LITURA MO MOKUZUVHISA
Kuwapukurura udivi wetu wokuzuvhisa
EYI YA KARERA NOMULYO: Mombapira zepongo mwa kara magano gomawa omu no hanesa, kapisi hepero o rese moomu va yi tjanga, nye uyunga mononkango danyaamoge. Kuvhura o wapaike magano goge ndi sirongwa esi sa fira momukunda gweni. Nsene yimo ngoso, pokumana kuresa Ruhungu nokukonakona magano va gava nokutarera vidiyo, kuvhura o ruganese magano aga o tjange magano ganyaamoge.
OMU NO YI RUGANA:
Lipura asi: ‘Nina hara kuruganesa limwe lyomagano aga ndi?’
NHI
-
Wapaika nonkango edi no ka tamekesa. Nsene ono mana kumorora muntu, tumbura eyi ono wizire. (Pasihonena: “Ame kuna wiza morwa . . . ”)
-
Gazadara omu no ka tameka kukapura epuro nokukarundurukira ketjangwa nokumupa sifo. (Pasihonena: Pokumupa etjangwa kuvhura o uyunge asi: “Mokugwana elimbururo lyewa kepuro olyo tareni apa.”)
HAWE
-
Horowora sirongwa moRuhungu esi ono hafere ntani sa wapera momukunda gweni
-
Wapaika epuro eli no ka pura mokukatumagenda muntu nye kapisi lyokumurengwesa. (Pasihonena: Mapuro aga aga kara pepenuno 2 lyoRuhungu.)
-
Horowora etjangwa eli no ka resa.
-
Tjanga ntanto zimwe ndi mbali o faturure omu muntu no ka zuvhisira na ka gwanena mo uwa pokukaresa sirongwa oso
NKENYE EYI NO TOKORA
-
Wapaika epuro eli ngo ya limburura petengwiropo
-
Didilika yipo o ka diworoke eyi ngo ya uyunga sikando sokukwamako
