Buke zaMarukusa 16:1-8
-
Jesus tava mu pindura koufe (1-8)
16 Apa lya pwire Esabata, Mariya Mangadarena naMariya zinyaJakopo naSarome kwa ka rende yikwedumba,* yipo va ya kwite simpu sendi.
2 Ngurangura zonene, mezuva lyokuhova lyomosivike,* tupu lya pumine, tava ka sika kontoko.*
3 Tava lipuragere vene navene asi: “Yilye na ka tu gusira ko emumanya kevero lyontoko?”
4 Nye apa va tere kevero lyontoko, tava dimburura asi emumanya vana li sindumuna ko, nampili ngomu lya kere lyemunene.
5 Apa va hwililire montoko, tava mono mumati gomudinkantu ana hingire korulyo, ana dwara sikoverero sosire sosizera, makura tava tukuka.
6 Age ta va tantere asi: “Ya ha mu tukukisa, one kuna kupapara Jesus ogu ka va pamparere kositji. Ka va mu pindwire koufe. Age mwato omu. Tareni, apa yipo ka va mu rangekere.
7 Nye zendeni mu ka tantere varongwa vendi naPeturusa asi: ‘Age ta mu hovere kuza koGalireya, kwina yiko ngomu ka mu mona, moomu ga mu tanterere.’”
8 Apa va pwege mo montoko, awo vana kara nowoma oku tava kankama. Kwato ogu va tanterere ko, morwa awo kwa kere nowoma.*
Nonkango dokonhi
^ Yininke eyi ngava ruganesa mokuwapaikira rutu evhumbiko.
^ Ezuva eli atu tumbura asi Sondaha, koVajuda alyo kwa kere ezuva lyokuhova lyomosivike.
^ Ndi “keyendo.”
^ Kuliza nomatjangururo ganare, Evangeli lyaMarukusa kwa hagera povelise 8.
