SIRONGWA 28
Likida rupandu kweyi ga kuruganena Jehova naJesus?
Ngapi o lizuvhu apa kaume koge aku pe uhwi wouwa? Ove nampo kuhafa unene ntani kukuninkisa o likide rupandu kaume koge. Jehova naJesus kwa tu pa uhwi wouwa po. Uhwi musinke owo ntani ngapi omu natu likida asi twa kara norupandu?
1. Ngapi natu likida asi twa kara norupandu kweyi ga tu ruganena Karunga naKristusa?
Bibeli kwa tumbwidira asi “nkenye ogu a mu pura [Jesus]” nga ka paruka narunye. (Johanesa 3:16) Ngapi natu yi likida asi twa pura mwaJesus? Twa hepa kulikida epuro lyetu kupitira momatokoro aga atu tura po ntani neyi atu rugana. (Jakopo 2:17) Apa atu likida epuro lyetu kupitira mweyi atu uyunga neyi atu rugana, ose kunkondopeka ukaume wetu naJesus ntani noGuhwe, Jehova.—Resa Johanesa 14:21.
2. Silika musinke somulyo asi tu pe mpito yipo tu likide rupandu kweyi ga tu ruganena Jehova naJesus?
Komeho Jesus va ka mu dipage, age kwa tanterere varongwa vendi nkedi zimwe omu nava likida rupandu konzambo zendi. Age kwa va tanterere va ponge kumwe yipo va rugane silika esi va tumbura moBibeli asi ‘Murarero gwaHompa’ ndi ediworoko lyonomfa daJesus. (1 Vakolinte 11:20) Jesus kwa tulisire po silika oso yipo vapositoli vendi ntani noVakriste navenye wousili ngava diworoke eparu lyendi eli ga geve ngosizoweseso. Jesus kwa tente asi: “Omu yi rugane tomu diworokere nge po.” (Rukasa 22:19) Nsene ngo za koMurarero, ove ngo likida asi wa kara norupandu keharo eli ga kulikida Jehova naJesus.
LIRONGA KO YOYINZI
Lironga nonkedi dimwe omu no likida rupandu keharo eli ga kulikida Jehova naJesus. Konakona eyi ya karera nomulyo kudiworoka nomfa daJesus.
3. Rupandu kututumangeda tu rugane ko yuma
Gazara asi ove kuna kuminangana momema, makura muntu ta ku popere. Ove ngo divara eyi ga kuruganena muntu ogo ndi? Ndi ove ngo papara nonkedi omu no vhura kumupandura kweyi ga rugene?
Jehova kwa tu parura. Resa 1 Johanesa 4:8-10, makura zogereni mapuro aga:
-
Morwasinke nzambo zaJesus za karera uhwi womulyo po?
-
Ngapi ono kulizuvha kweyi ga kuruganena Jehova naJesus?
Ngapi no likida rupandu kweyi ga kuruganena Jehova naJesus? Resa 2 Vakolinte 5:15 ntani 1 Johanesa 4:11; 5:3. Konyima zokuresa nkenye etjangwa, zogereni epuro eli:
-
Kuliza netjangwa ogo, ngapi omu natu likida asi twa kara norupandu?
4. Honena Jesus
Nkedi zimwe natu likida asi twa kara norupandu kuna kara pokuhonena Jesus. Resa 1 Peturusa 2:21, makura zogereni epuro eli:
-
Mononkedi musinke no honena Jesus?
Jesus kwa here Nonkango daKarunga nokuzuvhisa mbudi zongwa ntani age nga vatere wopeke
5. Kara pediworoko lyonomfa daKristusa
Nsene ono hara kudiva eyi ya horokere poMurarero gwaHompa gokuhova, resa Rukasa 22:14, 19, 20. Makura zogereni mapuro aga:
-
Yisinke ya horokere poMurarero gwaHompa?
-
Yisinke za fanekesa mboroto novhinyu?—Tara velise 19 ntani 20.
Jesus kwa here varongwa vendi va kare noMurarero gwaHompa rumwe momvhura mezuva eli ga fire. Yipo nye, Nombangi daJehova kuponga nkenye mvhura yipo va diworoke nomfa daKristusa ngamoomu ga yi va pangerere. Lironga yoyinzi kuhamena epongo eli lyomulyo, pokulikida VIDIYO. Makura zogereni epuro eli nali kwama ko.
-
Yisinke ayi horoka poMurarero gwaHompa?
Mboroto kwa fanekesa rutu rwaJesus rokusikilira mo oru ga geve ngonzambo ano vhinyu kwa fanekesa honde zendi
VAMWE KUTANTA ASI: “Ngava ka kuparura nsene o pura tupu mwaJesus.”
-
Ngapi no ruganesa Johanesa 3:16 ntani Jakopo 2:17 mokulikida asi yinzi ya hamena mo mokugwana eparuro?
YINKE ONO LIRONGO?
Ose kulikida rupandu kweyi ga tu ruganena Jesus nsene tu pura mwendi nokukara pediworoko lyonomfa dendi.
Erugururomo
-
Yisinke ayi tanta kupura mwaJesus?
-
Ngapi omu ono hara kulikida rupandu kweyi ga kuruganena Jehova naJesus?
-
Morwasinke ya karera mulyo tu kare pediworoko lyonomfa daKristusa?
MAUZERA GAMWE
Mokumona asi Kristusa kwa tu fira, yisinke ayi tu tumangeda tu rugane?
Age kwa ruganese rutu rwendi a yererepekese ko Jehova (9:28)
Lironga yoyinzi kuhamena epuro ntani nomu natu li likida.
“Likida epuro momatumbwidiro gaJehova” (Ruhungu, Sikukutu 2016)
Mesimwititi “Ame nina zere ntani na kuhuka,” tara eyi ga rugene mukadi gumwe apa ga lirongere kuhamena nzambo zaKristusa.
“Bibeli kurundurura eparu lyovantu” (Ruhungu, 1 Siwogedi 2011)
Tara eyi vamwe ava lire komboroto nokunwa vhinyu poMurarero.
“Morwasinke Nombangi daJehova adi ruganene Murarero gwaHompa monkedi zokulisiga nomu aga yi rugana maukarelikarunga gapeke?” (Sirongwa sokoIntaneta)
Kuvhura o hafere hena
MAPURO
Yisinke elirongo lyoBibeli?
Kuvhura o lironge Bibeli noNombangi daJehova mawoko-woko ntani kuvhura o ruganese Bibeli za nyamoge. Kuvhura o zigide ko epata lyoge ndi vakaume woge va ya kare pelirongo lyoge lyoBibeli.
