SIRONGWA 45
Eyi ayi tanta kukwaterera koulimburukwi
Jesus kwa tente asi varongwa vendi kapi va “hamena kouzuni.” (Johanesa 15:19) Eyi kutanta asi awo kapi ava lihameke moupolitika ntani moyita. Nye ayo kapisi ureru. Vantu kuvhura va tu swaure morwa kudira kulihameka moyininke oyo. Ngapi natu twikira kulimburukwa Jehova Karunga?
1. Ngapi omu Vakriste wousili ava tara mapangero?
Vakriste kwa fumadeka mapangero. Ngwendi moomu ga tente Jesus, ose ‘kufutira hompa eyi ya tumbukira hompa.’ Eyi kutanta asi ose kulimburukwa noveta dosirongo ngwendi kufuta mutero. (Marukusa 12:17) Bibeli kutanta asi Jehova yige ga pulisira vantu va pangere. (Varoma 13:1) Yipo nye, ose twa yi diva asi mapangero kwa kara tupu nononkondo dononsesu. Ose kwa huguvara asi Karunga yige nga ka gusa po maudigu govantu kupitira moUhompa wendi.
2. Ngapi natu yi likida asi ose kukwaterera koulimburukwi wetu?
Ngwendi Jesus, ose kapi atu lihameke moupolitika. Apa vantu va mwene sitetu esi ga rugene Jesus, awo kwa here va mu ture a kare hompa, nye age kapi ga va pulisilire. (Johanesa 6:15) Morwasinke ga nyokerere? Age kwa tente asi: “Uhompa wange kapisi wouzuni ou.” (Johanesa 18:36) Mokumona asi ose varongwa vaJesus, ose kukwaterera koulimburukwi wetu mononkedi dokulisiga-siga. Pasihonena, ose kapi atu lihameke moyita. (Resa Mika 4:3.) Ose kwa fumadeka yininke yomosirongo ngwendi marembe, nye kapi atu yi likida efumano eli lya wapera Karunga. (1 Johanesa 5:21) Ntani ose kapi atu kwatesa ko mbungapolitika zongandi ndi munapolitika gongandi. Ose kulikida ulimburukwi wetu kepangero lyaKarunga mononkedi edi ntani nadimwe hena.
LIRONGA KO YOYINZI
Konakona maukaro aga naga heteka ulimburukwi wetu ntani nomu no tura po matokoro aga naga hafesa Jehova.
3. Vakriste wousili kukwaterera koulimburukwi wawo
Jesus novarongwa vendi kwa tu tulira po sihonena. Resa Varoma 13:1, 5-7 ntani 1 Peturusa 2:13, 14. Ntani, likida VIDIYO makura zogereni mapuro aga naga kwama ko.
-
Morwasinke natu fumadekera mapangero?
-
Mononkedi musinke dimwe atu limburukwa mapangero?
Posiruwo soyita, yirongo yimwe kutanta asi kapi ayi lihameke mo, nye ayo kugava evatero kwanavenye ava vana kurwa yita. Yisinke ayi tanta kukwaterera koulimburukwi wetu? Resa Johanesa 17:16. Ntani, likida VIDIYO makura zogereni epuro eli nali kwama ko.
-
Yisinke ayi tanta kukwaterera koulimburukwi wetu?
Yisinke natu rugana nsene epangero li tu pura tu rugane eyi ayi lirwanesa noveta zaKarunga? Resa Yirugana 5:28, 29. Ntani, likida VIDIYO makura zogereni mapuro aga naga kwama ko.
-
Nsene veta zovantu kuna kulirwanesa noveta zaKarunga, veta zalye natu limburukwa po?
-
Omu ono kugazara, momaukaro musinke Vakriste nava dira kulimburukwa komapangero?
4. Kwaterera koulimburukwi momagazaro nomoyirugana
Resa 1 Johanesa 5:21. Ntani, likida VIDIYO makura zogereni mapuro aga naga kwama ko.
-
Kuliza novidiyo, morwasinke Ayenge ga dililire kulihameka mombungapolitika ndi a djamene erembe?
-
Age kwa tulire po etokoro lyewa ndi?
Maukaro musinke naga heteka ulimburukwi wetu? Likida VIDIYO, makura zogereni mapuro aga naga kwama ko.
-
Ngapi natu kwaterera koulimburukwi wetu posiruwo somaudano?
-
Ngapi natu twikira kukwaterera koulimburukwi wetu nampili ga tu kundame matokoro aga ava tura po vanapolitika?
-
Ngapi omu nombudi ndi vantu ava atu kara nawo nava kundama ulimburukwi wetu?
Momaukaro musinke Mukriste ga hepa kukwaterera koulimburukwi wendi momagazaro nomoyirugana?
GUMWE KUVHURA A PURE ASI: “Morwasinke o dilire kudjamena erembe ndi o dimbe rusumo rosirongo?”
-
Ngapi no limburura?
YINKE ONO LIRONGO?
Vakriste kukondja unene yipo va dire kulihameka moupolitika yi kare asi momagazaro, mononkango ndi moyirugana yawo.
Erugururomo
-
Yisinke twa hepa kuruganena mapangero?
-
Morwasinke natu dilira kulihameka moupolitika?
-
Maukaro musinke naga heteka ulimburukwi wetu?
MAUZERA GAMWE
Malizambero musinke natu tura po yipo tu kwaterere koulimburukwi wetu?
Yisinke naga rugana mapata yipo ga liwapaikire maukaro aga ngaga heteka ulimburukwi wawo?
Kudira kulihameka moupolitika komavango gonkarapamwe (4:25)
Vamwe kulizuvha mfumwa zonene mokupopera sirongo sawo, nye morwasinke ya dilira kukara mulyo?
Lironga omu no dira kuhamena kouzuni nsene kuna kutura po matokoro kuhamena yirugana.
“Nkenye ogu kusimba mudigo gwamwene” (Ruhungu, 15 Nsinano 2006)
Kuvhura o hafere hena
MAPURO
Yisinke elirongo lyoBibeli?
Kuvhura o lironge Bibeli noNombangi daJehova mawoko-woko ntani kuvhura o ruganese Bibeli za nyamoge. Kuvhura o zigide ko epata lyoge ndi vakaume woge va ya kare pelirongo lyoge lyoBibeli.
