SIRONGWA 48
Horowora nawa vakaume woge
Vakaume vetu kuturetera ruhafo poyiruwo yoyiwa, ano poyiruwo youdigu, awo kutunkondopeka. Nye Bibeli kuturondora asi vakaume vamwe kapisi vawa. Ngapi no horowora vakaume wovawa? Konakona mapuro aga gana kukwama ko.
1. Ngapi omu vakaume woge nava kukundama?
Ose kuhonena yikara yovantu ava atu kara nawo nkenye apa. Awo kuvhura va tu kundame momuwa ndi momudona, yi kare asi ose kukara kumwe nawo nkenye apa ndi kukara nawo kupitira kointaneta. Bibeli kutanta asi: “Kara ukwawo novanongo ngo kare munongo. Nsene o kara ukwawo novagova, [ndi kukara novantu ava va dira kuhara Jehova] ngo hanauka po.” (Yisewe 13:20) Vakaume ava va hara Jehova nokumukarera, ngava ku vatera o hedere pepi naJehova ntani o ture po matokoro gomawa. Nye nsene o kara novakaume ava va dira kuhara Jehova, ngava kuninkisa o dire kuhedera pepi nage. Eyi yiyo Bibeli azi tu korangedere asi tu horowore nawa vakaume. Nsene tu kara novakaume ava va hara Karunga, natuvenye ngatu gwanena mo uwa. Ose ngatu vhura ‘kulikorangeda-korangeda nokulikwafa-kwafa.’—1 Vatesaronika 5:11.
2. Ngapi omu Jehova a lizuvhu kuhamena vakaume woge?
Jehova kuhorowora nawa vakaume vendi. Bibeli kutanta asi “Vahungami ta va tura mougami wendi,” ndi tava kara vakaume vendi. (Yisewe 3:32) Ngapi na lizuvha Jehova nsene o horowora vantu ava va dira kumuhara va kare vakaume woge? Ayo ngayi mu guvisa unene. (Resa Jakopo 4:4.) Nye nsene tu nyokera po vakaume wovadona nokuhedera pepi nage ntani nava va mu hara, Jehova nga hafa ntani nga tu horowora tu kare vakaume vendi.—Episarome 15:1-4.
LIRONGA KO YOYINZI
Lironga eyi ya karera nomulyo kuhorowora vakaume wovawa, ntani tara omu no tulisa po vakaume ava ngava kuvatera meparu lyoge.
3. Nyokera po vakaume wovadona
Vantu ava va dira kuhara Jehova nonompango dendi kuna kara vakaume wovadona. Likida VIDIYO, makura zogereni epuro eli nali kwama ko.
-
Ngapi natu tulisa po vakaume wovadona twa hana kuyidivira?
Resa 1 Vakolinte 15:33, makura zogereni mapuro aga:
-
Vantu musinke nava vhura kukara vakaume wovadona koge? Morwasinke?
Resa Episarome 119:63, makura zogereni epuro eli:
-
Yininke musinke nayi kuninkisa o horowore muntu a kare kaume koge?
Siapera simwe sokuwora kuvhura kuzonagura yiapera yikwawo. Ngapi omu kaume gomudona na vhura kukukundama?
4. Vantu ava va lisiga nose kuvhura va kare vakaume vetu
Bibeli kwa simwitira kuhamena Ndafita naJonatana, vagara vavali woVaisraeli womosiruwo sanare. Jonatana kwa kere mukondi kwaNdafita ntani age kwa kere munahompa. Nampili ngoso, awo kwa kere vakaume wovanene. Resa 1 Samwere 18:1, makura zogereni epuro eli:
-
Morwasinke natu dilira kuhoworora tupu vakaume womapupi getu ntani wokontundiliro zetu?
Resa Varoma 1:11, 12, makura zogereni epuro eli:
-
Ngapi omu vakaume ava va hara Jehova nava vhura kulikorangeda?
Movidiyo ezi, tara munazinyetu gomudinkantu omu ga gwene vakaume oku ga dilire kuvandindira. Likida VIDIYO, makura zogereni mapuro aga naga kwama ko.
-
Kuliza novidiyo, morwasinke vakondi vaAkil va karere nosinka kuhamena vakaume vendi wokosure?
-
Yininke musinke ya mu ninkisire a hare kutulisa po ukaume nawo?
-
Yisinke ya mu vaterere a dire kulizuvha mukuma?
5. Omu no tulisa po vakaume wovawa
Lironga omu no gwana vakaume wovawa ntani nomu no kara kaume gomuwa. Likida VIDIYO.
Resa Yisewe 18:24, makura zogereni mapuro aga:
-
Ngapi omu vakaume wousili ava livatere?
-
Wa kara novakaume vangoso ndi? Nsene kapisi yimo, ngapi no tulisa po vakaume wousili?
Resa Vafilipi 2:4, makura zogereni epuro eli:
-
Mokuninka asi o kare novakaume wovawa, wa hepa kukara kaume gomuwa. Ngapi omu no yi rugana?
Mokuninka asi o kare novakaume wovawa, wa hepa kukara kaume gomuwa
VAMWE KUTANTA ASI: “Mevango lyokudira kukara novakaume, hansa kara nakaume nkenye ogu.”
-
Ngapi no limburura?
YINKE ONO LIRONGO?
Ose ngatu hafesa Jehova nokugwanena mo uwa, nsene tu horowora vakaume wovawa.
Erugururomo
-
Morwasinke Jehova ga karera nosinka kuhamena vakaume ava atu horowora?
-
Vakaume musinke natu nyokera po?
-
Ngapi no tulisa po ukaume novantu wovawa?
MAUZERA GAMWE
Tara omu vakaume wovawa nava vhura kukuvatera poyiruwo youdigu.
“Tunga po ukaume wokupama komeho u wize uhura” (Ruhungu, Mangundu 2019)
Gazadara ko eyi no rugana yipo o tulise po vakaume wovawa.
“Ngapi nani tulisa po vakaume wovawa?” (Questions Young People Ask—Answers That Work, Volume 1, egaununo 8)
Yisinke wa hepa kudiva kuhamena kutulisa po vakaume kointaneta?
Tara eyi ya vaterere mugara gumwe a papare vakaume vapeke mesimwititi “Kwa here ni kare naguhya.”
“Bibeli kurundurura eparu lyovantu” (Ruhungu, 1 Kudumogona-Pembagona 2012)
Kuvhura o hafere hena
MAPURO
Yisinke elirongo lyoBibeli?
Kuvhura o lironge Bibeli noNombangi daJehova mawoko-woko ntani kuvhura o ruganese Bibeli za nyamoge. Kuvhura o zigide ko epata lyoge ndi vakaume woge va ya kare pelirongo lyoge lyoBibeli.
