KUPARUKA NGOMUKRISTE

Vatera ava va dira kuhamena koukarelikarunga va dive Musiti

PLAY

Ove kukudigopera kuzuvhisira vantu ava va dira kupura mwaKarunga nokugazara asi kapi nava kupurakena ndi? Nsene yimo, diworoka asi vantu wovanzi ava va dilire kuhamena koukarelikarunga ndi kupura mwaKarunga nawo kwa ya kara Nombangi daJehova. Rorunzi, awo kuhepa tupu evatero mokukona kona maumbangi asi Karunga yipo sili ga kara.—Rom 1:20; 10:14.

TARERA VIDIYO DIWOROKENI ASI VANTU WOKUDIRA EPURO KUVHURA VA KARE NEPURO—AVA VA DIRA KUHAMENA KOUKARELIKARUNGA, MAKURA LIMBURURA EPURO ELI:

Ngapi omu sihorokwa saTommaso sina kuvatera o kare nomutaro gomuwa gokuzuvhisira vantu ava va dira kuhamena koukarelikarunga?

Elimbururo lyoge

Omu no yirugana

Nsene muntu a ku tantera asi kapi ga pura mwaKarunga, kara nombili, ruganesa nondunge ntani likida elituromo komagano gendi nomu ana kulizuvha kuhamena sirongwa oso. (2Tim 2:24) Zogera nage yirongwa eyi na vhura kuhafera. Ana yipulisire mokuzogera nage maumbangi aga ga ninkisa vantu va pure moMusiti ndi? Nsene yimo, ruganesa yimbapiratjangwa nonovidiyo edi va wapaikira sitambo oso. Mbapira Was Life Created? ntani The Origin of Life—Five Questions Worth Asking kwa di tura moyiruganeso yetu yokuzuvhisa yipo tu vhure kudigwana noureru.

Pomuhowo kuvhura yi ku tjilise asi kapi to vhuru kuzogera kuhamena usili nomuntu ogu ga dira kupura mwaKarunga. Kuvhura o pure muzuvhisi ogu ga kara noudivi yipo a ku vatere. Diworoka asi Jehova nga ku vatera yipo o gume nomutjima dovantu wonomutjima donongwa nampili va dire kuyipura pomuhowo asi Karunga yipo ga kara.—Yirug 13:48.

EPARU LYETU NOYIRUGANA YOKUZUVHISA–MBAPIRA ZEKEPONGO