Ngo rugana mpango zaJehova ndi?
Mpandu kweyi wa litulira po siruwo sokulironga sifo esi yipo o dive kuhamena Nombangi daJehova noyirugana yetu ntani mbunga zetu. Tuna huguvara asi sifo esi sina ku vatere o dimburure asi ose kuna kurugana mpango zaJehova naina. Kuna kukukorangeda o twikire kulironga kuhamena Karunga, o tantere ko vanekoro novakaume woge eyi ono kulironga, ntani o twikire kuponga kumwe nose komapongo getu goSikriste.—Vahebeli 10:23-25.
Nsene o twikira kulironga kuhamena Jehova ngo yi dimburura asi age ga ku hara unene. Ngayi ku tumangeda o rugane eyi ngayi likida asi nove wa mu hara. (1 Johanesa 4:8-10, 19) Ngapi no yi likida meparu lyoge asi wa hara Karunga? Morwasinke ya karera nomulyo kulimburukwa konompango dendi? Yisinke ngayi ku vatera o hare kurugana mpango zaKarunga kumwe nose? Ogu a ku rongo Bibeli nga hafera kukuvatera o gwane malimbururo yipo nove nepata lyoge ngomu ‘kare meharo lyaKarunga, nokundindira mwenyo gwanarunye.’—Juda 21.
Kuna kukukorangeda o twikire kupameka elikwatakano lyoge naJehova pokulironga buke ezi . . .
Kuvhura o hafere hena
KUTUHAMENA
Morwasinke natu lirongera Bibeli?
Bibeli kuna kuvatera mamiliyona govantu mouzuni mudima va gwane malimbururo komapuro gomulyo meparu. Ono hara kukara gumwe gwawo ndi?
MAPURO
Yisinke elirongo lyoBibeli?
Kuvhura o lironge Bibeli noNombangi daJehova mawoko-woko ntani kuvhura o ruganese Bibeli za nyamoge. Kuvhura o zigide ko epata lyoge ndi vakaume woge va ya kare pelirongo lyoge lyoBibeli.
