SIRONGWA 01
Ngapi omu Bibeli na zi kuvatera?
Sinzi setu twa kara nomapuro kuhamena eparu noruhepo nonomfa ntani eyi ngayi horoka komeho. Nye simpe twa kara noyinka yankenye ezuva ngwendi omu natu gwana nondya nokupakera mbili epata. Sinzi sovantu va ya dimburura asi Bibeli za kara nomalimbururo komapuro gomulyo ntani kugava hena magano omu natu paruka nkenye ezuva. Omu ono kugazara, Bibeli kuvhura kuvatera nkenye ogu ndi?
1. Mapuro musinke gamwe za limburura Bibeli?
Bibeli za limburura mapuro aga gomulyo: Ngapi lya tameka eparu? Morwasinke va tu sitira? Morwasinke vantu ava hepere? Apa a fu muntu, kupi a zi? Nsene vantu kwa hara mbili, morwasinke pwa karera yita? Yinke ngayi horokera evhu komeho? Bibeli kutukorangeda tu papare malimbururo komapuro ogo, ntani vantu wovanzi va gwana malimbururo.
2. Ngapi omu Bibeli nazi tu vatera tu hafere eparu?
Bibeli kugava magano gomawa. Pasihonena, azo kuronga omu epata nali kara noruhafo. Ntani azo kugava magano omu natu lididimikira yinka nomu natu hafera yirugana yetu. Ngomu ngatu konakona mbapira ezi, ngo dimburura eyi azi rongo Bibeli kuhamena yirongwa oyo ntani nayimwe. Ngo ya yi kwatesa ko asi “nkenye etjangwa . . . kwa kara nomulyo.”—2 Timoteusa 3:16.
Mbapira ezi kapisi Bibeli, nye azo ngazi kuvatera o konakone Bibeli. Yipo nye, kuna kukukorangeda o rese matjangwa va tura moyirongwa nayinye ntani nokugahetakanesa neyi ono kulironga.
LIRONGA KO YOYINZI
Konakona omu Bibeli za vatera vantu nomu no hafera kuziresa ntani eyi ya karera nomulyo o pure evatero yipo o zi kwate egano.
3. Bibeli kuvhura zi tu vyukise
Bibeli kwa fana ngwendi ramba zokutema unene. Kuvhura tu ruganese Bibeli zi tu vatere tu ture po matokoro gomawa ntani azo kututantera eyi ngayi horoka komeho.
Resa Mapisarome 119:105, makura zogereni mapuro aga:
-
Ngapi mutjangi govelise ezi ga tere Bibeli?
-
Ngapi o tara Bibeli?
4. Bibeli kuvhura kulimburura mapuro getu
Mukadi gumwe ga ya dimbwilire asi Bibeli kugava malimbururo komapuro aga nga lipura nomvhura dononzi. Likida VIDIYO, makura zogereni mapuro gana kukwama ko.
-
Kuliza novidiyo, mapuro musinke nga lipura mukadi ogu?
-
Ngapi omu kulironga Bibeli kwa mu vaterere?
Bibeli kutukorangeda tu pure mapuro. Resa Mateusa 7:7, makura zogereni epuro lina kukwama ko:
-
Mapuro musinke o lipura aga nazi vhura kulimburura Bibeli?
5. Ove kuvhura o hafere kuresa Bibeli
Sinzi sovantu kuhafera kuresa Bibeli ntani kugwanena mo uwa. Likida VIDIYO, makura zogereni mapuro gana kukwama ko.
-
Kuliza novidiyo, ngapi omu vadinkantu ava lizuvhu kuhamena kuresa Bibeli?
-
Morwasinke ngesi va kulizuvhira mwapeke kuhamena kuresa Bibeli?
Bibeli kuvhura kutupa mavyukiso aga naga tu pa ehuguvaro nokutuhengwida. Resa Varoma 15:4, makura zogereni epuro eli:
-
Nove kukuhafesa eyi za tumbwidira Bibeli kuhamena ehengagwido nehuguvaro ndi?
6. Vakwetu kuvhura va tu vatere tu dive nawa Bibeli
Wovanzi va yi dimburura asi kuzogera Bibeli nava wopeke kuvavatera nampili ngomu ava zi resa pwavene. Resa Yirugana 8:26-31, makura zogereni epuro eli:
-
Yisinke natu rugana yipo tu dive nawa Bibeli?—Tara velise 30 ntani 31.
Mugara goMuetiyopiya kwa pulire evatero yipo a kwate egano Matjangwa. Sinzi sovantu va yi dimburura asi mulyo kuzogera Bibeli navamwe
VAMWE KUTANTA ASI: “Kulironga Bibeli kuhepeka siruwo.”
-
Ove ngapi o yi tara, ntani morwasinke?
YINKE ONO LIRONGO?
Bibeli kugava magano kuhamena omu natu paruka nokulimburura mapuro gomulyo ntani kugava ehengagwido nehuguvaro.
Erugururomo
-
Magano musinke atu gwana moBibeli?
-
Mapuro musinke gamwe za limburura Bibeli?
-
Yisinke ono hara kudiva moBibeli?
MAUZERA GAMWE
Bibeli za kara nomagano aga naga tu vatera naina.
“Unongo ou twa hepa kuugwana tupu moBibeli” (Ruhungu No. 1 2018)
Tara omu Bibeli za vatera mugara ogu ga kere noudigu wopamalizuvho kutundilira unona.
Konakona magano gomoBibeli aga naga vatera mepata.
Lironga omu Bibeli za zeresa egano lyepuko kuhamena asi yilye sili ogu a pangere uzuni.
Kuvhura o hafere hena
MAPURO
Yisinke elirongo lyoBibeli?
Kuvhura o lironge Bibeli noNombangi daJehova mawoko-woko ntani kuvhura o ruganese Bibeli za nyamoge. Kuvhura o zigide ko epata lyoge ndi vakaume woge va ya kare pelirongo lyoge lyoBibeli.
