SIRONGWA 60
Twikira kuhedera pepi naJehova
Melirongo lyoge lyoBibeli, ove wa lironga yoyinzi kuhamena Jehova. Yininke eyi wa lironga kumuhamena, ya kuninkisa omu hare unene nokuligava kwendi ntani nokugwana ekuho. Nsene kapi wa gwana ekuho, ove nampo kuna kugazadara kuyirugana. Nye nampili konyima zokugwana ekuho, wa hepa kutwikira kuhedera pepi naJehova. Ngapi omu no yi rugana?
1. Morwasinke no twikilira kunkondopeka elikwatakano lyoge naJehova?
Twa hepa kukondja yipo tu nkondopeke elikwatakano lyetu naJehova. Morwasinke? Yipo tu dire ‘kuzaaza nompepo’ ndi tu sige Jehova. (Vahebeli 2:1) Yisinke nayi tu vatera yipo tu twikire kulimburukwa Jehova? Pokulitura mo mosirugana sokuzuvhisa nokupapara nonkedi dimwe omu natu karera Karunga momunene. (Resa Vafilipi 3:16.) Ose ngatu hafera eparu nsene tu karera Jehova.—Episarome 84:10.
2. Yisinke hena no twikira kurugana?
Nampili ngomu elirongo lyoge lyoBibeli lina kuhaga, eparu lyoge ngoMukriste kapi nga lihaga. Bibeli kutanta asi twa hepa ‘kudwara muntu gomupe.’ (Vaefeso 4:23, 24) Nsene o twikira kulironga Bibeli nokuza komapongo, ove ngo lironga yininke yoyipe kuhamena Jehova noyikara yendi. Hetekera ko kuhonena yikara yendi. Twikira kutura po malitjindjo yipo o hafese Jehova.
3. Ngapi nga ku vatera Jehova o twikire kumuhedera pepi?
Bibeli kutanta asi: “Karunga . . . mwene nga mu wapeka, ta mu nkondopeke, ta mu pameke, ta mu tura petateko lya kora.” (1 Peturusa 5:10) Natuvenye kuligwanekera nomaheteko. Nye Jehova kutupa eyi twa hepa yipo tu ga nyokere po. (Episarome 139:23, 24) Age kwa tumbwira asi nga tu pa eharo nononkondo edi twa hepa yipo tu mu karere.—Resa Vafilipi 2:13.
LIRONGA KO YOYINZI
Lironga omu no twikira kuhedera pepi naJehova ntani nomu nga ku tungika Jehova.
4. Twikira kuuyunga nokupurakena kwaKaume koge gomunene
Kukanderera nokulironga Bibeli, ya kuvatera o kare kaume kaJehova. Ngapi omu yininke oyo nayi kuvatera o hedere unene pepi nage?
Resa Episarome 62:8, makura zogereni epuro eli:
-
Mokunkondopeka elikwatakano lyoge naJehova, yisinke no wapukurura kuhamena makanderero goge?
Resa Episarome 1:2, makura zogereni epuro eli:
-
Mokunkondopeka elikwatakano lyoge naJehova, ngapi no wapukurura ereso lyoge lyoBibeli?
Yisinke no rugana yipo o gwanene mo uwa melirongo lyoge lyoBibeli? Tara ko magano gamwe, pokulikida VIDIYO, makura zogereni mapuro aga naga kwama ko.
-
Magano musinke gomovidiyo aga ono hara kutura pasirugana?
-
Yirongwa musinke ono hara kulironga?
5. Litulira po yitambo yopampepo
Nsene o litulira po yitambo mombunga zaJehova, ayo ngayi kuvatera o twikire kuhedera pepi naJehova. Likida VIDIYO, makura zogereni epuro eli nali kwama ko.
-
Kuliza novidiyo, uwa musinke ga gwanene mo Cameron pokulitulira po yitambo?
Kapisi navenye ava vhuru kudirukira kosirongo sapeke. Nye natuvenye kuvhura tu litulire po yitambo eyi natu vhura kusikisa mo. Resa Yisewe 21:5, makura gazadara ko yitambo eyi ono hara kusikisa mo . . .
-
mombungakriste.
-
moyirugana yokuzuvhisa.
Ngapi omu velise ozo nazi kuvatera o sikise mo yitambo yoge?
Yitambo yimwe eyi no litulira po
-
Wapukurura makanderero goge.
-
Resa Bibeli nazinye.
-
Diva vantu navenye womombungakriste zeni.
-
Tulisa po varongwa woBibeli.
-
Rugana uzuvhisi wokuvatera ndi wokukarerera.
-
Nsene asi ove munazinyetu gomugara, kondja yipo o kare mukwafimbunga.
6. Hafera eparu narunye!
Resa Episarome 22:26, makura zogereni epuro eli:
-
Yisinke no rugana yipo o hafere eparu ngesi ntani narunye?
YINKE ONO LIRONGO?
Twikira kunkondopeka elikwatakano lyoge naJehova nokulitulira po yitambo yopampepo. Makura ove ngo hafera eparu narunye!
Erugururomo
-
Morwasinke no karera nehuguvaro asi Jehova nga ku vatera omu karere noulimburukwi?
-
Ngapi no twikira kunkondopeka elikwatakano lyoge naJehova?
-
Ngapi omu yitambo yopampepo nayi kuvatera o twikire kuhedera pepi naJehova?
MAUZERA GAMWE
Yipi yomulyo po kwaJehova, kumulimbukwa tupu sikando simwe ndi eparu lyetu mudima?
Nampili mukareli gwaJehova gomulimburukwi kuvhura a zumbanese ruhafo. Tara omu no tengwidira po ruhafo roge.
Ngapi no litulira po yitambo yopampepo nokuyisikisa mo?
“Yererepeka Musiti goge pokulitulira po yitambo yopampepo” (Ruhungu, 15 Pembankuru 2004)
Morwasinke ya karera mulyo kukura pampepo ntani ngapi no yi rugana?
Kareni sikurona, ‘Ezuva lyaJehova lyenene pepi lina kara’ (Ruhungu, 1 Kudumonkuru 2009)
Kuvhura o hafere hena
MAPURO
Yisinke elirongo lyoBibeli?
Kuvhura o lironge Bibeli noNombangi daJehova mawoko-woko ntani kuvhura o ruganese Bibeli za nyamoge. Kuvhura o zigide ko epata lyoge ndi vakaume woge va ya kare pelirongo lyoge lyoBibeli.
