Nahumu 1:1-15
1 Mbudi zokuhamena Ninivhe. Buke ezi kwa uyunga kuhamena emoneko eli ga mwene Nahumu* goMuelikosi:
2 Jehova Karunga kwa hara asi va mu karere gelike ntani age kutengwida kuwoko;Jehova kutengwida kuwoko ntani age kulikida ehandu lyendi lyenene.
Jehova kutengeka nonkore dendi,ntani age kutwikira kukara nehandu lyenene kononkore dendi.
3 Jehova kapi a handuka usimbu ntani ga kara nononkondo dononene,nye Jehova nga tengeka ava va fira kutengeka.
Apa a piti kukara po ekundungu nompepo zonene,ntani maremo kuna kara mbundu zokonompadi dendi.
4 Age kuhandukira efuta nokulikukutika,ntani kuninka nomukuro nadinye di pwire.
Yimeno yaBasani neyi yaKarumeli tayi kukuta,nombya domoLibanoni nado tadi kukuta.
5 Nondundu kumukankama,ntani nondundugona kudongonoka po.
Uzuni ngau linyunganga,kumwe nevhu nava va kara mo morwa sipara sendi.
6 Yilye gokuvhura kuhenduka ehandu lyendi?
Ntani yilye gokuvhura kulididimikira ehandu lyendi lyenene?
Ehandu lyendi nga li twera ngwendi mundiro,
ntani age nga bamagura mamanya.
7 Jehova muwa, age kupopera* posiruwo soudigu.
Age kupakera mbili* ava ava papara uvando mwendi.
8 Age nga komba po Ninivhe* noruhanzo,ntani nonkore dendi ngadi kara momundema.
9 Yisinke ngo rugana kwaJehova?
Age nga ku zonagwilira po.
Kapisi hepero aya kuzonagure po sikando sauvali.
10 Nampili ngomu Vaninivhe va kara ngwendi mega gokulidinga-dinga,ntani va kara ngwendi vantu ava va korwa komarovhu,*awo ngava va hwika ngwendi rwenge rokukukuta.
11 Moge yimo ngamu tunda ogu nga gazara kurwisa Jehova,ta gava magano gomadona.
12 Jehova kuna kutanta asi:
“Nampili ngomu va kere nononkondo ntani vanzi,awo ngava va zonagura ntani ngava dongonoka po.
Ame kwa kuhepeka,* nye kapi ngani kuhepeka hena.
13 Ame ngani ku mangurura mepangero lyononkore* doge pavali,ntani ame ngani ndembura malyenge* goge.
14 Jehova ana tokora kuhamena Vaasiliya asi:‘Edina lyoge ngali haga.
Ame ngani zonagura po yikarunga yokuhonga ntani nomafano goyivera* montembeli zoyikarunga yoge.
Ame ngani kuruganena ntoko morwa ove nayimwe si.’
15 Tara nompadi dogu ana kutunda konondundu, age kuna kureta mbudi zongwa,nokudivisa mbili.
Ove Juda dana yipito yoge, sikisa mo nomugano doge,yeeyi muntu gomudona kapi hena nga ku homokera.
Age ngava mu zonagwilira po.”
Nonkango dokonhi
^ Kutanta asi “Muhengagwidi.”
^ Ndi “age evango lyepopero.”
^ MoRuhebeli asi “ga diva.”
^ MoRuhebeli asi “evango lyendi.”
^ Ndi “marovhu gorukokotwa.”
^ Kwa tamba Juda.
^ Ndi “ame ngani teza ndjoko ezi ga ku kambeka.”
^ Ndi “mauketanga.”
^ Ndi “yikarunga yokuhambura.”
