SIRONGWA 07
Ngapi omu ga kara Jehova?
Ngapi o gazara ga kara Jehova? Age ure ga kara nose ngwendi moomu twa likara nonombungururu ndi? Ndi nampo ove kugazara asi age muntu gononkondo ogu ga dira kukara nomalizuvho? Ngapi nawa-nawa ga kara Jehova? Kupitira moNonkango dendi Bibeli, Jehova ga horora yikara yendi ntani omu a lizuvhu kutuhamena.
1. Morwasinke atu dilire kumona Karunga?
“Karunga Mpepo.” (Johanesa 4:24) Jehova kapi ga kara norutu ropanyama. Age Mpepo ntani kwa kara meguru, evango eli atu dili kumona.
2. Yikara musinke yimwe ga kara nayo Jehova?
Nampili ngomu atu dili kumona Jehova, age yipo ga kara ntani ga kara noyikara yoyiwa. Bibeli kutanta asi: “HOMPA kwa hara eyi ya hungama, age kapi a zumbu ava ava mu limburukwa.” (Episarome 37:28) Age hena “mufenkenda, age munambili,” unene po kovantu ava vana kuhepa. (Jakopo 5:11) Azo kutanta hena asi: “HOMPA kukara pepi nava vana dombo nomutjima; age kuparura ava lina pu ehuguvaro.” (Episarome 34:18) Wa yi diva asi eyi atu rugana kuvhura kuhafesa ndi kuguvisa Jehova ndi? Muntu ogu a rugana yininke yoyidona kuguvisa Karunga. (Episarome 78:40, 41) Nye ayo kumuhafesa apa muntu a rugana yoyiwa.—Resa Yisewe 27:11.
3. Ngapi omu Jehova a yi likida asi ga tu hara?
Sikara sosinene po saJehova kuna kara eharo. Usili wou asi: “Karunga yige eharo.” (1 Johanesa 4:8) Jehova kapi tupu ga likida eharo lyendi kupitira moBibeli nye nomoyininke eyi ga sita. (Resa Yirugana 14:17.) Pasihonena, gazara monkedi omu ga tu sita. Age ga tu pa evhuliko lyokumona maruvara gomawa nokuzuvha nomusika donongwa ntani nokumakera nondya donontovara. Age ana hara tu hafere eparu.
LIRONGA KO YOYINZI
Lironga eyi Jehova a ruganesa mokusikisa mo yininke yokutetukisa. Ntani omu a likida yikara yendi yoyiwa.
4. Mpepo zokupongoka, ado nonkondo daKarunga
Ngwendi moomu atu ruganesa mawoko getu tu rugane yuma, Jehova nage kuruganesa mpepo zokupongoka. Bibeli kulikida asi mpepo zokupongoka kapisi muntu nye nonkondo edi a ruganesa Karunga mokusikisa mo yirugana yendi. Resa Rukasa 11:13 ntani Yirugana 2:17, makura zogereni mapuro aga:
-
Karunga nga “poomwena” mpepo zokupongoka kowo ava zi hundire. Omu ono kugazara, mpepo zokupongoka muntu ndi nonkondo edi a ruganesa Karunga? Morwasinke ono kuuyungira ngoso?
Jehova kuruganesa mpepo zokupongoka mokurugana yininke yoyinene. Resa Episarome 33:6 ntani 2 Peturusa 1:20, 21, makura zogereni epuro eli:
-
Mononkedi musinke dimwe Jehova ga ruganesa mpepo zokupongoka?
5. Jehova kwa kara nonkareso zongwa
Mosesa kwa kere mukareli gokulimburukwa gwaKarunga, nye ga here kudiva ko yoyinzi kuhamena Musiti gwendi. Age kwa tanterere Karunga asi: ‘Tantera nge, eyi wa panga, ni ku divire po.’ (Exodus 33:13) Jehova yipo ga tantere Mosesa asi age muntu musinke. Resa Exodus 34:4-6, makura zogereni mapuro aga:
-
Yikara musinke Jehova ga likidire kwaMosesa?
-
Sipi po soyikara yaJehova wa hara po?
6. Jehova kupakera mbili vantu
Vantu vaKarunga, kwa kere vapika moEgipite. Ngapi omu ga lizuvhire Jehova apa vantu vendi va va hepekere? Purakena KEKWATEKO makura kwama, ndi resa Exodus 3:1-10. Makura zogereni mapuro gana kukwama ko.
-
Ngapi sihorokwa esi asi kulikida omu Jehova a lizuvhu kuhamena ruhepo oru ava ligwanekere naro vantu?—Tara velise 7 ntani 8.
-
Omu ono kugazara, Jehova ga hara kuvatera vantu ntani kuvhura a yi vhure sili ndi? Morwasinke ono kuuyungira ngoso?
7. Unsitwe kuhorora yikara yaJehova
Jehova kwa horora yikara yendi kupitira moyininke eyi ga sita. Likida VIDIYO. Makura resa Varoma 1:20, ntani zogereni epuro lina kukwama ko.
-
Yikara musinke yaJehova o mono mounsitwe?
VAMWE KUTANTA ASI: “Karunga kapisi muntu, age mpepo tupu.”
-
Ove ngapi ono kugazara ko?
-
Morwasinke ono kulizuvhira ngoso?
YINKE ONO LIRONGO?
Jehova age Mpepo ezi atu dili kumona ntani age ga kara noyikara yoyiwa, unene po sikara seharo.
Erugururomo
-
Morwasinke atu dilire kumona Jehova?
-
Yisinke mpepo zokupongoka?
-
Yikara musinke ga kara nayo Jehova?
MAUZERA GAMWE
Lironga ko yoyinzi kuhamena Jehova pokukonakona yikara yendi yine yoyinene po.
Koneka mauzera aga ga likida asi Jehova kapi ga kara moyininke.
“Karunga kwa kara moyininke nayinye ndi?” (Sirongwa sokojw.org)
Tara eyi Bibeli azi tumbwire mpepo zokupongoka asi kuwoko kwaKarunga.
“Yisinke mpepo zokupongoka?” (Sirongwa sokojw.org)
Mugara gomutwiku kwa mu digoperere kupura asi Karunga kumupakera mbili. Tara eyi ya mu vaterere.
“Ame ngesi kulizuvha asi kuvhura ni vatere wopeke” (Ruhungu, 1 Sikukutu 2015)
Kuvhura o hafere hena
MAPURO
Yisinke elirongo lyoBibeli?
Kuvhura o lironge Bibeli noNombangi daJehova mawoko-woko ntani kuvhura o ruganese Bibeli za nyamoge. Kuvhura o zigide ko epata lyoge ndi vakaume woge va ya kare pelirongo lyoge lyoBibeli.
