SIRONGWA 09
Hedera Karunga pepi kupitira mekanderero
Wa lizuvha rumwe asi ono hepa ko magano ndi? Wa kara nomapuro gomulyo aga ono hepa malimbururo ndi? Ono hepa ehengagwido ndi? Ono hara kuhedera Jehova pepi ndi? Kukanderera ngaku kuvatera moyininke nayinye oyo. Nye ngapi omu natu kanderera? Karunga kupurakena makanderero nagenye ndi? Yisinke no rugana yipo a purakene komakanderero goge? Tu tare malimbururo.
1. Kwalye natu kanderera, ntani yisinke natu tumbura mekanderero?
Jesus kwa rongere asi twa hepa kukanderera tupu kwaGuhyetu gemeguru. Jesus nage nga kanderere tupu kwaJehova. Age kwa tente asi: “Omu kanderere ngesi asi: ‘Guhyetu gemeguru . . .’” (Mateusa 6:9) Ose kunkondopeka ukaume wetu naJehova apa atu kanderere kwendi.
Ose kuvhura kukanderera nkenye eyi yomulyo. Mokuninka asi Karunga a limburure makanderero getu, ga hepa kuliza nompango zendi. Bibeli kutanta asi: “Ta tu zuvhu ntene tu mu hundira eyi yokuliza nompango zendi.” (1 Johanesa 5:14) Jesus ga geve yihonena yoyininke eyi natu tumbura momakanderero getu. (Resa Mateusa 6:9-13.) Kugusa ko kukanderera kuhamena maudigu getu, twa ha divara kupandura Karunga kwanayinye eyi a tu ruganena nokumuhundira a vatere wopeke.
2. Ngapi omu natu kanderera?
Bibeli kutukorangeda tu ‘zumbilire mutjima gwetu kwaKarunga.’ (Malirankali 2:19) Makanderero getu ga hepa kutundilira komutjima. Kuvhura tu kanderere kuziguruka ndi momutjima nsene tupu kuna kuyirugana monkedi zefumadeko. Kuvhura tu kanderere nkenye apa ntani nkenye oku.
3. Ngapi omu a limburura Karunga makanderero getu?
Age kuyirugana mononkedi dononzi. Jehova ga tu pa Bibeli omu atu gwana malimbururo komapuro getu. Kuresa Nonkango daKarunga kugava “nondunge kovantu vangoso-ngoso.” (Episarome 19:7; resa Jakopo 1:5.) Nsene tu ligwanekera nomaudigu age nga tu pa mbili zopanandunge. Ntani age kuvhura kuruganesa vakareli vendi va tu vatere momaudigu.
LIRONGA KO YOYINZI
Lironga ko yoyinzi omu no kanderera yipo o hafese Karunga ntani nomu no gwanena mo uwa.
4. Karunga ga tulisa po yihepwa kuhamena kukanderera
Yisinke ayi ninkisa makanderero getu va ga tambure ndi va dire kugatambura? Likida VIDIYO.
Jehova ana hara tu kanderere kwendi. Resa Episarome 65:2, makura zogereni mapuro aga:
-
Omu ono kugazara, Karunga ana hara o kanderere kwendi ndi? Morwasinke ono kuuyungira ngoso?
Nsene tuna hara Karunga a zuvhe makanderero getu twa hepa kuparuka kuliza nonompango dendi. Resa Mika 3:4; 1 Peturusa 3:12, makura zogereni epuro eli:
-
Yisinke twa hepa kurugana yipo Jehova a zuvhe makanderero getu?
Apa nombunga adi lirwanesa moyita, ado kuvhura kukanderera asi di funde. Kuvhura nye Karunga a limburure makanderero gawo ndi?
5. Makandero getu ga tundilire komutjima
Vantu vamwe kwava ronga kuruguruka makanderero. Nye Karunga yimo ana hara tu kanderere ngesi ndi? Resa Mateusa 6:7, makura zogereni epuro eli:
-
Ngapi omu no nyokera po ‘kuvhukisa’ ndi kuruguruka nonkango mekanderero lyoge?
Nkenye ezuva gazadara ko koyininke eyi no vhura kupandwira Jehova eyi a ku ruganene. Nsene no yi rugana eyi ure wosivike ngayi kuvatera o dire kuruguruka makanderero goge sivike oso.
Gughya gomuwa kwa hara munendi a uyunge nage usili ntani nemanguruko. Mokulifana, Jehova nage ana hara tu kanderere kwendi kutundilira komutjima
6. Ekanderero uhwi wokutunda kwaKarunga
Ngapi omu ekanderero nali tu nkondopeka moyiruwo yoyiwa neyi yoyidona? Likida VIDIYO.
Bibeli kwa tumbwidira asi kukanderera kutuvatera tu kare nombili zomomutjima. Resa Vafilipi 4:6, 7 makura zogereni mapuro aga:
-
Nampili ngomu pamwe ekanderero ali dili kugusa po maudigu getu, nye ngapi ali tu vatere?
-
Yininke musinke yimwe ono hara kutumbura mekanderero?
Wa yi diva ndi?
Nkango “amen” kutanta asi “yi kare ngorooro” ndi “twa yi kwatesa ko.” Kutundilira kwanare, nkango “amen” ngava zi ruganesa kehagero lyekanderero.—1 Histoli 16:36.
7. Kanderera nkenye apa
Poyiruwo yimwe kuvhura tu divare kukanderera morwa kukara noyirugana yoyinzi. Jesus kwa yi tere asi kukanderera mulyo unene. Resa Mateusa 14:23 ntani Marukusa 1:35, makura zogereni mapuro aga:
-
Yisinke ga rugene Jesus yipo a gwane siruwo sokukanderera?
-
Siruwo musinke sosiwa koge kukanderera?
VAMWE KUTANTA ASI: “Ekanderero kwato mulyo morwa kwato ogu a li purakene.”
-
Ove ngapi o yi tara?
YINKE ONO LIRONGO?
Makanderero gokutundilira komutjima kutuhedesera pepi naKarunga nokutupa mbili zopanandunge ntani kutunkondopeka yipo tu twikire kuhafesa Jehova.
Erugururomo
-
Kwalye natu kanderera?
-
Ngapi omu natu kanderera?
-
Mauwa musinke atu gwanene mo apa atu kanderere?
MAUZERA GAMWE
Gwana malimbururo komapuro aga ava lipura unene vantu kuhamena ekanderero.
“Yininke ntambali wa hepa kudiva kuhamena ekanderero” (Ruhungu, 1 Sikukutu 2010)
Lironga omu no kanderera ntani nomu no wapukurura nkedi zoge zokukanderera.
“Morwasinke nani kandererera?” (Sirongwa sokojw.org)
Koneka eyi za uyunga ko Bibeli kuhamena asi kwalye natu kanderera.
“Kuvhura ni kanderere kovapongoki ndi?” (Sirongwa sokojw.org)
Movidiyo, koneka nsene ya kara hepero kukara kevango lyongandi ndi siruwo esi natu kanderera.
Kuvhura o hafere hena
MAPURO
Yisinke elirongo lyoBibeli?
Kuvhura o lironge Bibeli noNombangi daJehova mawoko-woko ntani kuvhura o ruganese Bibeli za nyamoge. Kuvhura o zigide ko epata lyoge ndi vakaume woge va ya kare pelirongo lyoge lyoBibeli.
