SIRONGWA 58
Twikira kulimburukwa Jehova
Vakriste wousili kapi ava pulisire nkenye eyi ndi nkenye ogu a zonagure po elikwatakano lyawo naJehova. Nampo nove yimo o lizuvhu ngoso. Jehova kutara ulimburukwi woge asi mulyo. (Resa 1 Histoli 28:9.) Maukaro musinke naga heteka ulimburukwi woge ntani yisinke no rugana ko?
1. Ngapi omu wopeke nava vhura kuheteka ulimburukwi wetu kwaJehova?
Vantu vamwe kuvhura va hetekere ko kutuhagekesa kukarera Jehova. Vantu musinke owo? Vamwe kuna kara vantu ava va siga usili, awo kuuyunga yimpempa kuhamena mbunga zaJehova yipo va tu pukise. Awo kuvatumbura asi varwanesi usili. Ntani hena, vampitisili vamwe womaukarelikarunga kuuyunga yimpempa kutuhamena yipo va pukise ava va dira kukora mepuro. Ayo siponga kulipatanesa nawo, kuresa nobuke dawo, kuza konointaneta dawo ndi tu tarere novidiyo dawo. Jesus kwa uyungire kuhamena ava ava ninkisa vakwawo va hageke kukarera Jehova asi: “Va sigeni tupu. Awo kwa twika, yiyo hena ava pitisire vatwiku. Nsene mutwiku a pitisira mutwiku mukwawo, navenye tava gwire mekero.”—Mateusa 15:14, NW.
Ngapi nsene muntu ogu twa diva a tokora asi kapi ana hara hena kukara gumwe goNombangi daJehova? Ayo kuvhura yi tu korese nsene muntu ogo twa mu diva. Age kuvhura a tu sininike nose tu hageke kukarera Jehova. Nye ose twa hepa kutwikira kulimburukwa Karunga. (Mateusa 10:37) Yipo nye, ose kulimburukwa mpango zaJehova mokudira kukara novantu vangoso.—Resa 1 Vakolinte 5:11.
2. Yininke musinke na yi heteka ulimburukwi wetu kwaJehova?
Eharo lyetu kwaJehova nga li tu vatera tu nyokere po kulihameka moukarelikarunga woyimpempa mwankenye ukaro. Yipo nye, yirugana yetu ndi nkenye eyi twa kurugana kapisi yi likwatakane noukarelikarunga woyimpempa. Jehova kuturondora asi: “Pwageni mo [moBabironi zonene], one womuhoko gwange.”—Ehororo 18:2, 4.
LIRONGA KO YOYINZI
Lironga omu no dira kupulisira nkenye ogu a ku hagekese kukarera Jehova. Ntani lironga hena omu no likida ulimburukwi woge pokutunda mo moBabironi zonene.
3. Nyokera po varongi woyimpempa
Yisinke twa hepa kurugana nsene tatu zuvhu vantu kuna kuuyunga yininke yoyidona kuhamena mbunga zaJehova? Resa Yisewe 14:15, makura zogereni epuro eli:
-
Morwasinke natu dilira kupura nkenye eyi natu zuvha?
Resa 2 Johanesa 10, makura zogereni mapuro aga:
-
Ngapi natu tekura varwanesi usili?
-
Nampili kapi atu kara kumwe novarwanesi usili, ngapi natu gwana nombudi dawo?
-
Ngapi ono kugazara na lizuvha Jehova nsene tu purakena koyininke yoyidona eyi vana kuuyunga kumuhamena nombunga zendi?
4. Twikira kulimburukwa Karunga nampili munazinyetu ana tura nzo
Yisinke natu rugana nsene tu diva asi munazinyetu gumwe gomombungakriste ana tura nzo zonene? Tara mpango ezi ga pere Karunga Vaisraeli. Resa Levitikus 5:1.
Kuliza novelise ozo, nsene tuna diva asi gumwe ana tura nzo zonene, twa hepa kuyitantera vakuronambunga. Komeho oyi rugane oyo, tantera muntu ogu ana tura nzo a ka tantere vakuronambunga eyi ana rugana. Nsene kapi ana kuyirugana, twa hepa kulimburukwa Jehova pokutantera vakuronambunga. Nsene tu yi rugana oyo, ngapi nayi likida asi twa hara . . .
-
Jehova Karunga?
-
muntu ogo ana zono?
-
vantu womombungakriste?
Nsene munazinyetu kuna kara moudigu, mu vatera!
5. Likara ure noBabironi zonene
Resa Rukasa 4:8 ntani Ehororo 18:4, 5, makura zogereni mapuro aga:
-
Edina lyange simpe molili moukarelikarunga woyimpempa ndi?
-
Ame kwa hamena kombunga ezi za likwatakana noukarelikarunga woyimpempa ndi?
-
Yirugana yange kukwatesa ko ukarelikarunga woyimpempa ndi?
-
Koyili eyi nina kurugana eyi ya likwatakana noukarelikarunga woyimpempa eyi na hepa kunyokera po ndi?
-
Nsene na limburura nhi kwa limwe lyomapuro ogo, malitjindjo musinke na hepa kutura po?
Momaukaro nagenye, tura po etokoro eli nali kuninkisa o kare nezwi lyewa lyokomutjima ntani eli nali likida ulimburukwi woge kwaJehova.
Yisinke no rugana nsene ukareli wongandi kuna kukuhundira yigava?
VAMWE KUTANTA ASI: “Na hepa kudiva eyi ava uyunga varwanesi kuhamena Nombangi daJehova yipo ni popere usili.”
-
Olyo kuna kara egano lyewa ndi? Morwasinke ono kuuyungira ngoso?
YINKE ONO LIRONGO?
Nsene tuna hara kutwikira kulimburukwa Jehova, twa hepa kunyokera po kukara kumwe novantu ava ava dili kumulimburukwa. Twa hepa hena kutunda ko koukarelikarunga woyimpempa.
Erugururomo
-
Morwasinke natu dilira kutarera, kuresa ndi kupurakena komagano govarwanesi usili?
-
Ngapi natu tekura vantu ava vana dili kuhara kukara hena Nombangi daJehova?
-
Ngapi natu limburukwa erondoro lyokuligusa ko koukarelikarunga woyimpempa?
MAUZERA GAMWE
Lironga eyi no rugana nsene wopeke kuna kuuyunga yimpempa kuhamena Nombangi daJehova.
Ngapi no diva nsene mbunga ndi yirugana kukwatesa ko Babironi zonene?
“Litura mo unene kehagero ‘lyomazuva aga gopouhura’” (Ruhungu, Sikukutu 2019, paragarafu 16-18)
Yininke musinke va rugana varwanesi usili yipo va zonagure po ulimburukwi wetu?
Mesimwititi “Ame kwa papara Karunga kutundilira unona wange,” resa kuhamena mupristeli gwaShinto ogu ga tundire moukarelikarunga woyimpempa.
“Bibeli kurundurura eparu lyovantu” (Ruhungu, 1 Sikukutu 2011)
Kuvhura o hafere hena
MAPURO
Yisinke elirongo lyoBibeli?
Kuvhura o lironge Bibeli noNombangi daJehova mawoko-woko ntani kuvhura o ruganese Bibeli za nyamoge. Kuvhura o zigide ko epata lyoge ndi vakaume woge va ya kare pelirongo lyoge lyoBibeli.
