OMU NO TAMEKA NZOGERA
SIRONGWA 4
Linunupika
Mpango: “Linunupikeni noku tara wopeke asi va mu pita mekuto.”—Fil. 2:3.
Eyi ga rugene Paurusa
1. Tarera VIDIYO, ndi resa Yirugana 26:2, 3. Makura konakona mapuro gana kukwama ko:
-
Ngapi omu Paurusa ga likidire elinunupiko monkedi omu ga uyungisire hompa Agilipa?
-
Ngapi omu Paurusa ga demenene kwaJehova ntani koMatjangwa mevango lyokudemenena kwamwene?—Tara Yirugana 26:22.
Yisinke tuna lirongere ko kwaPaurusa?
2. Nsene tu uyunga monkedi zelinunupiko ntani zefumadeko, vantu ngava purakena kombudi ezi tuna kuvazuvhisira.
Honena Paurusa
3. Uyunga monkedi zefumadeko. Nyokera po kumoneka ngwendi asi ove wa diva nayinye, ano ogu ono kuzuvhisira ngwendi kwato eyi ga diva. Kapisi o sense muntu.
4. Yi likida asi eyi muna kuzogera kuna kutundilira moBibeli. MoNonkango daKarunga kwa kara mo magano aga naga guma muntu komutjima. Nsene tu di ruganesa, ose ngatu va vatera va huguvare moBibeli.
5. Kara gokugomoka. Wa ha hetekera ko kuyilikida asi ove mouhunga ono kara. Kapi tuna hara kulipatana. Likida elinunupiko pokukara ono litura ntani nokudiva siruwo esi no tunda po. (Yis. 17:14; Tit. 3:2) Nsene o uyunga monkedi zokugomoka nampo sikando sokukwama ko muntu ogo kuvhura nga purakene.
