SIRONGWA 19
Nombangi daJehova kuna kara Vakriste wousili ndi?
Ose Nombangi daJehova twa yi pura asi ose Vakriste wousili. Morwasinke? Koneka oku twa gwana eyi twa pura nedina eli lya tu ninkisa tu lisige novantu wopeke ntani nomu twa lihara-hara.
1. Kupi da gwana eyi da pura Nombangi daJehova?
Jesus kwa tente asi: “Nonkango [daKarunga] yido usili.” (Johanesa 17:17) Ngwendi Jesus, eyi da pura Nombangi daJehova kwa tunda moNonkango daKarunga. Koneka omu twa yi rugana kutunda kwanare. Koyiha yomvhura 1870, kambunga kovalirongi woBibeli kwa tamekere kukonakona Bibeli. Awo kwa tamekere kukwama eyi va gwene moBibeli nampili ngomu ya lisigire neyi da pura nongereka. Makura yipo va tamekere kutantera ko wopeke usili womoBibeli. a
2. Morwasinke atu litumbwire asi Nombangi daJehova?
Jehova kutumbura vakareli vendi asi nombangi dendi, morwa awo kutantera vantu usili kumuhamena. (Vahebeli 11:4–12:1) Pasihonena, posiruwo sanare, Karunga kwa tanterere vantu vendi asi: “One nyone nondipo [ndi nombangi] dange.” (Resa Jesaya 43:10.) Jesus kwa mu tumbura asi: “Ndipo zosili.” (Ehororo 1:5) Yipo nye, mo-1931 yipo twa tamekere kulitumbura asi Nombangi daJehova. Ose kulizuvha mfumwa kweyi atu litumbura asi Nombangi daJehova.
3. Ngwendi Jesus, ngapi omu Nombangi daJehova adi likida eharo?
Jesus kwa here unene varongwa vendi ntani age kwa va tere ngwendi ekoro lyendi. (Resa Marukusa 3:35.) Mokulifana, Nombangi daJehova mouzuni mudima kwa kara mouumwe ntani awo epata limwe. Eyi yiyo atu tumbwire vapuli vakwetu asi vanavazinyetu. (Firemoni 1, 2) Ose kulimburukwa hena mpangera ezi asi: “Hareni vapuli vakweneni.” (1 Peturusa 2:17) Nombangi daJehova kulikida eharo mononkedi dokulisiga-siga ngwendi pokuvatera vapuli vakwawo uzuni mudima moyiruwo youdigu.
LIRONGA KO YOYINZI
Lironga ehistoli lyoNombangi daJehova ntani nomaumbangi aga aga likida asi ose Vakriste wousili.
Eyi va pura Vakriste wousili kwa tundilira moBibeli ntani awo kutantera ko wopeke
4. Eyi twa pura kwa tunda moBibeli
Jehova kwa pumbire asi vantu ngava gwana usili womoBibeli. Resa Ndaniyera 12:4, makura zogereni epuro eli:
-
Yisinke ngava diva vantu vaKarunga ngomu vana kukonakona Bibeli?
Koneka omu kambunga kovalirongi woBibeli, kukwatera mo Charles Russell va lirongere Nonkango daKarunga. Likida VIDIYO, makura zogereni epuro eli nali kwama ko.
-
Kuliza novidiyo, ngapi omu Charles Russell novakwawo va lirongere Bibeli?
Wa yi diva ndi?
Mwaza siruwo, ose kwa rundurura yimwe eyi twa pura. Morwasinke? Ngwendi moomu tupu a li pumu ezuva nakauke-nakauke, Karunga nage kutuvatera tu kwate egano Nonkango dendi kanunu-kanunu. (Resa Yisewe 4:18.) Nampili ngomu Bibeli azi dili kurunduruka, ose kurundurura yimwe eyi twa pura ngomu tuna kukwata nawa egano Bibeli.
5. Ose kurugana eyi ali tanta edina lyetu
Morwasinke atu litumbwire asi Nombangi daJehova? Likida VIDIYO, makura zogereni epuro eli nali kwama ko.
-
Morwasinke edina Nombangi daJehova lya karera edina lyouhunga?
Morwasinke Jehova ga horowera vantu va kare nombangi dendi? Morwa awo ngava vatera vantu va dimburure Karunga gousili, morwa sinzi sovantu kwa ronga yimpempa kuhamena Karunga. Tara yimpempa yimwe yivali.
Maukarelikarunga gamwe kuronga vantu asi Karunga kwa hara va ruganese mafano moukareli wawo. Nye resa Levitikus 26:1, makura zogereni mapuro aga:
-
Yisinke usili? Ngapi omu Jehova a lizuvhu nsene tu ruganesa mafano?
Vampitisili vamwe womaukarelikarunga kuronga asi Jesus yige Karunga. Nye resa Johanesa 20:17, makura zogereni mapuro aga:
-
Yisinke usili? Jesus yige Karunga ndi?
-
Ngapi ono kulizuvha pokudiva asi Jehova kuruganesa Nombangi dendi di tantere vantu usili wokumuhamena ntani naMunendi?
6. Ose kwa lihara-hara
Bibeli kwa hetakanesa Vakriste komaruha gorutu. Resa 1 Vakolinte 12:25, 26, makura zogereni mapuro aga:
-
Yisinke ava rugana Vakriste wousili nsene Vakriste vakwawo kuna kuvahepeka?
-
Yisinke wa dimburura kuhamena eharo eli adi lilikida Nombangi daJehova?
Apa Nombangi daJehova mosirongo simwe adi ligwanekere nomaudigu, vakwawo mouzuni mudima kugava evatero. Mokugwana sihonena simwe, likida VIDIYO. Makura zogereni epuro eli nali kwama ko.
-
Ngapi omu evatero eli adi gava Nombangi daJehova mosiruwo soyimpagwa ayi likida eharo?
Vakriste wousili kulikida eharo kovantu ava vana hepa evatero
VAMWE KUTANTA ASI: “Nombangi daJehova kuna kara ukareli woupe.”
-
Siruwo musinke ga tameka Jehova kutumbura vakareli vendi asi nombangi?
YINKE ONO LIRONGO?
Nombangi daJehova kuna kara Vakriste wousili. Ose kwa kara ngwendi epata limwe mouzuni mudima. Eyi twa pura kwa tunda moBibeli ntani ose kutantera vantu usili kuhamena Jehova.
Erugururomo
-
Morwasinke atu litumbwire asi Nombangi daJehova?
-
Ngapi omu atu tekura vakwetu?
-
Ono yi pura asi Nombangi daJehova Vakriste wousili ndi?
MAUZERA GAMWE
Lironga yoyinzi kuhamena ehistoli lyetu.
Nombangi daJehova omu da likidire epuro, Ruha 1: Tava tundu momundema (1:01:27)
Tara sihonena simwe omu Nombandi daJehova da tura poruzera marongo goyimpempa.
Gwana malimbururo komapuro aga o lipura kuhamena Nombangi daJehova.
“Mapuro aga ava pura vantu kuhamena Nombangi daJehova” (sirongwa sokoIntaneta)
Stephen kwa nyengere vantu wokonomuhoko dapeke ntani age ngava homokere. Tara eyi ga mwene moNombangi daJehova eyi ya mu ninkisire a litjindje.
a Kutundilira mo-1879, simbapiratjangwa setu soRuhungu esi atu hanesa unene kwa tamekere kuhanesa usili womoBibeli.
Kuvhura o hafere hena
MAPURO
Yisinke elirongo lyoBibeli?
Kuvhura o lironge Bibeli noNombangi daJehova mawoko-woko ntani kuvhura o ruganese Bibeli za nyamoge. Kuvhura o zigide ko epata lyoge ndi vakaume woge va ya kare pelirongo lyoge lyoBibeli.
