SIRONGWA 10
Ngapi omu mapongo goNombangi daJehova naga ku vatera?
Va kuzigida rumwe komapongo goNombangi daJehova ndi? Nsene kapi wa za ko rumwe, kuvhura o kare nosinka sokuza ko. Kuvhura o lipure asi: ‘Yisinke ava rugana ko? Morwasinke ga karera nomulyo? Morwasinke nani zira ko?’ Mosirongwa esi, no ka lironga omu kuponga novakweni nayi ku hedesera pepi naKarunga ntani nomu nayi ku vatera.
1. Morwasinke Nombangi daJehova adi pongere?
Koneka omu mutjangi gumwe goBibeli ga likidire mulyo gokuponga kumwe, apa ga tente asi: “Ngani ku hamberera moyigongi yawo.” (Episarome 22:22) Nombangi daJehova nado kuyihafera unene kuponga kumwe. Awo kuponga kumwe nkenye sivike mokukarera Karunga nokudimba ntani kukanderera. Poyiruwo yimwe, awo kukara noyigongi yoyinene mokukarera Karunga.
2. Yisinke no ka lironga ko komapongo getu?
Komapongo, ose kudemenena koNonkango daKarunga ‘nokudifaturura.’ (Resa Nehemiya 8:8.) Komapongo getu ngo ka lironga kuhamena Jehova ntani yikara yendi. Ngomu ngo diva asi age ga kuhara, ayo ngayi ku tumangeda o mu hedere pepi. Ngo ya lironga hena omu na kuvatera o gwane ruhafo meparu.—Jesaya 48:17, 18.
3. Ngapi vantu ava no ka gwana komapongo nava ku vatera?
Jehova kutukorangeda tu ‘likoraike-koraikeni mokulihara-hara nomokurugana yirugana yoyiwa nokudira kuzumba yigongi ndi mapongo gomombungakriste.’ (Vahebeli 10:24, 25) Komapongo getu, ngo ka gwana vantu ava va lihara-hara ntani ava nawo va hara kulironga kuhamena Karunga. Awo kulikorangeda-korangeda nomagano gomoBibeli. (Resa Varoma 1:11, 12.) Ngo ka lidiva novadike ntani novalikwali ava vana kulididimikira maudigu noruhafo. Edi yido nokonda dimwe deyi Jehova ana tu harere tu ponge kumwe nkenye apa.
LIRONGA KO YOYINZI
Lironga ko yoyinzi kuhamena mapongo goNombangi daJehova ntani neyi ya karera nomulyo kuza komapongo.
4. Mapongo goNombangi daJehova
Vakriste wokuhova ngava pongo nkenye apa kumwe mokukarera Jehova. (Varoma 16:3-5) Resa Vakorosi 3:16, makura zogereni epuro eli:
-
Ngapi omu Vakriste wokuhova ngava karere Jehova?
Naina, Nombangi daJehova nawo kuponga kumwe komavango gawo goukareli. Mokudiva eyi ava rugana ko komapongo, likida VIDIYO. Tara efano lyemepongo, makura zogereni mapuro gana kukwama ko.
-
Malifano musinke ono mono movidiyo kuhamena eyi atu rugana komapongo ntani neyi tuna resa moVakorosi 3:16?
-
Yisinke ono mono mo movidiyo ndi pefano eyi yina ku hafesa kuhamena mapongo getu?
Resa 2 Vakolinte 9:7, makura zogereni epuro eli:
-
Morwasinke Nombangi daJehova adi dilire kupura yimaliwa komapongo gawo?
Kumwe nogu a ku rongo Bibeli, zogereni eyi ngayi ka pitira mepongo lyokukwama ko.
-
Ruha musinke ono kugazara no ka hafera unene kepongo?
Wa yi diva ndi?
Kuvhura o gwane mavango nosiruwo esi adi pongo Nombangi daJehova uzuni mudima ko jw.org
-
Momapongo getu kwa hamena mo yiuyungwa, malikido ntani novidiyo. Ago kutameka nokuhulisa norusumo ntani nekanderero
-
Momaruha gamwe gepongo vantu kugava malimbururo
-
Nkenye ogu kuvhura kuwiza komapongo, yi kare asi mapata, vadike, vakurupe ntani vanona
-
Kapi atu rugana sumina komapongo getu.
5. Mokuza komapongo, wa hepa kulitura mo
Tara sihonena sepata eli ga kulilire Jesus. Nkenye mvhura ngava gendi sinano sonokilometa 100 monondundu kutunda koNasareta va ze kontembeli koJerusarema. Resa Rukasa 2:39-42, makura zogereni mapuro aga:
-
Omu ono kugazara, mokuza koJerusarema pwa hepere elituromo ndi?
-
Morwasinke wa hepera elituromo mokuza komapongo?
-
Ayo mulyo kuza komapongo ndi? Morwasinke?
Bibeli kutanta asi ayo mulyo kuponga tu karere Karunga. Resa Vahebeli 10:24, 25, makura zogereni epuro eli:
-
Morwasinke natu zira nkenye apa komapongo?
VAMWE KUTANTA ASI: “Kapisi hepero kuza komapongo, nye nsene o lironga Bibeli pembo nawa tupu.”
-
Etjangwa musinke ndi sihonena somoBibeli a si likida eyi ana tu harere Jehova tu rugane?
YINKE ONO LIRONGO?
Kuza komapongo ngayi ku vatera o lironge kuhamena Jehova nokunkondopeka ukaume weni ntani nomu nomu karera kumwe novakweni.
Erugururomo
-
Morwasinke a tu korangedere Jehova tu ponge?
-
Yisinke no ka lironga komapongo goNombangi daJehova?
-
Mauwa musinke no gwanena mo pokuza komapongo?
MAUZERA GAMWE
Ngapi nsene asi ono kara nowoma kuza kepongo? Tara mugara ogu ga lizuvhire ngoso, nye konyima ga ya here mapongo.
Tara omu mumati nga hafere mapongo ntani neyi ga rugane mokutwikira kuza komapongo.
Lironga omu vamwe ava lizuvhu kuhamena mapongo.
“Morwasinke no zira komapongo koSinyanga soUhompa?” (Sirongwa sokojw.org)
Koneka omu mugara gumwe gomurunde ga tjindjire eparu lyendi konyima zokuza kepongo.
“Ngani simbi uta wange nkenye oku ngani zi” (Ruhungu, 1 Sitarara 2014)
Kuvhura o hafere hena
MAPURO
Yisinke elirongo lyoBibeli?
Kuvhura o lironge Bibeli noNombangi daJehova mawoko-woko ntani kuvhura o ruganese Bibeli za nyamoge. Kuvhura o zigide ko epata lyoge ndi vakaume woge va ya kare pelirongo lyoge lyoBibeli.
