Mapukururo kovakalimo
MAPONGO GOKULIKARERA
YIRUGANA YOMOBETELI Vazuvhisi ava va gwana ekuho wonomvhura 35 ntani nava wokonhi zonomvhura odo va kara moNamibia ava vana hara kuza mosirugana soBeteli va hepa kutura po mawapaiko va ka kare mosigongi soyirugana yoBeteli moUtano kositenguko. Evango nosiruwo nava yi divisa komeho zosiruwo.
SIKORA ZOVAZUVHISI WOUHOMPA Vazuvhisi wokukarerera wonomvhura dopokatji ko-23 ntani 65 ava vana hara kutamununa sirugana sawo sokuzuvhisa kuna kuvazigida mokuyakara mepongo lyava vana hara kuza koSikora zovazuvhisi woUhompa moSondaha kositenguko. Evango nosiruwo sepongo eli ngava yi divisa komeho zosiruwo
MAPUKURURO KOVAKALIMO
VAVATELI Vavateli kwa va tumbukira asi va ku kwafe. Ruganena kumwe nawo mokukwama mavyukiso gawo koyininke ngwendi usikamekero matuwa, etakameso lyombunga noyipundi ntani noyininke peke hena.
EKUHO Yipundi eyi ngava pungwira vagwani ekuho ngayi kara komeho. Vagwani ekuho va hepa kuhingira kevango eli vana va wapaikire komeho zokukatameka siuyungwa sekuho moMapeu kongurangura. Nkenye gumwe ga hepa kusimba handuke zamwene nomudwaro gwa wapera kuzisa momema.
YIGAVA Kwa tura po mawapaiko mokugwana yipundi yokugwanena po nomambako nayimwe hena, mokutuninkisa tu hafere sigongi esi nokutuvatera tu hedere pepi naJehova. Yigava yeni yokutunda komutjima nayi vatera mokufutira yininke oyo nokukwatesa ko yirugana yoUhompa youzuni mudima. Mokuyimurerupikira, mevango eli vana tura mo yikesa yoyigava. Yigava nayinye kuna kuyitambura norupandu, ano Mbungagendesi zina hara kumupandura kougavi weni mokukwatesa ko yirugana yoUhompa.
SIHAKWIRO Diworoka asi ruha oru roYIPONGA YOHARARASI TUPU.
EVANGO LYOYININKE YOKUZUMBANA Nkenye yininke ono tora wa hepa kuyitwara komberewa ozo. Nsene ono zumbanesa nkenye sininke, zende komberewa ozo nokukadimburura sininke soge. Vanona ava vana zumbana kovakurona vawo va hepa kuvatwara komberewa ozo. Nampili ngoso, mberewa ozo kapisi va zi tare asi zokutakamesa vanona. Takamesa vana woge nokuvaninka va kare noge.
YIPUNDI Gazadara ko vakweni. Diworoka asi yipundi kuvhura kuyipungwira vemepata lyoge nava nampo vana gendi nove metuwa lyoge ndi ava o lirongo nawo Bibeli. Wa ha tura yuma poyipundi eyi ono dili kuhepa.
YIRUGANA YOKULIZAMBERA Nsene ono hara kuvatera posigongi, hedera mberewa zoyirugana yokulizambera, ano nava ka ku likida oku kuna hepa ekwafo.
Kwa si wapaika Mbungagendesi zoNombangi daJehova
