Karunga kuna hara ngatu paruke narunye mombili nomoruhafo moparadisa pevhu!

Nye kuvhura o lipure asi: ‘Ngapi ngayi vhura kuhoroka?’ Bibeli kwa tanta asi Uhompa waKarunga ngau reta po marunduruko ogo ntani azo kuna kara mpango zendi asi vantu navenye va lironge kuhamena Uhompa owo nositambo sendi kwetu.—Episarome 37:11, 29; Jesaya 9:7.

Karunga kuna hara tu gwanene mo uwa.

Ngomu tupu guhya ga harera vana vendi uwa, Guhyetu gemeguru nage kwa tu harera tu hafe narunye. (Jesaya 48:17, 18) Age kwa tumbwidira asi “ogu a sikisa mo mpango zaKarunga, nga kara dogoro narunye.”—1 Johanesa 2:17.

Karunga kuna hara tu gende mononzira dendi.

Bibeli kutanta asi Musiti gwetu kuna hara a “tu ronge eyi ana hara tu yi rugane” yipo “ngatu gende mononzira edi ga horowora.” (Jesaya 2:2, 3) Age kwa paparera “edina lyendi mbunga” ezi nazi divisa mpango zendi evhu nalinye.—Yirugana 15:14.

Karunga kuna hara tu mu karere mouumwe.

Mevango lyokugaununa vantu, ukareli wousili waJehova kuninkisa vantu va kare neharo nouumwe. (Johanesa 13:35) Wolye vana kuronga vagara novakadi omu nava karera Karunga mouumwe? Kuna kukuhundira o dive ko yoyinzi kupitira mosifo esi.