SIRONGWA 22
Ngapi omu no tantera ko wopeke mbudi zongwa?
Ngomu ono kulironga usili womoBibeli, kuvhura o lizuvhe ngwendi o tantere ko vantu navenye eyi ono kulironga. Yousili, vantu navenye va hepa kudiva usili. Nye kuvhura o kare nowoma wokutantera ko wopeke eyi ono kulironga. Ngesi tatu ka lironga eyi nayi kuvatera o dire kukara nowoma ntani o tameke kuzuvhisa mbudi zongwa.
1. Ngapi omu no tantera ko vantu ava wa diva eyi ono kulironga?
Varongwa vaJesus kwa tente asi: “Ose ko nokuwapa si asi tu dire kuuyunga yokuhamena eyi twa zuvha neyi twa mona.” (Yirugana 4:20) Awo kwa here unene eyi ga va rongere Jesus. Eyi yiyo ya va ninkisire va hare kutantera ko vantu navenye eyi va lirongere. Nove yimo ono kulizuvha ndi? Nsene yimo, rugana ko yuma yipo o tantere ko vekoro lyoge ntani novakaume woge eyi ono kulironga monkedi zefumadeko.—Resa Vakorosi 4:6.
Nonkedi dimwe omu no yi rugana
-
Nsene kuna kuuyunga novanekoro, tameka kuzogera nawo yoBibeli pokutanta asi: “Sivike esi kani lirongere yininke yoyiwa sili.”
-
Likida ko mukweni ogu ana kuvera ndi ogu ana kara noyinka etjangwa eli nali mu korangeda.
-
Nsene varugani vakweni va ku pura omu ka si kugendere sivike, va simwitira eyi ko lirongere pelirongo lyoge lyoBibeli ndi kepongo.
-
Likida vakweni Intaneta zetu jw.org.
-
Zigida wopeke va ya kare pelirongo lyeni lyoBibeli ndi va likida omu nava hundira elirongo lyoBibeli ko jw.org.
2. Morwasinke ya karera nomulyo tu zuvhise kumwe nombungakriste?
Varongwa vaJesus kapi tupu va zuvhisire mbudi zongwa kovantu ava va divire. Jesus kwa va tumine “vavali-vavali komeho zendi kwankenye sitata” va ka zuvhise. (Rukasa 10:1) Nkedi ozo zokuzuvhisa kwa pere vantu wovanzi mpito va zuvhe mbudi zongwa. Varongwa kwa hefe hena unene apa zuvhisire kumwe novakwawo. (Rukasa 10:17) Nove kuvhura o litulire po sitambo sokuzuvhisa kumwe nombungakriste ndi?
LIRONGA KO YOYINZI
Lironga eyi no rugana yipo o dire kukara nowoma ntani o gwane ruhafo oru atu gwana apa atu tantere ko wopeke mbudi zongwa.
3. Jehova nga kara nove
Vantu vamwe kukara nowoma kuhamena omu nava zuvhisa ntani nomu nava va tekura ava nava ka zuvhisira.
-
Ove kulizuvha woma kutantera ko wopeke eyi ono kulironga ndi? Morwasinke ono kuuyungira ngoso?
Likida VIDIYO, makura zogereni epuro eli nali kwama ko.
-
Yisinke ya vaterere vadinkantu ava woNombangi va hageke kukara nowoma?
Resa Jesaya 41:10, makura zogereni epuro eli:
-
Morwasinke no kanderera nsene kuna kulizuvha woma kuzuvhisa?
Wa yi diva ndi?
Sinzi soNombangi daJehova pomuhowo ngava lizuvhu asi kapi tava vhuru kutantera ko wopeke mbudi zongwa. Pasihonena, Sergey nga lizuvhu asi age kwato mulyo ntani ngayi mu digopere kuuyungisa vantu. Nye apa ga ya lirongere Bibeli, age kwa tente asi: “Nampili ngomu na kere nowoma, ame na tamekere kutantera ko wopeke eyi ngani lirongo. Ayo kwa vaterere nge ni manguruke ntani kwa nkondopekere epuro lyange.”
4. Likida efumadeko
Nsene kuna kutantera ko muntu mbudi zongwa, wa ha gazadara tupu eyi no uyunga, nye gazadara ko monkedi omu no yi uyunga. Resa 2 Timoteusa 2:24 ntani 1 Peturusa 3:15, makura zogereni mapuro aga:
-
Ngapi no tura pasirugana novelise edi nsene kuna kuzogera novantu kuhamena Bibeli?
-
Vamwe vekoro lyoge ndi vakaume woge kuvhura va ku patanese. Yisinke no rugana? Yisinke no dira kurugana?
-
Morwasinke no ruganesera mapuro gomawa mevango lyokuvatantera eyi nava pura?
5. Kutantera ko wopeke mbudi zongwa kureta ruhafo
Jehova kwa tanterere Jesus a zuvhise mbudi zongwa. Ngapi omu Jesus ga tere sirugana oso? Resa Johanesa 4:34, makura zogereni mapuro aga:
-
Kulya nondya donongwa kutuvatera tu twikire kuparuka ntani kutuhafesa. Morwasinke Jesus ga uyungire asi kurugana eyi ana hara Karunga, pasihonena kuzuvhisa, kwa fana ngwendi kulya nondya?
-
Uwa musinke natu gwanena mo nsene tu tantera ko wopeke mbudi zongwa?
Magano
-
Mepongo lyomokatji kosivike, didilika nonkedi omu no tameka nzogera novantu.
-
Litjangesa yipo ngo tameke kugava yiuyungwa mepongo lyomokatji kosivike. Kugava yiuyungwa ngayi kuvatera o vhure kutantera ko wopeke eyi ono kulironga.
-
Ruganesa ruha “Vamwe kutanta asi” ndi “Gumwe kuvhura a pure asi” mobuke ezi, yipo o liyomberese omu no limburura mapuro aga ava pura vantu ntani nava ava rwanesa.
GUMWE KUVHURA A PURE ASI: “Yisinke yina kukupita?”
-
Ngapi no ruganesa mpito ozo yipo omu tantere eyi ono kulironga moBibeli?
YINKE ONO LIRONGO?
Kutantera ko vantu mbudi zongwa kureta ruhafo ntani ayo kapisi udigu kutameka kuzuvhisa.
Erugururomo
-
Morwasinke no tanterera ko wopeke mbudi zongwa?
-
Ngapi omu no yi rugana monkedi zefumadeko?
-
Yisinke nayi kuvatera yipo o dire kukara nowoma wokuzuvhisa?
MAUZERA GAMWE
Gazadara ko nonkedi ne omu no tantera ko wopeke mbudi zongwa pokuruganesa kakarata ko jw.org.
Lironga yikara yine eyi ngayi kuvatera o tantere ko wopeke mbudi zongwa.
“Ono liwapaikire kukara mukwati govantu ndi?” (Ruhungu, Sitarara 2020)
Tarera sihonena simwe somoBibeli esi nasi kuvatera yipo o tantere ko wopeke mbudi zongwa nampili tu kare vanona.
Tara nonkedi dimwe omu no zogera kuhamena Bibeli novanekoro ava va dira kudiva Jehova.
“Kuguma nomutjima dovanekoro wovahapuli” (Ruhungu, 15 Nsinano 2014)
Kuvhura o hafere hena
MAPURO
Yisinke elirongo lyoBibeli?
Kuvhura o lironge Bibeli noNombangi daJehova mawoko-woko ntani kuvhura o ruganese Bibeli za nyamoge. Kuvhura o zigide ko epata lyoge ndi vakaume woge va ya kare pelirongo lyoge lyoBibeli.
