SIRONGWA 15
Yilye Jesus?
Jesus kuna kara muntu ogu ga divikwa mouzuni. Nampili ngoso, sinzi sovantu kwa diva tupu edina lyaJesus, nye kapi va diva yoyinzi kumuhamena. Awo hena kwa kara nomagano gokulisiga-siga kumuhamena. Yisinke za uyunga ko Bibeli kuhamena Jesus?
1. Yilye Jesus?
Jesus kuna kara muengeli gononkondo ogu ga kara meguru. Age kwa mu sitire Jehova Karunga komeho a site nayinye. Eyi yiyo ava mu tumbwire asi “mbeli, muhoverera goyisitwa nayinye.” (Vakorosi 1:15) Bibeli kutumbura Jesus asi MunwaKarunga “gelike a huru,” morwa Jehova kwa sitire Jesus pwagelike. (Johanesa 3:16) Jesus kwa rugene kumwe noGuhwe mokusita yininke nayinye yapeke. (Resa Yisewe 8:30.) Age kwa kara nelikwatakano lyenene naJehova. Age “Nkango” ndi muuyungilipo gwaKarunga, ogu a twara nombudi nomapukururo gaKarunga kovantu.—Johanesa 1:14.
2. Morwasinke Jesus ga wizilire pevhu?
Koyiha yonomvhura 2 000 da ka pita, Jehova kwa rugene sitetu. Age kwa ruganesere mpepo zokupongoka, a rundwilire eparu lyaJesus mezimo lyaMariya. Monkedi zangesi yimo va mu hampurukire Jesus ngomuntu. (Resa Rukasa 1:34, 35.) Jesus kwa wizire pevhu a ya kare Mesiyasa getumbwidiro ndi Kristusa nokuyazowora vantu. a Jesus kwa ya sikisire mo nayinye eyi va pumba moBibeli kuhamena Mesiyasa. Eyi kwa vaterere vantu va dimburure asi Jesus yige “Mesiyasa, MunwaKarunga goMunamwenyo.”—Mateusa 16:16.
3. Kupi ana kara ngesi Jesus?
Konyima zapa ga fire Jesus, Karunga kwa mu pindwire koufe ngomuengeli ntani age kwa tengwire meguru. Makura “Karunga yiyo ga mu zerura unene.” (Vafilipi 2:9) Jesus ngesi kuna kara muengeli gononkondo. Jehova yige gelike ga pita Jesus mononkondo.
LIRONGA KO YOYINZI
Lironga yoyinzi kuhamena Jesus neyi ya karera nomulyo kumudiva.
4. Jesus kapisi yige Karunga Munankondo nadinye
Bibeli kuronga asi nampili ngomu Jesus ga kara muengeli gononkondo meguru, age kulimburukwa koGuhwe, Jehova Karunga. Morwasinke tuna kuuyungira ngoso? Likida VIDIYO o tare omu Bibeli za yi likida asi Jesus ga lisiga naKarunga munankondo nadinye.
Matjangwa aga gana kukwama ko ta ga tu vatere tu kwate egano omu Jesus ga lisiga naJehova. Resa nkenye etjangwa nokuzogera mapuro aga naga kwama ko.
Resa Rusaka 1:30-32.
-
Ngapi omu muengeli ga likidire elisigo eli lya kara pokatji kaJesus naJehova “Karunga gekeguru-guru”?
Resa Mateusa 3:16, 17.
-
Apa Jesus ga gwene ekuho, yisinke lya uyungire ezwi eli lya tundire meguru?
-
Omu ono kugazara, yilye ga uyungire nonkango odo?
Resa Johanesa 14:28.
-
Pokatji ka guhya nomuna, yilye gomukondi po ntani yilye ga kara po nononkondo dononene?
-
Jesus kwa tumbwire Jehova asi oGuhwe. Yisinke yina kulikida eyi?
Resa Johanesa 12:49.
-
Jesus kugazara asi age kwa hetakana noGuhwe ndi? Ngapi ono kugazara?
5. Jesus kwa likidire asi yige Mesiyasa
MoBibeli kwa kara mo mauporofete gomanzi aga ga vaterere vantu va dimburure Mesiyasa, ogu Karunga ga horowora mokuzowora vantu. Likida VIDIYO omu va zogera mauporofete gamwe aga ga ya sikisire mo Jesus apa ga wizire pevhu.
Resa mauporofete aga gomoBibeli nokuzogera mapuro aga naga kwama ko:
Resa Mika 5:2, o tare oku nga va hampurukira Mesiyasa. b
-
Ehampuruko lyaJesus kwa sikisire mo uporofete ou ndi?—Mateusa 2:1.
Resa Episarome 34:20; Sakaliya 12:10, o tare eyi za pumbire Bibeli kuhamena nomfa daMesiyasa.
-
Mauporofete ogo ga sikire mo ndi?—Johanesa 19:33-37.
-
Omu ono kugazara, Jesus mwene ga ninkisire mauporofete ogo ga sike mo ndi?
-
Yisinke yina kuturonga eyi kuhamena Jesus?
6. Ose kugwanena mo uwa pokulironga kuhamena Jesus
Bibeli kwa likida mulyo gokulironga kuhamena Jesus nositumbukira sendi. Resa Johanesa 14:6 ntani 17:3, makura zogereni epuro eli:
-
Morwasinke ya karera mulyo kulironga kuhamena Jesus?
Jesus ga tu pa mpito yipo tu kare vakaume vaKarunga. Age kwa rongere usili kuhamena Jehova ntani kupitira mwendi, kuvhura ngatu ka gwane mwenyo gwanarunye
VAMWE KUTANTA ASI: “Nombangi daJehova kapi da pura mwaJesus.”
-
Ngapi no va limburura?
YINKE ONO LIRONGO?
Jesus muengeli gononkondo. Age MunwaKarunga ntani yige Mesiyasa.
Erugururomo
-
Morwasinke ava mu tumbwire Jesus asi “mbeli, muhoverera goyisitwa nayinye”?
-
Yisinke nga rugana Jesus komeho a wize pevhu?
-
Ngapi twa yi diva asi Jesus yige Mesiyasa?
MAUZERA GAMWE
Lironga yoyinzi kuhamena situmbukira saJesus ngaMesiyasa.
“Mauporofete kulikida asi Jesus yige Mesiyasa ndi?” (Sirongwa sokoIntaneta)
Gwana mauzera nsene Bibeli kuronga asi Karunga kwa ya kara GuhyaJesus monkedi omu vantu wopanyama ava reta vanona.
“Morwasinke Jesus ava mu tumbwire asi MunwaKarunga?” (Sirongwa sokoIntaneta)
Konakona eyi Bibeli za dilira kuyikwatesa ko asi Karunga naJesus ntani nompepo zokupongoka kuna kara muntu gumwe.
“Jesus yige Karunga ndi?” (Ruhungu, 1 Kudumogona 2009)
Resa omu mukadi gumwe ga rundwilire eparu lyendi apa ga lirongere eyi azi uyunga Bibeli kuhamena Jesus.
“Eyi ya ninkisire mukadi goMujuda a konakone eyi ga pura” (Awake!, Kudumonkuru 2013)
a Sirongwa 26 ntani 27 nga yi ka zogera eyi vantu va hepera kuvazowora ntani nomu ga ya tu zowora Jesus.
Kuvhura o hafere hena
MAPURO
Yisinke elirongo lyoBibeli?
Kuvhura o lironge Bibeli noNombangi daJehova mawoko-woko ntani kuvhura o ruganese Bibeli za nyamoge. Kuvhura o zigide ko epata lyoge ndi vakaume woge va ya kare pelirongo lyoge lyoBibeli.
