyima zokureta Maharareli, Kenani ta paruka nomvhura 840. Age kwa retere hena vana wovagara nava wovakadi. 14  Kenani kwa parukire nomvhura 910, makura ta fu. 15  Apa ga kere Maharareli nonomvhura 65, ta reta Jaredi. 16  Konyima zokureta Jaredi, Maharareli ta paruka nomvhura 830. Age kwa retere hena vana wovagara nava wovakadi. 17  Maharareli kwa parukire nomvhura 895, makura ta fu. 18  Apa ga kere Jaredi nomvhura 162, ta reta Henoka. 19  Konyima zokureta Henoka, Jaredi ta paruka nomvhura 800. Age kwa retere hena vana wovagara nava wovakadi. 20  Jaredi kwa parukire nomvhura 962, makura ta fu. 21  Apa ga kere Henoka nonomvhura 65, ta reta Metusera. 22  Konyima zokureta Metusera, Henoka kwa twikilire kugenda* naKarunga gousili nomvhura 300. Age kwa retere hena vana wovagara nava wovakadi. 23  Henoka kwa parukire nomvhura 365. 24  Henoka kwa twikilire kugenda naKarunga gousili, makura kapi ga kere po hena, yeeyi Karunga ga mu gusire po. 25  Apa ga kere Metusera nonomvhura 187, ta reta Rameki. 26  Konyima zokureta Rameki, Metusera ta paruka nomvhura 782. Age kwa retere hena vana wovagara nava wovakadi. 27  Metusera kwa parukire nomvhura 969, makura ta fu. 28  Apa ga kere Rameki nonomvhura 182, ta reta munona gomugara. 29  Age ta mu ruku Nowa,* ta tanta asi: “Age nga tu hengagwida koyirugana yetu nokukora oku atu zuvhu morwa evhu eli ga finga Jehova.” 30  Konyima zokureta Nowa, Rameki ta paruka nomvhura 595. Age kwa retere hena vana wovagara nava wovakadi. 31  Rameki kwa parukire nomvhura 777, makura ta fu. 32  Apa ga kere Nowa nonomvhura 500, ta tameke kureta vana. Awo yiwo Sema, Hamu naJafeta.

Nonkango dokonhi

^ MoRuhebeli asi “Mezuva eli.” MoBibeli, nkango ezuva kuvhura kutamba koyiruwo yokulisiga-siga, nye kapisi konovili 24 tupu.
^ Ndi “Adamu.”
^ Kutanta asi kulimburukwa.
^ Nampo kutanta asi “Kupwizumuka; Kuhengagwida.”
NEW WORLD TRANSLATION OF THE HOLY SCRIPTURES
Genesis 5
Rukwangali
Resa Bibeli kointaneta
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt