Buke zaMateusa 1:1-25
1 Buke ezi kwa simwitira kuhamena eparu lyaJesus Kristusa,* munwaNdafita, munwaAbirahamu:
2 MwaAbirahamu yimo ga tunda Isaka;mwaIsaka Jakopo;mwaJakopo Juda novakuru vendi novamumbya vendi wovagara;
3 mwaJuda naTamara, Peresi naSera;mwaPeresi Hesironi;mwaHesironi Rama;
4 mwaRama Aminadabu;mwaAminadabu Nasoni;mwaNasoni Salimoni;
5 mwaSalimoni naRahabu Bowasa;mwaBowasa naRutu Obedi;mwaObedi lsayi;
6 ano mwalsayi hompa Ndafita;MwaNdafita namukada Uliya yimo ga tunda Saromo;
7 mwaSaromo Rehoboyamu;mwaRehoboyamu Abiya;mwaAbiya Asa;
8 mwaAsa Jehosafata;mwaJehosafata Joramu;mwaJoramu Usiya;
9 mwaUsiya Jotamu;mwaJotamu Ahasi;mwaAhasi Hisikiya;
10 mwaHisikiya Manase;mwaManase Amoni;mwaAmoni Josiya;
11 mwaJosiya Jekoniya novamumbya vendi ava va hampurukire posiruwo esi va twere Vaisraeli mounkwate koBabironi.
12 Konyima zapa va va twere koBabironi, mwaJekoniya tamu ya tundu Seyalitiyeli;mwaSeyalitiyeli Serubabeli;
13 mwaSerubabeli Abiudu;mwaAbiudu Eliyakimu;mwaEliyakimu Asoro;
14 mwaAsoro Sadoko;mwaSadoko Akimu;mwaAkimu Eliudu;
15 mwaEliudu Eliyasara;mwaEliyasara Matani;mwaMatani Jakopo;
16 mwaJakopo yiyo mwa tunda Josefa, mugara gwaMariya, Mariya ogu ga ya hampurukire Jesus ogu va ruka asi Kristusa.
17 Navenye kumwe kutunda kwaAbirahamu dogoro kwaNdafita, mazimo 14, kutunda kwaNdafita dogoro apa va va twere koBabironi, mazimo 14, kutunda apa va va twere koBabironi dogoro kwaKristusa, mazimo 14.
18 Ehampuruko lyaJesus Kristusa yimo lya horokere ngesi. Apa Josefa ga vandekerere Mariya, awo simpe nokulikwara si, yipo ga gwene ezimo kupitira mompepo zokupongoka.*
19 Morwa mugara gwendi Josefa muhungami ga kere, kapi ga here kumufisa nomuga, yipo nye ga gazarere asi a mu zumbe mokahore-hore.
20 Konyima zokugazadara ko kweyi, ta gwire monompofu, makura muengeli gwaJehova* ta mu monekere monzodi, ta mu tantere asi: “Josefa zaNdafita, wa ha tjira kugusa Mariya a kare mukadoge, yeeyi eyi yina kara mwendi, kompepo zokupongoka ya tunda.
21 Age nga hampuruka munona gomumati, ano ngo mu ruke Jesus,* morwa yige nga zowora muhoko gwendi kononzo.”
22 Nayinye eyi kwa horokerere yipo yi sike mo eyi ga uyungire Jehova kupitira momuporofete gwendi asi:
23 “Mukadona nga kara nomarutu gavali, nga hampuruka munona gomumati, ogu ngava ruka Imanuere,” kutanta asi “Karunga nose ana kara.”
24 Josefa ta pinduka monompofu, ta rugana moomu ga mu tanterere muengeli gwaJehova, makura ta twara mukadendi kembo.
25 Age kapi ga ligwanekerere nage panyama dogoro apa ga hampurukire munona gomumati, makura age ta mu ruku Jesus.
Nonkango dokonhi
^ Ndi “Mesiyasa; Mugwavekwa.”
^ Ndi “nonkondo daKarunga.”
^ Edina lyaKarunga, Jehova, kwa moneka yikando 241 moMatjangwa goRugereka goSikriste. Esi kuna kara sikando sokuhova lya moneka metoroko eli.
^ MoRuhebeli asi Jesuwa ndi Josuwa kutanta asi “Jehova Muparuli.”
