SIRONGWA 53
Horowora yilihafeso eyi ayi hafesa Jehova
Jehova “Karunga goruhafo.” (1 Timoteusa 1:11, NW) Age ana hara tu kare noruhafo ntani tu hafere eparu. Age kuyihafera apa atu litulire po siruwo sokupwizumuka. Mosirongwa esi tatu ka lironga omu natu ruganesa nawa siruwo setu soyilihafeso monkedi ezi azi hafesa Jehova.
1. Yisinke twa hepa kudiworoka nsene kuna kuhorowora yilihafeso?
Yisinke wa hara kurugana apa o pwizumuka? Vantu vamwe kwa hara kukara pembo, yipo va rese nobuke, va purakene konomusika, va tarere nomuvi ndi va tare kointaneta. Ano vantu vamwe kwa hara kuhafera novakwawo ngwendi kuza komukuro ndi kudana maudano. Yi kare asi yilihafeso musinke twa hara, twa hepa kudivilisa asi ayo “ya za Hompa komutjima.” (Vaefeso 5:10) Ayo ya kara nomulyo asi tu kwate egano yininke eyi, morwa sinzi soyilihafeso kwa hamena mo yininke eyi ga nyenga Jehova, ngwendi nyanya, ruhonda ntani umpure. (Resa Episarome 11:5.) Yisinke nayi tu vatera tu ture po matokoro gomawa kuhamena yilihafeso?
Nsene tu horowora vakaume ava va hara Jehova, awo ngava tu kundama monaruwa ntani ngava tu vatera tu horowore yilihafeso yoyiwa. Ngomu twa yi lirongere mosirongwa sa ka pita, nsene o ‘kara ukwawo novanongo ngo kara munongo.’ Nye nsene tu kara nkenye apa novantu ava va dira kuhara nompango daKarunga, ngatu “hanauka po.”—Yisewe 13:20.
2. Morwasinke ya karera nomulyo tu nomene siruwo esi tuna kuruganesa koyilihafeso?
Nampili tu horowore yilihafeso yoyiwa, twa hepa kutakamesa yipo tu dire kuruganesa siruwo sosinzi. Nsene tu ruganesa siruwo sosinzi koyilihafeso, kapi ngatu gwana siruwo sokurugana yininke yomulyo po. Bibeli kutukorangeda asi: “Nkenye aka karuwo muna gwana, kukaruganesa nawa.”—Resa Vaefeso 5:15, 16.
LIRONGA KO YOYINZI
Lironga omu no tura po matokoro gomawa kuhamena yilihafeso.
3. Nyokera po yilihafeso yoyidona
Morwasinke natu horowera nawa yilihafeso yetu? Likida VIDIYO, makura zogereni mapuro aga naga kwama ko.
-
Ngapi maudano goVaroma ganare ga lifana nomaudano gantaantani?
-
Kuliza novidiyo, yisinke ga lirongere Danny kuhamena yilihafeso?
Resa Varoma 12:9, makura zogereni epuro eli:
-
Ngapi nazi kuvatera velize ezi nsene kuna kuhorowora yilihafeso?
Yininke musinke yimwe ga nyenga Jehova? Resa Yisewe 6:16, 17 ntani Vagarata 5:19-21. Konyima zokuresa nkenye etjangwa, zogereni epuro eli:
-
Kuliza nonovelise edi, yininke musinke vana tumbura mo eyi yina kara moyilihafeso yanaina?
Mapuro aga naga kuvatera o horowore yilihafeso
Lipura nyamoge asi:
-
Yisinke? Amo kwa hamena mo yininke eyi ga nyenga Jehova ndi?
-
Siruwoke? Ayo kuna kukudonganesa yipo o dire kurugana yomulyo ndi?
-
Yilye? Ayo kuna kuhedesera nge pepi novantu ava va dira kuhara Jehova ndi?
Ayo ya wapa tu likare ure nosiponga. Eyi yiyo ya karera nomulyo tu likare ure noyilihafeso eyi tuna kugazara asi yidona
4. Ruganesa nawa siruwo soge
Likida VIDIYO, makura zogereni epuro eli nali kwama ko.
-
Nampili ngomu munazinyetu gomovidiyo nga dili kutarera yininke yoyidona, nye udigu musinke ga kere nawo?
Resa Vafilipi 1:10, makura zogereni epuro eli:
-
Ngapi nazi tu vatera velise ezi yipo tu tokore siruwo esi natu ruganesa koyilihafeso?
5. Horowora yilihafeso yoyiwa
Nampili ngomu yilihafeso yimwe ayi dili kuhafesa Jehova, nye pwa kara yilihafeso yoyinzi eyi ayi dili kumuguvisa. Resa Muudisi 8:15 ntani Vafilipi 4:8, makura zogereni epuro eli:
-
Yilihafeso musinke yoyiwa wa hara?
Ove kuvhura o hafere yilihafeso yoyiwa
VAMWE KUTANTA ASI: “Ayo kapisi epuko kutarera yilihafeso yonyanya, yoruhonda, ndi youmpure nsene asi kapi o yi rugana.”
-
Yisinke no uyunga ko?
YINKE ONO LIRONGO?
Jehova kuna hara tu horowore nokuhafera yilihafeso yoyiwa.
Erugururomo
-
Yilihafeso musinke va hepa kunyokera po Vakriste?
-
Morwasinke ya karera nomulyo tu nomene siruwo esi tuna kuruganesa koyilihafeso?
-
Morwasinke ono harere kuhorowora yilihafeso eyi ayi hafesa Jehova?
MAUZERA GAMWE
Lironga ogu ga wapera kutuhorowera po yilihafeso yetu.
“One kusilika nomuvi nonobuke nomarusumo gamwe ndi?” (Sirongwa sokoIntaneta)
Lironga omu no tura po matokoro gomawa kuhamena yilihafeso neyi no rugana pokupwizumuka.
“Yilihafeso yoge kukuretera uwa ndi?” (Ruhungu, 15 Sikukutu 2011)
Tara eyi ya ninkisire mugara gumwe a tjindje yilihafeso yendi mesimwititi “Ame na gusa po malitondororo aga na kere nago.”
“Bibeli kurundurura eparu lyovantu” (Ruhungu, 1 Nsinano 2010)
Tara omu zinya na tura po etokoro lyewa kuhamena yilihafeso omu mwa hamena umpure.
Kuvhura o hafere hena
MAPURO
Yisinke elirongo lyoBibeli?
Kuvhura o lironge Bibeli noNombangi daJehova mawoko-woko ntani kuvhura o ruganese Bibeli za nyamoge. Kuvhura o zigide ko epata lyoge ndi vakaume woge va ya kare pelirongo lyoge lyoBibeli.
