29 Kudumogona–5 Kudumonkuru
EPISAROME 34-35
Rusumo 10 nekanderero | Etwaromo (minute 1)
1. ‘Hamberereni HOMPA nkenye apa’
(nominute 10)
Ndafita kwa hamberere Jehova nampili ngomu ga ligwanekerere nomaudigu (Epis 34:1; w07-E 3/1 epe. 22 para. 11)
Ndafita kwa tangaukire Jehova nye kapisi mwene (Epis 34:2-4; w07-E 3/1 epe. 22 para. 13)
Apa Ndafita ga hamberere Jehova ayo kwa nkondopekere vakaume vendi (Epis 34:5; w07-E 3/1 epe. 23 para. 15)
Konyima zapa Ndafita ga sigire Abimereki, vagara wokusika po-400 ava va dilire kuhafa, ava va kere mepangero lyahompa Sauru kwa lipakerere naNdafita momburundu. (1Sam 22:1, 2) Ndafita nampo kwa gazarere vagara owo apa ga tjenge Episarome eli.—Epis 34.
LIPURA ASI: ‘Ngapi omu ngani hamberera Jehova apa ngani uyunga nagumwe mepongo lyokukwama ko?’
2. Papara ugawo womoBibeli
(nominute 10)
-
Epis 35:19—Yisinke eyi ga tembe Ndafita apa ga pulire Jehova a dire kupulisira ava va mu nyenga va mu ‘fenye nomeho’? (w06-E 5/15 epe. 20 para. 2)
-
Ugawo musinke ko gwene mereso lyoBibeli lyomosivike?
3. Ereso lyoBibeli
(nominute 4) Epis 34:1-22 (th sirongwa 5)
4. Omu no tameka nzogera
(nominute 2) ZUVHISA NAMPILI KAPISI MOKUZUVHISA ONO KARA. Muntu ta hagekesa po nzogera komeho o tameke ku mu zuvhisira. (lmd sirongwa 1 sitwa 4)
5. Omu no tengwira ko
(nominute 4) ZUVHISA NAMPILI KAPISI MOKUZUVHISA ONO KARA. (lmd sirongwa 2 sitwa 4)
6. Faturura eyi wa pura
(nominute 5) Elikido. ijwfq-E 59—Siparatjangwa: Ngapi omu Nombangi daJehova adi divilisa nsene asi kuvhura kudana epwizumuko lyongandi? (th sirongwa 17)
Rusumo 59
7. Nonkedi ntatu omu no vhura kuhamberera Jehova komapongo
(nominute 15) Nzogera.
Mapongo kugava nompito dokulisiga-siga omu natu hamberera Jehova. Edi kuna kara nonkedi ntatu omu natu yi rugana.
Nonzogera: Nsene kuna kuzogera nava wopeke uyunga kuhamena omu Jehova ga wapa. (Epis 145:1, 7) Kopurakenene ndi koresere sitwa simwe esi kasi kuvaterere o gwanene mo mauwa ndi? Kolimonene sihorokwa sosiwa mokuzuvhisa ndi? Kogwene ekorangedo kwa gumwe ndi? Apa ko tere kounsitwe komwene yininke yimwe eyi kayi kutetukisire ndi? Nagenye aga kuna kara mauhwi gokutunda kwaJehova. (Jak 1:17) Livinduka kuwiza komapongo yipo o gwane siruwo sokuzogera nava wopeke.
Malimbururo: Hetekera ko kugava nampili elimbururo limwe mepongo. (Epis 26:12) Kuvhura o gave elimbururo lyokuvyukilira ndi kuvhura o gwederere ko, etjangwa, efano ndi omu no ruganesa mauzera ogo. Liwapaikira malimbururo gongandi morwa wopeke nga va zerura mawoko apa ngo zerura. Wovanzi nava vhura kugava “nonzambo dehamberero kwaKarunga” nsene tu gava malimbururo getu monosekonde 30.—Heb 13:15.
Nonsumo: Dimba nonsumo doUhompa noupampi. (Epis 147:1) Kuvhura o dire kugwana mpito zokugava elimbururo kepongo, unene po nsene mbungakriste ozo nene nye kuvhura o dimbe nkenye apa. Nampili o lizuvhe asi kapi o dimbi nawa, apa o hetekere ko ayo kuhafesa Jehova! (2Kol 8:12) Kuvhura o liwapaikire pokuliyomberesa nonsumo odo kembo.
Likida VIDIYO Ehistoli lyetu—uhwi wononsumo, Ruha 1. Makura pura vapurakeni asi:
Petameko ngapi omu mbunga zaJehova za yilikidire asi kudimbira Jehova nonsumo dehamberero mulyo?
8. Elirongo lyoBibeli lyoMbunga
(nominute 30) kr ruha 3 “Nompango doUhompa—Kukondjera uhungami waKarunga” ntani egau. 10 para. 1-7
