SIRONGWA 59
Kuvhura o lididimikire mahepeko
Vakriste navenye ngava ligwanekera nomarwaneso ndi mahepeko. Kuvhura yi ku tjilise eyi ndi?
1. Morwasinke natu ndindilira mahepeko?
Bibeli kwa uyunga asi: “Navenye ava va tokora kukerera Karunga momalikwatakano naKristusa, nawo yimo ngorooro ngava va hepeka.” (2 Timoteusa 3:12) Jesus kwa mu hepekere morwa kapi ga hamenene kouzuni waSatana. Mokumona asi nose kapi twa hamena kouzuni, ayo kapi ayi tu tetukisa apa mapangero nomaukarelikarunga aga tu hepeke.—Johanesa 15:18, 19.
2. Ngapi natu liwapaikira mahepeko?
Twa hepa kunkondopeka ehuguvaro lyetu mwaJehova ngesi. Litulira po siruwo sokukanderera nokuresa Bibeli nkenye ezuva. Kara nkenye apa komapongo. Yininke eyi ngayi kuvatera o lididimikire mahepeko nampili gokutunda kovanekoro. Mupositoli Paurusa ogu ngava hepeke nkenye apa kwa tjenge asi: “Hompa yige Mukwafi gwange, yinke nani tjilira.”—Vahebeli 13:6.
Apa atu zuvhisa nkenye apa, ayo kutuvatera tu tunge po uradi. Yirugana yokuzuvhisa kutuvatera tu huguvare mwaJehova ntani tu dire kutjira vantu. (Yisewe 29:25) Nsene o tunga po uradi wokuzuvhisa ngesi, ngayi kuvatera ngo twikire kuzuvhisa nampili apa epangero ngali hagekesa po yirugana yetu.—1 Vatesaronika 2:2.
3. Uwa musinke atu gwanene mo apa atu lididimikire mahepeko?
Nampili ngomu atu dili kuhafera mahepeko nye apa atu ga lididimikire, epuro lyetu kunkondopara. Ntani ose kuhedera pepi naJehova morwa ose kumona omu ana kutuvatera apa atu dili kukara nononkondo. (Resa Jakopo 1:2-4.) Jehova kumukoresa apa a tu mono kuna kuhepa, nye ayo kumuhafesa apa atu lididimikire. Bibeli kutanta asi: “Nye nsene mu didimika pokumuhepekera yirugana yeni yoyiwa, opo ngoso Karunga ta mu tungike.” (1 Peturusa 2:20) Jehova nga ka gava mwenyo gwanarunye kwava vana kutwikira kudidimika ntani kwato ogu nga ka rwanesa ukareli wousili.—Mateusa 24:13.
LIRONGA KO YOYINZI
Lironga eyi nayi tu tompokera kulimburukwa Jehova nampili vantu va tu hepeke ntani nomu nga ka tu tungika.
4. Kuvhura o lididimikire mahepeko gokutunda kovanekero
Jesus kwa tente asi ekoro lyetu kuvhura li tu rwanese apa atu tokora kukarera Jehova. Resa Mateusa 10:34-36, makura zogereni epuro eli:
-
Yisinke nava uyunga ndi nava rugana vanekoro nsene gumwe a tokora kukarera Jehova?
Tara sihonena simwe, pokulikida VIDIYO, makura zogereni epuro eli nali kwama ko.
-
Yisinke no rugana nsene gumwe gekoro ndi kaume ta ku silike kukarera Jehova?
Resa Episarome 27:10 ntani Marukusa 10:29, 30. Konyima zokuresa nkenye etjangwa, zogereni epuro eli:
-
Ngapi naga kuvatera matumbwidiro aga nsene tava kurwanesa vanekoro ndi vakaume woge?
5. Twikira kukarera Jehova nampili momahepeko
Twa hepa uradi mokukarera Jehova nsene vamwe kuna kuturwanesa. Likida VIDIYO, makura zogereni epuro eli nali kwama ko.
-
Yihonena musinke yomovidiyo yina kukorangeda?
Resa Yirugana 5:27-29 ntani Vahebeli 10:24, 25. Konyima zokuresa nkenye etjangwa, zogereni epuro eli:
-
Morwasinke ya karera nomulyo tu twikire kukarera Jehova nampili yirugana yetu nomapongo getu va yi hagekesa?
6. Jehova nga ku vatera o twikire kulididimika
Nombangi daJehova domapupi gokulisiga mouzuni mudima kwa twikira kukarera Jehova nampili apa ava va hepeke. Tara eyi ya va vatera, Likida VIDIYO. Makura zogereni epuro eli nali kwama ko.
-
Kuliza novidiyo, yisinke ya vaterere Nombangi di lididimikire?
Resa Varoma 8:35, 37-39 ntani Vafilipi 4:13. Konyima zokuresa nkenye etjangwa, zogereni epuro eli:
-
Ngapi etjangwa eli lina kulikida asi kuvhura o lididimike nkenye udigu?
Resa Mateusa 5:10-12, makura zogereni epuro eli:
-
Morwasinke no karera noruhafo nampili kuna kukuhepeka?
Sinzi soNombangi daJehova kwa va tompoka kulididimikira mahepeko. Nove kuvhura o lididimikire!
VAMWE KUTANTA ASI: “Ame kapi tani vhuru kulididimikira mahepeko.”
-
Matjangwa musinke naga vhura kuvavatera va yi pure asi kuvhura va lididimikire?
YINKE ONO LIRONGO?
Jehova kuyihafera apa atu kondjo tu mu limburukwe nampili kuna kutuhepeka. Ose kuvhura tu lididimikire nevatero lyendi.
Erugururomo
-
Morwasinke Vakriste nava ndindilira mahepeko?
-
Yisinke no rugana ngesi yipo o liwapaikire mahepeko?
-
Yisinke nayi kuvatera o yi pure asi kuvhura o karere Jehova nampili kuna kukuhepeka?
MAUZERA GAMWE
Tara eyi ga uyunga mudinkantu gumwe omu Jehova ga mu vaterere a lididimike apa ga kere modorongo, morwa kunyoka kukara mukwayita.
Tara eyi ya vaterere valikwali vamwe va twikire kukarera Jehova nampili momahepeko.
Lironga omu no lididimikira mahepeko nouradi.
Ngapi natu tara mahepeko gokutunda kovanekoro ntani yisinke natu rugana yipo tu kare mombili nawo nokutwikira kulimburukwa Jehova?
Usili kapi wa ‘reta mpora nye kwa reta rufuro’ (Ruhungu, Sikukutu 2017)
Kuvhura o hafere hena
MAPURO
Yisinke elirongo lyoBibeli?
Kuvhura o lironge Bibeli noNombangi daJehova mawoko-woko ntani kuvhura o ruganese Bibeli za nyamoge. Kuvhura o zigide ko epata lyoge ndi vakaume woge va ya kare pelirongo lyoge lyoBibeli.
