SIRONGWA 33
Eyi ngau ka rugana Uhompa waKarunga
Uhompa waKarunga wa tameka kupangera meguru. Awo ntaantani tupu ngau ka rete marunduruko pevhu. Tu zeni tu ka zogere yininke yimwe yoyiwa eyi ngau ka rugana Uhompa waKarunga.
1. Ngapi Uhompa waKarunga ngau ka reta mbili nouhungami pevhu?
Jesus, Hompa goUhompa waKarunga nga ka zonagura po vadinikarunga nomapangero poyita yaHarumagedoni. (Ehororo 16:14, 16) Posiruwo oso, etumbwidiro lyomoBibeli eli asi: “Karuwogona tupu ko, mudinikarunga ta dongonoka po,” nga li ka sika mo. (Episarome 37:10) Kupitira moUhompa, Jesus nga ka reta mbili nouhungami pevhu.—Resa Jesaya 11:4.
2. Ngapi nga li fana eparu apa mpango zaKarunga ngazi sika mo pevhu?
Apa Uhompa waKarunga ngau tameka kupangera pevhu, “muhungami nga gusa sirongo nga tunge mo narunye-narunye.” (Episarome 37:29) Gazara tupu omu ngau fana uzuni apa nga mu kara vantu wovahungami ava va lihara ntani va hara Jehova. Kwato ogu nga vera, ntani vantu navenye ngava paruka narunye.
3. Yisinke ngau rugana Uhompa waKarunga konyima zapa ngava zonagura po vadinikarunga?
Konyima zapa ngava zonagura po vadinikarunga, Jesus nga pangera nomvhura 1 000. Posiruwo oso, Jesus novapangeli 144 000 ngava vatera vantu vepevhu va sikilire mo. Konyima zonomvhura odo, evhu nga li ka kara paradisa ntani nga mu kara vantu woruhafo, morwa awo kulimburukwa noveta daJehova. Jesus nga ka tengwida upangeli koGuhwe, Jehova. Posiruwo oso, edina lyaKarunga Jehova ngava ka ‘li pongora.’ (Mateusa 6:9, 10) Ayo nga yi ka likida asi Jehova Mupangeli gomuwa ogu a pakere mbili vantu vendi. Jehova nga ka zonagura po Satana nonompepo donondona ntani nava ngava dira kulimburukwa koupangeli wendi. (Ehororo 20:7-10) Mauwa aga ngau reta Uhompa waKarunga nga ga karerera narunye.
LIRONGA KO YOYINZI
Lironga eyi natu huguvarera asi Karunga nga ka sikisa mo matumbwiro gendi kupitira moUhompa wendi.
4. Uhompa waKarunga ngau hagekesa po mapangero govantu
“Mouzuni omu mwa kara vanankondo ava ava hepekere mo vakwaawo.” (Muudisi 8:9) Kupitira moUhompa wendi, Jehova nga ka gusa po udona owo.
Resa Ndaniyera 2:44; 2 Vatesaronika 1:6-8, makura zogereni mapuro aga:
-
Yisinke nga ka rugana Jehova naJesus komapangero govantu ntani novantu ava ava ga kwatesa ko?
-
Ngapi eyi ono lirongo kuhamena Jehova naJesus nayi kuvatera o dive asi awo ngava ka rugana youhunga?
5. Jesus kuna kara Hompa gomuwa
NgaHompa goUhompa waKarunga, Jesus nga ruganena vantu yininke yoyiwa yokulisiga-siga. Likida VIDIYO o tare omu Jesus ga likidire asi age ga kara neharo ntani nononkondo dokuvatera vantu.
Apa ga kere pevhu, Jesus kwa likidire eyi ngau ka rugana Uhompa. Mauwa musinke vana tumbura apa aga ono kundindira? Resa matjangwa aga naga tu vatere tu dive yoyinzi kuhamena mauwa aga.
|
APA GA KERE PEVHU, JESUS . . . |
KUTUNDILIRA MEGURU, JESUS NGA KA . . . |
|---|---|
|
|
|
|
|
|
|
|
6. Uhompa waKarunga ngau ka reta eparu lyewa
Uhompa ngau ka pa vantu eparu eli ga va harera Jehova. Awo ngava ka paruka narunye moparadisa pevhu. Likida VIDIYO o tare omu Jehova ana kusikisa mo sitambo sendi kupitira mwaMunendi, Jesus.
Resa Episarome 145:16, makura zogereni epuro eli:
-
Ngapi ono kulizuvha pokudiva asi Jehova nga ka ‘kutika’ yisitwa nayinye?
VAMWE KUTANTA ASI: “Nsene tu ruganena natuvenye kumwe, kuvhura ngatu kohonone po maudigu.”
-
Maudigu musinke ga vhura vantu, aga ngau ka kohonona po Uhompa waKarunga?
YINKE ONO LIRONGO?
Uhompa waKarunga ngau ka sikisa mo eyi ga hara Karunga. Awo ngau ka rundurura evhu li kare paradisa omu nga mu kara vantu wovawa ava ngava karera Jehova narunye.
Erugururomo
-
Ngapi Uhompa waKarunga ngau pongora edina lyaKarunga Jehova?
-
Morwasinke natu yi pulira asi Uhompa waKarunga ngau ka sikisa mo matumbwidiro gomoBibeli?
-
Uwa musinke ono hara kukamona ou ngau ka sikisa mo Uhompa waKarunga?
MAUZERA GAMWE
Lironga eyi azi tanta Harumagedoni.
“Yisinke yita yaHarumagedoni?” (Sirongwa sokoIntaneta)
Konakona eyi ngayi horoka posiruwo sonomvhura 1 000 ntani konyima zepangero lyaJesus.
“Yisinke ngayi horoka mEzuva lyoMpanguro?” (Ruhungu, 1 Sikukutu-Sindimba 2012)
Tara omu mapata naga vhura kugazadara ko komauwa aga ngau ka reta Uhompa waKarunga.
Resa esimwititi “Ame ngani lipura mapuro gomanzi,” o lironge omu ga gwene munapolitika gumwe malimbururo aga nga papara.
“Bibeli kurundurura eparu lyovantu” (Ruhungu, 1 Murongagona 2012)
Kuvhura o hafere hena
MAPURO
Yisinke elirongo lyoBibeli?
Kuvhura o lironge Bibeli noNombangi daJehova mawoko-woko ntani kuvhura o ruganese Bibeli za nyamoge. Kuvhura o zigide ko epata lyoge ndi vakaume woge va ya kare pelirongo lyoge lyoBibeli.
