Josuwa 15:1-63
15 Sirongo esi va pere* rudi rwaJuda kuliza nomapata gawo, kwa zire dogoro komururani gwaEdomu ndi mburundu zaSini ntani dogoro koMbindakano koNegebu.
2 Mururani gwawo gokoMbindakano kwa tamekerere kouhura wEfuta lyoMungwa.*
3 Ago kwa zire dogoro koMbindakano koAkarabimu tagu ka pita koSini gu ze dogoro koKadesi-baraneya, koHesironi dogoro koAdara ntani tagu piruka gu vyuke koKareka.
4 Makura tagu vyuka koAsimoni gu ze dogoro koMuramba gwaEgipite ntani ago kwa ka hagerere kEfuta.* Ogu yigo mururani gwawo gokoMbindakano.
5 Mururani gwawo gokoUpumezuva kwa kere Efuta lyoMungwa* dogoro oku gwa hagera mukuro gwaJorodana. Ano mururani gwawo gokoMuzogo kwa tamekerere kouhura wefuta apa gwa hagera mukuro gwaJorodana.
6 Ago kwa zire dogoro koBete-hogara tagu ka pita koMuzogo gwaBete-araba gu ze dogoro kemanya lyaBohani munaRubena.
7 Ago kwa zire dogoro koDebire koMuramba gwaAkoro, tagu piruka gu vyuke koMuzogo koGiligali, sitata esi sa livyuka nonzira zaAdumimu ezi za kara koMbindakano zomuramba. Ago kwa pitakanene gu vyuke korunone rwaEni-semesi ntani kwa ka hagerere koEni-rogeli.
8 Mururani kwa zire koMuramba gwaHinomu* dogoro kondundu zoVajebusi koMbindakano ndi Jerusarema ntani ago kwa zire dogoro keguru lyondundu ezi za karera koUtokero woMuramba gwaHinomu. Ndundu ozo kwa kara kouhura woMuramba goVarefa koMuzogo.
9 Mururani kwa tundilire keguru lyondundu gu ze korunone rwaNefutoa ntani ago kwa zire dogoro koyitata eyi ya kere koNdundu zaEfuroni, ago kwa twikilire dogoro koBara ndi Kiliyata-jeyalimu.
10 Ago kwa tundire moBara gu vyuke koUtokero koNdundu zaSeire ntani ago kwa pitakanene gu vyuke koMuzogo koNdundu zaJeyalimu ndi Kesaroni, ago hena kwa zire koBete-semesi ntani koTimuna.
11 Ago hena kwa zire koMuzogo kondundu zaEkironi ntani kwa ka sikire koSikeroni ntani koNdundu zaBara nokoJabuneli, ago kwa ka hagerere kefuta.
12 Mururani gokoUtokero kwa kere Efuta lyEnene* nezenga lyako. Ogu yigo gwa kere mururani gosirongo nasinye sorudi rwaJuda kuliza nomapata gawo.
13 Josuwa kwa pere Karebu munaJefune gomoruvharo rwaJuda sitata saKiliyata-aruba ndi Heburoni ngwendi moomu ga yi mu pangerere Jehova. (Aruba kwa kere guhyaAnaki.)
14 Makura Karebu ta tjida mo womoruvharo rovana vaAnaki vatatu: Sesayi, Ahimani ntani naTalimayi.
15 Kutunda opo, ta zi aka homokere vantu ava va tunga moDebire. (Sitata saDebire ngava si tumbura nare asi Kiliyata-sefere.)
16 Makura Karebu ta tanta asi: “Mugara ogu nga rwisa sitata saKiliyata-sefere a si kwate, ngani mu ninka a kware munange Akisa.”
17 Makura Otiniyeli munaKenasi ta ka si kwata. Kenasi kwa kere mumbyaKarebu, ano Karebu ta mu pe munendi Akisa a mu kware.
18 Apa ga kere Akisa monzira zokuza kembo, ta tantere mugara gwendi a hundire epya koguhwe Karebu. Makura Akisa ta humburuka posindongi sendi,* ano oguhwe tava mu pura asi: “Yisinke ono hara?”
19 Age ta tanta asi: “One mwa pa nge sirongo sokoMbindakano,* tungikeni nge hena mu pe nge Guroti-mayimu.”* Makura Karebu ta mu pe sirongo saGuroti sokondundu nesi semedamenena.
20 Ou kuna kara upingwa worudi rwaJuda kuliza nomapata gawo.
21 Yitata yorudi rwaJuda eyi ya kere koMbindakano koyiha yomururani gwaEdomu kuna kara: Kabuseli, Edere, Jagure,
22 Kina, Dimona, Adada,
23 Kedesi, Hasoro, Itinani,
24 Sifu, Teremu, Bearoto,
25 Hasoro-hadata, Keliyoto-hesironi ndi Hasoro,
26 Amamu, Sema, Morada,
27 Hasara-gada, Hesimoni, Bete-pereti,
28 Hasara-suwali, Bere-seba, Bisiyotiya,
29 Bara, Yimu, Esemu,
30 Elitoradi, Kesili, Horoma,
31 Sikiragi, Madimana, Sanisana,
32 Rebaoto, Silihimu, Aini ntani Limoni. Nayinye kwa kere yitata 29 nonomukunda dayo.
33 Yitata eyi ya kere moSefera kwa kere: Esitaoli, Sora, Asina,
34 Sanowa, Eni-ganimu, Tapua, Enamu,
35 Jarumuti, Aduramu, Soko, Aseka,
36 Sarayimu, Aditayimu, Gedera ntani Gederotayimu.* Nayinye kwa kere yitata 14 nonomukunda dayo.
37 Senani, Hadasa, Migidali-gadi,
38 Direyani, Misipa, Jokiteli,
39 Rakisi, Bosikati, Egironi,
40 Kaboni, Rahimamu, Kitilisi,
41 Gederoto, Bete-dagoni, Nama ntani Makeda. Nayinye kwa kere yitata 16 nonomukunda dayo.
42 Libuna, Etera, Asani,
43 Ifita, Asina, Nesibu,
44 Keira, Akisibu ntani Maresa. Nayinye kwa kere yitata ntane nonomukunda dayo.
45 Sitata saEkironi nonodoropa edi da si kundurukida nonomukunda damo;
46 ntani nomukunda edi da kara koUtokero waEkironi kukwatera mo nodoropa edi da hamena koAsidodo nonomukunda damo.
47 Sitata saAsidodo nonodoropa edi da si kundurukida nonomukunda damo; sitata saGasa nonodoropa edi da si kundurukida nonomukunda damo dogoro koMuramba gwaEgipite, kEfuta lyEnene* nokonontere defuta.
48 Ano yitata yomonomukunda donondundu kwa kere: Samili, Jatire, Soko,
49 Dana, Kiliyata-sana ndi Debire,
50 Anabu, Esitemo, Animu,
51 Goseni, Horoni ntani Giro. Nayinye kwa kere yitata 11 nonomukunda dayo.
52 Arabiya, Duma, Esani,
53 Janimu, Bete-tapua, Afeka,
54 Humuta, Kiliyata-aruba ndi Heburoni ntani Siyore. Nayinye kwa kere yitata ntane nonomukunda dayo.
55 Mawono, Karumeli, Sifu, Juta,
56 Jesireli, Jokedeyamu, Sanowa,
57 Kayini, Gibeya ntani Timuna. Nayinye kwa kere yitata 10 nonomukunda dayo.
58 Halihuli, Bete-suru, Gedoro,
59 Marati, Bete-anoti ntani Elitekoni. Nayinye kwa kere yitata ntazimwe nonomukunda dayo.
60 Kiliyata-bara ndi Kiliyata-jeyalimu ntani Raba. Nayinye kwa kere yitata yivali nonomukunda dayo.
61 Yitata eyi ya kere momburundu kwa kere: Bete-araba, Midini, Sekaka,
62 Nibusani, Sitata soMungwa ntani Eni-gedi. Nayinye kwa kere yitata ntazimwe nonomukunda dayo.
63 Nye vantu womorudi rwaJuda kapi va tjidire mo Vajebusi ava va kere moJerusarema, yipo nye, awo simpe kwa tunga mokatji korudi rwaJuda moJerusarema dogoro naina.
Nonkango dokonhi
^ Ndi “esi va pere pafungu-fungu.”
^ Kwa tamba Efuta lyoKufa.
^ Kwa tamba Efuta lyEnene ndi Efuta lyoPokatji.
^ Kwa tamba Efuta lyoKufa.
^ MoRuhebeli asi “Muramba govana vaHinomu.”
^ Kwa tamba Efuta lyoPokatji.
^ Ndi nampo asi “ta sakerere age posindongi yipo va mu purakene.”
^ Ndi “Negebu.”
^ Kutanta asi “Mavango gomema.”
^ Ndi nampo asi “Gedera noyinyongo yamo yononzwi.”
^ Kwa tamba Efuta lyoPokatji.
