EYI YA KARERA NOMULYO: Nsene va liwapaikira ngayi va vatera va kwate egano eyi tuna kuvaronga nokuyidiworoka. Ngomu vana kuyikwata egano nokuyidiworoka yimo ngava tura po ezokomeho. Nampili konyima zokugwana ekuho, va hepa simpe kuliwapaikira komapongo nomokuzuvhisa yipo va kare vana ‘rungarara.’ (Mat 25:13) Yipo nye, nsene va diva omu nava lironga nokukara nelikwamo lyewa lyokulironga, ngayi va vatera meparu lyawo nalinye. Twa hepa kuvatera varongwa va tunge po nkareso zokuliwapaikira paapa tupu natu tameka kulironga nawo Bibeli.

OMU NATU YI RUGANA:

• Kara gosihonena sosiwa. (Rom 2:21) Gazara murongwa goge ngomu ono kuliwapaikira. (km 11/15 epe 3) Mu likida mosifo soge omu o liwapaikire

• Mu korangeda a liwapaikire. Paapa tupu nomu tameka kulironga, mu fatwilira eyi ya karera nomulyo kwava vana kulironga Bibeli va liwapaikire ntani mauwa aga nava gwanena mo. Mu pa ko magano omu na ruganesa siruwo sendi yipo yi mu tompoke kuliwapaikira. Vazuvhisi vamwe kupa murongwa gwawo sifo esi va liwapaikira nare yipo murongwa a mone uwa wokuliwapaikira. Nsene ana liwapaikire, mu pandadeka

• Mu likida omu na liwapaikira. Vazuvhisi vamwe kulikida murongwa omu na liwapaikira sirongwa nasinye paapa tupu nava tameka kulironga