Omu no gwanena mo uwa melirongo lyoge lyoBibeli
Tara omu za fana buke ezi ntani tarera VIDIYO.
RUHA ROKUHOVA
Pokuliwapaikira sirongwa, resa ruha rokuhova. Mapuro aga gana kara monondanda dononene (A) ntani nomatjangwa, (B) ago kupwagesa yitwa yomulyo. Koneka asi matjangwa gamwe kwa ga didilika asi “resa.”
RUHA ROPOKATJI
Nonkango edi da kara konhi zoruha (C) Lironga ko yoyinzi, kwa faturura eyi nayi kwama ko. Yiparatjangwagona (D) kwa gava etwaromo lyeyi nomu ka zogera. Resa kumwe nomurongi goge matjangwa nokulimburura mapuro ntani nokutarera novidiyo.
NOVIDIYO kulikida novidiyo edi da liza nosirongwa songandi. Monovidiyo dimwe kwa simwitira mo yihorokwa yousili. Nye dimwe kuna kara yidanauka, nampili ngoso, ado kulikida maukaro aga aga horoka.
Zogerereni mafano nononkango edi vana tura ko (E), ntani gazara omu no limburura mapuro gomoruha Vamwe kutanta asi (F).
RUHA ROKUHULILIRA
Yinke ono lirongo? ntani Erugururomo (G) kukwatakanesa sirongwa nasinye. Didilika mazuva aga wa mene sirongwa. Ruha Heteka eyi (H) kugava magano aga no tura pasirugana. Moruha Mauzera gamwe (I) kwa kara mo mauzera aga no resa ndi novidiyo edi no tarera.
Omu no gwana novelise moBibeli
MoBibeli kwa kara mo nobuke 66. Azo kwa zi hangura momaruha gavali: Matjangwa goRuhebeli naga goRuarameya: (“Etestamende lyekurukuru”) ntani Matjangwa goRugereka goSikriste (“Etestamende lyepe”).
Mobuke ezi, matjangwa kwa ga tjanga ngesi: Edina lyobuke (A), kukwama ko egaununo (B), ntani velise ndi novelise (C).
Pasihonena, Johanesa 17:3 kwa tamba kobuke zaJohanesa, egaununo 17, velise 3.
Kuvhura o hafere hena
MAPURO
Yisinke elirongo lyoBibeli?
Kuvhura o lironge Bibeli noNombangi daJehova mawoko-woko ntani kuvhura o ruganese Bibeli za nyamoge. Kuvhura o zigide ko epata lyoge ndi vakaume woge va ya kare pelirongo lyoge lyoBibeli.
