Josuwa 12:1-24
12 Vaisraeli kwa fundire vahompa ava yipo va guse sirongo sawo koUpumezuva womukuro gwaJorodana, kutundilira koMuramba gwaArunoni dogoro koNdundu zaHeremoni ntani nomukunda nagunye gwaAraba ogu gwa karera koUpumezuva:
2 gumwe kuna kara Sihoni hompa goVaamoli. Age kwa tungire moHesiboni ntani age nga pangere kutundilira kositata saAroere, esi sa kere pepi noMuramba gwaArunoni ntani pokatji komuramba nomukunda gumwe gwaGiliyata dogoro koMuramba gwaJaboko, ogu gwa kere mururani goVaamoni.
3 Age nga pangere hena kutundilira koAraba dogoro kEfuta lyaKinereti* eli lya karera koUpumezuva ntani dogoro kefuta lyaAraba ndi Efuta lyoMungwa* ntani koUpumezuva koyiha yaBete-jesimoti ntani koMbindakano koyiha yedi lyonondundu daPisiga.
4 Ano hompa gumwe kuna kara Ogo hompa gwaBasani. Age kuna kara gumwe goVarefa ava va hupire po ntani age kwa tungire moAsitaroti nomoEdereyi.
5 Age nga pangere mukunda omu mwa kere Ndundu zaHeremoni, sitata saSareka nomukunda nagunye gwaBasani dogoro komururani goVagesure noVamakati ntani nomukunda gumwe gwaGiliyata dogoro komururani gosirongo saSihoni hompa gwaHesiboni.
6 Mosesa mukareli gwaJehova noVaisraeli, kwa fundire vahompa owo. Konyima, Mosesa mukareli gwaJehova kwa geve sirongo sawo koruvharo rwaRubena, rwaGada ntani novantu vamwe womorudi rwaManase.
7 Ava kuna kara vahompa ava ga fundire Josuwa noVaisraeli koUtokero womukuro gwaJorodana, kutundilira koBara-gadi, sitata esi sa kara moMuramba gwaLibanoni dogoro koNdundu zaHaraka ezi za za dogoro koSeire. Konyima, Josuwa kwa geve sirongo sawo komarudi goVaisraeli va si ligavere ngoupingwa.
8 Yirongo eyi kuna kara, mukunda gonondundu Sefera, Araba, nondundugona, mburundu ntani Negebu. Ayo kwa kere yirongo yoVaheti, Vaamoli, Vakanani, Vaperesi, Vahevhi ntani noVajebusi. Vahompa owo kwa kere:
9 Hompa gwaJeliko; hompa gwaAi, sitata esi sa kere pepi naBeteli;
10 hompa gwaJerusarema; hompa gwaHeburoni;
11 hompa gwaJarumuti; hompa gwaRakisi;
12 hompa gwaEgironi; hompa gwaGesere;
13 hompa gwaDebire; hompa gwaGedere;
14 hompa gwaHoroma; hompa gwaAradi;
15 hompa gwaLibuna; hompa gwaAduramu;
16 hompa gwaMakeda; hompa gwaBeteli;
17 hompa gwaTapua; hompa gwaHefere;
18 hompa gwaAfeki; hompa gwaRasaroni;
19 hompa gwaMadoni; hompa gwaHasoro;
20 hompa gwaSimuroni-meroni; hompa gwaAkisafa;
21 hompa gwaTanaki; hompa gwaMegido;
22 hompa gwaKedesi; hompa gwaJokineyami ogu ga tungire moKarumeli;
23 hompa gwaDoro ogu ga tungire konondundu daDoro; hompa gwaGoyimu ogu ga tungire moGiligali;
24 hompa gwaTiresa, sivaro sovahompa navenye kwa kere 31.
