Sinzi sovantu kapi va huguvara ava va kara nounankodo. Ose kuyikwata egano asi morwasinke. Sinzi sovantu kwa ruganesa unankondo wawo momudona, mokugwanena mo tupu mauwa ga vene. (Mika 7:3) Ose kupandura kweyi monoMbungakriste mwa kara vakuronambunga ava va deura mokuruganesa unankondo wawo yipo vantu vaJehova va gwanene mo uwa.—Esit 10:3; Mat 20:​25, 26.

Vakuronambunga va lisiga novapangeli womouzuni ou, awo kurugana ngovatareli morwa va hara Jehova ntani novantu vendi. (Joh 21:16; 1Pet 5:​1-3) Mepitisiro lyaJesus, vasita ava kuvatera nkenye muzuvhisi a lizuvhe asi age kwa hamena kepata lyaJehova nokumuvatera a kare pepi naJehova. Awo kurugana ko yuma usimbu mokukorangeda nonzwi daJehova ntani nokudivatera apa adi ligwanekere nouhaku wohararasi ndi nosimpagwa. Nsene ono hepa evatero manguruka kuuyunga novakuronambunga womombungakriste zeni.—Jak 5:13.

TARERA VIDIYO VASITA AVA AVA PAKEREMBILI SIUNDA, MAKURA LIMBURURA MAPURO AGA:

• Ngapi omu Mariana ga gwanenene mo uwa mevatero lyovakuronambunga?

  Elimbururo lyoge

• Ngapi omu Elias ga gwanenene mo uwa mevatero lyovakuronambunga?

  Elimbururo lyoge

• Ngapi ono kulizuvha kosirugana esi ava rugana vakuronambunga konyima zokutarera vidiyo ezi?

  Elimbururo lyoge