Nomvhura dononzi, Nombangi daJehova kwa ndurukire nokuruganesa nokuhanesa matoroko gokulisiga-siga goBibeli. Nye konyima twa ya dimbwilire hepero zokutoroka Bibeli ezi nazi vatera vantu va lironge ‘ediwo lyousili,’ morwa yiyo ga harera Karunga vantu navenye. (1 Timoteusa 2:3, 4) Yipo nye, mo-1950 yipo twa tamekere kupwagesa Bibeli zoNew World Translation momaruha. Bibeli ezi kwa zi toroka nawa momaraka gokupitakana 130.

Twa hepere Bibeli zoureru kukwata egano. Mwa za siruwo, maraka kurunduruka ano Nobibeli dononzi kwa ruganesa nonkango danare ntani doudigu kukwata egano. Ntani hena, mosiruwo setu va gwana matjango ganare aga ga tu vatera tu kwate egano maraka aga va ruganesere pokutjanga Bibeli ngwendi Ruhebeli, Ruamareki noRugereka.

Twa hepere Bibeli ezi za liza nononkango daKarunga. Mevango lyokurundurura nonkango daKarunga, vatoroki woBibeli va hepa kutoroka kuliza neyi va tjenge vatjangi wokuhova. Nye, moNobibeli dononzi kapi mwa kara edina lyaKarunga, Jehova.

Twa hepere Bibeli ezi azi fumadeke Karunga. (2 Samwere 23:2) MoNew World Translation, edina lyaJehova va li tura mo yikando yokusika po-7 000, ngamoomu lya moneka momatjango ganare goBibeli. Tara sihonena konhi. (Episarome 83:18, NW) Morwa elituromo lyenene lyovatoroki, Bibeli ezi ureru kuziresa, morwa azo kwa horora nawa-nawa magazaro gaKarunga. Yi kare asi mwa kara noBibeli zoNew World Translation meraka lyeni ndi hawe, kuna kumukorangeda mu litulire po elikwamo lyokuresa Nonkango daJehova nkenye ezuva.—Josuwa 1:8; Episarome 1:2, 3.

• Morwasinke twa torokera etoroko lyepe lyoBibeli?

• Yisinke ga hepa kurugana nkenye ezuva ogu ana hara kulironga mpango zaKarunga?