YINKE ono kumona apa? Yimo, vakwayita pononkambe dononzera. Nye tara nawa asi kupi vana kutundilira. Nonkambe kuna kuramba di gurumuke kutunda meguru pomaremo! Modili nawa-nawa nonkambe meguru ndi?

Hawe, ado kapisi nonkambe nawa-nawa. Ose kwa yi diva eyi morwa nonkambe kapi tadi vhuru kuduka pomaremo, ndi kuvhura? Nye Bibeli za uyunga kuhamena nonkambe meguru. Ono diva asi morwasinke?

Morwa posiruwo simwe nonkambe ngava di ruganesa unene mokurwa yita. Bibeli yipo nye za uyungira kuhamena vantu vana rondo nonkambe va tunde meguru zi likide asi Karunga kuna kara noyita yokurwisa vantu pevhu. Ono diva asi ngapi omu ava tumbura evango lyoyita eyi? Harumagedoni. Yita eyi yokukazonagura po udona naunye pevhu.

Jesus yige nga ka pitisira mokurwa yita eyi poHarumagedoni. Diworoka, Jesus yige ga horowora Jehova a kare hompa gepangero Lyendi. Eyi yiyo ana dwarere Jesus nkata zouhompa. Ano rufuro kuna kulikida asi age nga dipaga nonkore daKarunga nadinye. Yi tu tetukise nye eyi asi Karunga nga ka zonagura po vantu wovadona navenye ndi?

Tengura si o tare kEsimwititi 10. Yinke ono kumona opo? Yimo, Ruhanzo rorunene oru rwa zonagwire vantu wovadona. Yilye ogu ga retere Ruhanzo rwina? Jehova Karunga. Tara si nye ngesi <<a href="article_15.htm">kEsimwititi 15. Yinke yina kuhoroka apa? Sodoma naGomora kuna kuvazonagura nomundiro ogu ga tumine Jehova.

Zende kEsimwititi 33. To mono asi yinke yina kuhorokera nonkambe nomatemba goyita goVaegipite. Yilye ogu ga ninkire mema ga va mbandukire? Jehova. Age kwa yi rugene a popere vantu vendi. Tara kEsimwititi 76. Opo to mono asi Jehova kwa ninkire novantu vendi vaava, Vaisraeli, va va zonagure morwa udona wawo.

Yipo nye asi, kapi tayi tu tetura asi Jehova nga tuma vakwayita vendi vemeguru va ya hagekese po udona naunye pevhu. Nye gazara ko tupu asi yinke ngayi tanta eyi! Penuna si tu tare.

Ehororo 16:16; 19:11-16.