EYI YA KARERA NOMULYO: Jehova yige Murongi goMunene po. Age kuturonga omu natu wapukurura eparu lyetu ntani nomu natu liwapaikira meho zetu. (Jes 11:6-9; 30:20, 21; Ehor 22:17) Kupitira merongo eli, Jehova kutudeura omu natu zuvhisa mbudi zongwa.—2Kol 3:5.

OMU NO YI RUGANA:

• Tunga po sikara selinunupiko.—Epis 25:8, 9

• Tambura edeuro eli ana kugava ngesi Jehova kupitira mosikora zoukareli ezi atu rugana mosivike

• Litulira po yitambo yopampepo.—Fil 3:13

• Litulira po siruwo yipo o gwane edeuro lyenzi.—Fil 3:8

TARERA VIDIYO KWA GWANA MATUNGIKO POKUVARONGA JEHOVA, MAKURA LIMBURURA MAPURO AGA:

• Maudigu musinke va ligwanekerere nago vazuvhisi vamwe komeho va ze koSikora zovazuvhisi woUhompa?

• Edeuro musinke ava ka gava koSikora zovazuvhisi woUhompa?

• Ngapi womonombungakriste va vaterere vazuvhisi ava va ka tundire koSikora yipo va sikise mo sirugana sawo?

• Wolye va wapera kuza koSikora zovazuvhisi woUhompa? (kr epe. 189)

• Edeuro musinke hena ono hara kukondjera mombunga zaJehova?