SIRONGWA 25
Yisinke ana tu harere Karunga?
Bibeli kwa tanta asi vantu “kwa kara noukaro wousupi woudigu.” (Joba 14:1) Eli yilyo eparu ga tu harera Karunga ndi? Nsene asi kapisi yimo, yisinke ana tu harere? Ayo nga yi sika mo ndi? Tara eyi azi uyunga Bibeli.
1. Eparu musinke ga tu harera Jehova?
Jehova kuna tu harere tu paruke eparu lyewa po. Apa ga sitire Adamu naEva, age kwa va tulire moparadisa, mosikunino sosiwa moEdeni. Karunga “makura ta va tungikisa kompangera ezi asi: ‘Livhareni mu zwide evhu, makura ruvharo rweni ngaru li pangere.’” (Genesis 1:28) Jehova kwa here va rete vana nokuninka evhu nalinye li kare paradisa ntani va takamese yikorama. Age kwa here vantu va kare noukanguki wouwa ntani va paruke narunye.
Nampili ngomu atu dili kuparuka monkedi ozo, a nye Karunga ana tu harere tu paruke eparu lyewa. (Jesaya 46:10, 11) Age simpe ana hara vantu wovalimburukwi ngava ka paruke narunye eparu lyewa.—Resa Ehororo 21:3, 4.
2. Ngapi natu hafera eparu ngesi?
Jehova kwa sita vantu neharo lyokudiva Karunga ntani nokumukarera. (Resa Mateusa 5:3-6.) Age ana hara tu kare vakaume vendi ‘nokurugana nayinye eyi ga tu pangera’ ntani ‘nokumuruganena nomutjima nagunye.’ (Deuteronomium 10:12; Episarome 25:14) Nsene tu yi rugana oyo, ose ngatu kara noruhafo nampili ngomu twa kara nomaudigu. Kukarera Jehova kutuvatera tu hafere eparu ngesi, morwa ose kuna kuparuka monkedi omu ga yi harera.
LIRONGA KO YOYINZI
Lironga omu Jehova ga tu likida eharo lyenene apa ga sitire evhu ntani neyi ga tu harera kuliza noNonkango dendi.
3. Jehova ana hara vantu va paruke eparu lyewa
Likida VIDIYO, makura zogereni epuro eli nali kwama ko.
-
Morwasinke Karunga ga sitira evhu?
Resa Muudisi 3:11, makura zogereni epuro eli:
-
Yisinke yina kukuronga eyi kuhamena Jehova?
4. Eyi ga harera Jehova vantu kapi ya runduruka
Resa Episarome 37:11, 29 ntani Jesaya 55:11, makura zogereni epuro eli:
-
Yisinke yina kulikida asi eyi ga harera Jehova vantu kapi ya runduruka?
Nzugo ezi za zonauka kuvhura kuziwapukurura. Mokulifana evhu eli va zonagura vantu, nga ka liwapukurura Karunga yipo ngava tunge po vantu ava va mu hara
5. Kukarera Jehova kuturetera ruhafo
Nsene tu diva eyi ana tu harere Karunga, ngayi tu retera ruhafo. Likida VIDIYO, makura zogereni epuro eli nali kwama ko.
-
Uwa musinke ga gwene Terumi pokulironga eyi ga harera Jehova vantu?
Resa Muudisi 12:13, makura zogereni epuro eli:
-
Mokumona asi Jehova ga tu ruganena yoyinzi, ngapi omu natu likida rupandu?
GUMWE KUVHURA A PURE ASI: “Morwasinke Karunga ga sitira vantu?”
-
Ngapi no limburura?
YINKE ONO LIRONGO?
Jehova ana hara vantu ngava ka paruke narunye eparu lyewa pevhu. Nsene tu mu karera nomutjima gwetu nagunye, ose ngatu kara noruhafo nampili ngesi.
Erugururomo
-
Morwasinke Jehova ga sitilire Adamu naEva?
-
Yisinke yina kulikida asi eyi ga harera Jehova vantu kapi ya runduruka?
-
Ngapi omu no gwana ruhafo meparu?
MAUZERA GAMWE
Tara umbangi ou au likida asi sikunino somoEdeni yipo sa kere.
“Sikunino saEdeni, esanseko tupu ndi usili?” (Ruhungu, 1 Murongankuru 2011)
Lironga yipo o dive eyi ngava dilira kuzonagura po evhu.
“Evhu ngava li zonagura po ndi?” (Sirongwa sokoIntaneta)
Lironga eyi za uyunga Bibeli omu no gwana ruhafo meparu lyoge.
“Morwasinke va tu sitira?” (Sirongwa sokoIntaneta)
Tara omu mugara gumwe ogu ga gazarere asi ga kara nanayinye, ga gwene eyi ga dilire kukara nayo.
a Mosirongwa sokukwama ko, ngo ka lironga eyi tuna kudira kuparuka ngwendi moomu ga yi harera Karunga.
Kuvhura o hafere hena
MAPURO
Yisinke elirongo lyoBibeli?
Kuvhura o lironge Bibeli noNombangi daJehova mawoko-woko ntani kuvhura o ruganese Bibeli za nyamoge. Kuvhura o zigide ko epata lyoge ndi vakaume woge va ya kare pelirongo lyoge lyoBibeli.
