OMU NO TENGWIRA KO
SIRONGWA 8
Lididimika
Mpango: “Eharo kulididimika.”—1 Kol. 13:4.
Eyi ga rugene Jesus
1. Tarera VIDIYO, ndi resa Johanesa 7:3-5 ntani 1 Vakolinte 15:3, 4, 7. Makura konakona mapuro gana kukwama ko:
Yisinke natu lirongera ko kwaJesus?
2. Twa hepa kulididimikira morwa vantu vamwe kugusa siruwo mokutambura mbudi zongwa.
Honena Jesus
3. Hetekera ko kuruganesa nkedi zapeke. Nsene muntu kapi ana hara kulironga Bibeli, wa ha mu sininika. Nsene kuvhura, ruganesa novidiyo noyirongwa eyi nayi mu vatera a kwate egano omu ava lirugana elirongo lyoBibeli nomu na gwanena mo mauwa.
4. Wa ha hetakanesa. Nkenye muntu ga lisiga. Nsene gekoro ndi etengwiroko kuna kulikatakata kulironga Bibeli ndi kutambura eyi azi rongo Bibeli, gazadara ko asi morwasinke. Koyili eyi ga pura ya kara nomulyo unene kwendi ndi? Kuna kumuzeda vanekoro ndi vamusinda zendi ndi? Mu pa siruwo a gazadare ko kweyi ono uyunga yipo a dimburure eyi za uyunga ko Bibeli.
5. Kanderera po ava vana kara neharo. Pura Jehova a ku vatere o kare nomutaro gouhunga ntani nonondunge. Hundira Jehova a ku vatere o dive siruwo esi no hageka kukadingura muntu ogu ana dili kuhara.—1 Kol. 9:26.
