22-28 Murongagona
JOBA 38-39
Rusumo 11 nekanderero | Etwaromo (minute 1)
1. Ove kulitulira po siruwo yipo o konakone unsitwe ndi?
(nominute 10)
Apa ga mene kusita evhu, Jehova kwa litulilire po siruwo yipo a konakone eyi ga sitire (Ge 1:10, 12; Joba 38:5, 6; w21.08 epe. 9 para. 7)
Vaengeli kwa litulilire po siruwo yipo va konakone eyi ga sitire Jehova (Joba 38:7; w20.08 epe. 14 para. 2)
Kuvhura tu nkondopeke ehuguvaro lyetu mwaJehova apa atu litulire po siruwo yipo tu konakone unsitwe ntani nokulikida rupandu (Joba 38:32-35; w23.03 epe. 17 para. 8)
2. Papara ugawo womoBibeli
(nominute 10)
-
Joba 38:8-10—Yisinke adi tu rongo novelise edi kuhamena Jehova ngoMugavi Veta? (it-2-E epe. 222)
-
Ugawo musinke ko gwene mereso lyoBibeli lyomosivike?
3. Ereso lyoBibeli
(nominute 4) Joba 39:1-22 (th sirongwa 5)
4. Omu no tameka nzogera
(nominute 2) KUZUVHISA NAMPILI KAPISI MOKUZUVHISA ONO KARA. Hagekesa po nzogera monkedi zongwa nsene o dimburura asi muntu ogu ono kuzogera nage kapi ana hara kuuyunga. (lmd sirongwa 2 sitwa 3)
5. Omu no tengwira ko
(nominute 5) TUNDA EMBO ZENDE EMBO. Sikando sina kapita, muntu ogu kozuvhisilire ka ku tanterere asi ntani tupu ka fisire gumwe ogu ga hara. (lmd sirongwa 9 sitwa 3)
6. Siuyungwa
(nominute 5) lmd magwedereroko 1 sitwa 1—Siparatjangwa: Yihorokwa yoyidona tuna kumona yina kuhoroka kuna kulikida asi ntaantani yininke yi ka litjindje ndi? (th sirongwa 18)
Rusumo 111
7. Kukonakona unsitwe kutuvatera tu diworoke yininke yomulyo unene
(nominute 15) Nzogera.
Apa Satana novakaume vaJoba vatatu va mu homokerere, Joba kwa gazadarere ko kuhamena maudigu gendi ntani nomu va mu pangwire.
Resa Joba 37:14. Makura pura vapurakeni asi:
Yisinke ga hepere kurugana Joba yipo a hageke kudemenena unene komaudigu gendi?
Apa aga tu vhukire maudigu, kukonakona unsitwe kutu vatera tu diworoke unankondo waJehova nokukondopeka eharo lyetu lyokutwikira kumulimburukwa ntani kutuvatera tu kare nehuguvaro asi age kutu pakera mbili.—Mat 6:26.
Likida VIDIYO Eyi azi tu rongo buke zaJoba—Yikorama. Makura pura vapurakeni asi:
Ngapi omu vidiyo ezi zina nkondopeke ehuguvaro lyoge mwaJehova?
8. Elirongo lyoBibeli lyoMbunga
(nominute 30) kr egau. 5 para. 10-17 ntani kakende “Rufuwo rorunene”
