OMU NO TENGWIRA KO
SIRONGWA 7
Twikira
Mpango: “Awo kapi va hagekere kuronga nokuzuvhisa mbudi zongwa.”—Yirugana 5:42.
Eyi ga rugene Paurusa
1. Tarera VIDIYO, ndi resa Yirugana 19:8-10. Makura konakona mapuro gana kukwama ko:
Yisinke natu lirongera ko kwaPaurusa?
2. Twa hepa siruwo nelituromo mokurugana matengwiroko ntani nokutameka malirongo goBibeli.
Honena Paurusa
3. Rundurura elikwamo lyoge li lize neli lyendi. Lipura asi: ‘Vili musinke ntani kupi oku nani mu gwana? Ezuvake nga kara hena nosiruwo sokuzogera name?’ Nampili yi kare asi siruwo esi ana tulisa po udigu koge, tengwira ko.
4. Tura po ewapaiko lyokukatengwira ko. Nkenye apa nomu mana kuzogera, hetekera ko kudivilisa siruwo esi ngomu ya zogera hena nomuntu ogo. Sikisa mo etumbwidiro lyoge.
5. Kara nehuguvaro. Wa ha gazara asi muntu ogo kapi ana hara nsene kapi a kara-kara pembo ndi nkenye apa kumugwana kuna kurugana. (1 Kol. 13:4, 7) Nampili ngoso, twikira ngorooro kutengwira ko, nye hena ruganesa nawa siruwo soge.—1 Kol. 9:26.
