Nahumu 3:1-19
3 Nanewo sitata sovadipagi!
Aso kwa zura yimpempa nowidi.
Aso nkenye apa kuhakana yuma.
2 Ame kuna kuzuvha muhagaro gongora ntani gomakoso,muhagaro gononkambe dina kuduka ntani goturukara.
3 Varondi pononkambe, marufuro gana kuvembera ntani nomagonga gana kupayima,nondambo doyimpu ntani nedi doyikorama yina fu.Vantu vanzi unene vana fu.
Vantu kuna kulipundagura moyimpu.
4 Eyi kuna kuhoroka morwa yirugana yendi yoruhonda yinzi unene.Age kukoka vantu ntani kumoneka nawa, age muhona gonompureogu ga pukisa nomuhoko noyirugana yendi yoruhonda ntani age ga pukisa mapata noumpure wendi.
5 Jehova mupitisili govakwayita vemeguru kuna kutanta asi: “Ame tani di kuvyuka.*Ame ngani kukendura ndoroko zoge;yipo nomuhoko di mone muhere-here goge,ntani yipo mauhompa ga mone nomuga doge.
6 Ame ngani kuzugumina yihandontani ame ngani kufisa nomuga.Ame ngani kuninka o kare sihonena kovakweni.
7 Nkenye ogu nga kumona nga kuduka nokutanta asi:‘Ninivhe vana mu zonagura po!
Yilye ogu na mu fira nkenda?’
Kupi nani gwana ava nava kuhengagwida?
8 Ove ngoso wa pitakana Noamoni* omu mwa kere nomukanko daNili ndi?Mema kwa mu kundurukidire.
Efuta kwa kere emona lyendi ntani nekuma lyendi.
9 Age nga gwana nonkondo dononzi kwaEtiyopiya naEgipite.
Puti noValibiya yiwo ngava ku vatere.
10 Nye nage kwa zire mounkwate.Age kwa mu tulire monomango.
Vana vendi kwa va myonene moyitarata.
Vagara vendi ava ngava pitisire kwa va ruganene yofungu-fungu,ntani vagara vendi wokudivikwa kwa va menge nomalyenge.*
11 Nove ngo korwa;nove ngo vanda.
Ngo papara uvando kononkore doge.
12 Makuma goge gepopero kwa fana ngwendi yitji youkuzu eyi ayi howo kuyima enyango lyokupya.Nsene va yi nyunganga enyango ta li gwire motuna tononkore dawo.
13 Tara si! Vakwayita woge kwa fana ngwendi vakadi.
Marungavero gositata soge ngaga zegurukira nonkore doge.
Mundiro ngagu hwika marungavero goge.
14 Vheta mema o liwapaikire kukuhomokera.
Nkondopeka makuma goge.
Zende metata o ka lyatange erova;yipo o ka rugane nondopi.
15 Nampili ngoso mundiro ngagu kuhwika.
Rufuro ngaru kuteta.
Aro ngaru kuzonagura ngwendi moomu a zonagura simbondegona yininke.
Ninka vantu woge va kare wovanzi!
Va ninka vantu woge va kare wovanzi ngwendi simbonde!
16 Ove kwa vhukisa varandesi woge, sivaro sawo sa pitakana nombungururu.
Simbondegona kulizuhura sipapa sendi makura ta tuka.
17 Vanomeni woge kwa fana ngwendi simbonde,ano vakwayita woge kwa fana ngwendi edugi lyasimbonde.
Age kuvanda momamanya nsene utenda,nye apa nali pwaga ezuva, ta tuka;ntani kwato ogu ga diva oku ana kara.
18 Ove hompa gwaAsiliya, vasita woge kuna kukumauka;vantu woge wokufumana kwa kara momambo gawo.
Vantu woge vana lihanene konondundu,ntani kwato ogu ana kuvapongaika.
19 Ove kapi ngo pwizumuka koudigu woge.
Yironda yoge kapi ngayi pora.
Navenye ava ngava zuvha eyi ya kuhorokera ngava sakerera;yeeyi navenye kwa hepa morwa ukenya woge.”
