25:1-12

Nampili ngomu Jesus ga tambesere sifanekeso sovakadona murongo kovagwavekwa, mbudi ezi kwa tamba koVakriste navenye. (w15 3/15 epe. 9-14) “Yipo nye nomu rungararera, yeeyi mwa dira kudiva ezuva novili.” (Mat 25:13) Kuvhura o faturure sifanekeso esi ndi?

• Mukwali (velise 1)—Jesus

• Vakadona wovanandunge ava va li wapaikilire (velise 2)—Vagwavekwa wovalimburukwi ava va liwapaikira kusikisa mo situmbukira sawo ntani ava vana kupaima ngwendi nombungururu dogoro uhura (Fil 2:15)

• Ezwi kuna kuzigira asi: “Ani one, mukwali gogo ana kuwiza!” (velise 6)—Ekaropo lyaJesus

• Vakadona womagova (velise 8)—Vagwavekwa ava ava ndindire Mukwali nye va hana kurungarara ndi va hana kulimburukwa

• Vakadona wovanandunge kwa nyokere kugava mawoli gawo (velise 9)—Konyima zokuvatura sinongweneso sokuhulilira, vagwavekwa wovalimburukwi kapi ngava vatera nkenye ogu nga dira kulimburukwa

• “Mukwali ta wiza” (velise 10)—Jesus nga wiza pehagero lyoudigu wounene a ya pangure

• Ano vakadona wovanandunge tava hwilire monzugo zosipito sononkwara, makura evero tava li zedire (velise 10)—Jesus kwa pongaika vagwavekwa wovalimburukwi va ze meguru nye wokudira kulimburukwa va zumbanesa mfeto zawo zemeguru