Epukururo
Nsene gumwe tatu pukurura
Morwasinke natu paparera mapukururo gomoBibeli?
Epis 32:8; Yis 15:22; 19:20; 20:18
Tara hena Yis 11:14
Morwasinke ya karera nomulyo kutambura mapukururo mevango lyokuligusa-gusa mo?
Yis 12:15; 29:1
Tara hena Yis 1:23-31; 15:31
-
Yihonena yomoBibeli eyi nayi tu vatera:
-
1Sam 15:3, 9-23—Apa muporofete Samwere ga vyukisire Sauru, age kwa ligusa-gusire mo nokunyoka kutambura mapukururo. Eyi yiyo ya ninkisire Jehova a mu nyoke
-
2Hist 25:14-16, 27—Hompa Amasiya kwa zonene ntani apa ga mu pukwilire muporofete gwaJehova age kwa nyokere. Eyi yiyo ya ninkisire Jehova a mu nyoke nokudira kumupopera
-
Morwasinke natu fumadekera ava ava tu pitisire apa ava tu pe mapukururo?
1Tes 5:12; 1Tim 5:17; Heb 13:7, 17
-
Yihonena yomoBibeli eyi nayi tu vatera:
-
3Joh 9, 10—Mupositoli gomukurupe Johanesa kwa pukwilire Diwoterefesi kweyi nga dili kufumadeka ava ngava pitisire mombungakriste
-
Morwasinke natu purakenena kovakurupe?
Lev 19:32; Yis 16:31
Tara hena Joba 12:12; 32:7; Tit 2:3-5
-
Yihonena yomoBibeli eyi nayi tu vatera:
-
1Sam 23:16-18—Hompa Ndafita kwa purakenene komapukururo aga ga mu pere Jonatana, ogu ga kere asi mukondi kwendi nonomvhura 30. Mapukuruo ogo ga mu nkondopekere
-
1Vah 12:1-17—Hompa Rehabiyamu kwa nyokere mapukururo gomawa aga va mu pere vagara wovakondi nye age kwa purakenene komapukururo gomadona aga va mu pere vagara wovadinkantu, ano ayo ya retere yitundwamo yoyidona
-
Yisinke yina kulikida asi vakadi ntani novanona ava ava karere Jehova kuvhura kugava mapukururo gomawa?
Joba 32:6, 9, 10; Yis 31:1, 10, 26; Muud 4:13
Tara hena Epis 119:100
-
Yihonena yomoBibeli eyi nayi tu vatera:
-
1Sam 25:14-35—Abigayili kwa pere hompa Ndafita egano eli lya parwire wovanzi ntani ga mu poperere a dire kutura nzo
-
2Sam 20:15-22—Mukadi gonondunge gomositata saAbeli kwa poperere sitata nasinye morwa epukururo eli ga geve
-
2Vah 5:1-14—Mukadona goMuisraeli kwa geve magano aga ga ninkisire mukwayita gononkondo a dive eyi na rugana yipo a veruke kouvera woyingondwe
-
Morwasinke natu dilira kupurakena komapukururo gava ava dili kufumadeka Jehova ndi nonkango dendi?
Epis 1:1; Yis 4:14
Tara hena Ruk 6:39
-
Yihonena yomoBibeli eyi nayi tu vatera:
-
1Hist 10:13, 14—Hompa Sauru kwa pulire nompure mevango lyokupura Jehova ntani age kwa fire morwa kudira kulimburukwa
-
2Hist 22:2-5, 9—Hompa Ahasiya kwa horowere vapukuruli vepuko, ano age kwa fire morwa kwa purakenene komagano gepuko
-
Joba 21:7, 14-16—Joba kwa nyokere kupurakena mapukururo gava va dilire kufumadeka Jehova
-
Kugava mapukururo
Morwasinke ya karera nomulyo kugwana mauzera nokupurakena kovantu navenye ava va hamene mo komeho zokugava mapukururo?
Yis 18:13, 17
Tara hena Yis 25:8
-
Yihonena yomoBibeli eyi nayi tu vatera:
-
1Sam 1:9-16—Mupristeli gomunene Eli kwa pere Hana mapukururo komeho zokugwana mauzera, age kwa gazarere asi mukadi ogu gomulimburukwi kuna korwa
-
Mat 16:21-23—Ga hana kuyidivira, mupositoli Peturusa kwa tanterere Jesus a rugane eyi ga here Satana nye kapisi eyi ga here Jehova
-
Morwasinke natu kanderera kwaJehova a tu vyukise komeho tu gave mapukururo?
Epis 32:8; 73:23, 24; Yis 3:5, 6
-
Yihonena yomoBibeli eyi nayi tu vatera:
-
Ex 3:13-18—Muporofete Mosesa kwa pulire Jehova a mu vatere omu na kohonona po maudigu aga ngava ligwanekere nago Vaisraeli
-
1Vah 3:5-12—Hompa Saromo kwa hundilire Jehova nondunge mevango lyokulihuguvara mwene, ano Jehova ga mu tungikire
-
Morwasinke natu gavera nkenye apa mapukururo nokulimburura kuliza noBibeli?
Epis 119:24, 105; Yis 19:21; 2Tim 3:16, 17
Tara hena Deut 17:18-20
-
Yihonena yomoBibeli eyi nayi tu vatera:
-
Mat 4:1-11—Jesus kwa limbwilire Satana pokuruganesa Nonkango daKarunga nye kapisi nondunge dendi
-
Joh 12:49, 50—Twa hepa kuhonena Jesus ogu nga rongo yeeyi va mu rongere Oguhwe
-
Morwasinke natu gavera mapukururo monkedi zombili ntani nokupandadeka muntu ogo komeho tu gave epukururo?
Tara hena Jes 9:6; 42:1-3; Mat 11:28, 29
-
Yihonena yomoBibeli eyi nayi tu vatera:
-
2Hist 19:2, 3—Kupitira momuporofete, Jehova kwa pukwilire hompa Jehosafata nye age hena kwa mu pandadekere koyirugana yoyiwa eyi nga rugana
-
Ehor 2:1-4, 8, 9, 12-14, 18-20—Jesus kwa pandadekere nombungakriste dokulisiga-siga komeho a di pe mapukururo
-
Nsene Mukriste tatu tantere asi kuna kulizuvha asi Mukriste mukwawo ana mu zonene, ngwendi pokumukumbagera ndi pokumugamba, morwasinke natu mu korangedera a ka uyunge nomuntu ogu ana mu zonene pwavelike?
Tara hena Lev 19:17
Ngapi omu natu korangeda Mukriste ogu vana zonene a kare nonkenda, nelididimiko ntani nokugusira po?
Mat 18:21, 22; Mar 11:25; Ruk 6:36; Efe 4:32; Koros 3:13
Tara hena Mat 6:14; 1Kol 6:1-8; 1Pet 3:8, 9
-
Yihonena yomoBibeli eyi nayi tu vatera:
-
Mat 18:23-35—Jesus kwa geve sifanakeso mokufaturura eyi ya karera nomulyo tu kare nonkareso zokugusira po
-
Morwasinke natu karera nouradi pokukwaterera kousili nsene kwa kugava mapukururo?
Epis 141:5; Yis 17:10; 2Kol 7:8-11
-
Yihonena yomoBibeli eyi nayi tu vatera:
-
1Sam 15:23-29—Muporofete Samwere kapi ga tjilire hompa Sauru, age kwa mu pere mapukururo
-
1Vah 22:19-28—Muporofete Mikaya kapi ga tjindjire mbudi zerondoro ezi ga geve kwahompa Ahaba, nampili ngomu va mu tjilisire nokumutekura momudona
-
Ngapi omu natu gava mapukururo komuntu twa hana kuzonagura po elikwatakano lyendi naJehova?
-
Yihonena yomoBibeli eyi nayi tu vatera:
-
Ruk 22:31-34—Jesus kwa huguvaresere mupositoli Peturusa asi nga nkondopeka vakwawo, nampili ngomu ga tulire mapuko
-
Fir 21—Mupositoli Paurusa kwa huguvaresere Firemoni asi nga kwama mapukururo gendi aga ga lizire nompango zaKarunga
-
Ngapi natu gava mapukururo monkedi zombili kwava vana dompo?
Ngapi omu natu yi likida komuntu ogu ana zono asi tuna hara kumuvatera a kare hena nelikwatakano lyewa naJehova?
Ngapi natu likida efumadeko kwava tuna kupa mapukururo yi kare asi nomvhura dawo dingapi ndi age mugara ndi mukadi?
Morwasinke vakuronambunga nava karera nouradi mokugava mapukururo komuntu ogu ana kutwikira kunyoka mapukururo gomoMatjangwa?
1Kol 5:9, 11, 13; 1Tim 5:20; Tit 3:10
Tara hena “Kugusa mombunga”
Kuvhura o hafere hena
HONENA EPURO LYAWO
Abigayili mukadi gonondunge
Yisinke natu lirongera ko kononkwara donondona daAbigayili?
Yisinke no lirongera ko koyihorokwa yomoBibeli?
Mupitisili govakwayita nomukadonagona
Mukadonagona goMuisraeli kwa tanterere muhona gwendi gomukadi kuhamena nonkondo daJehova, ano yitundwamo kwa kere yokutetukisa.
HONENA EPURO LYAWO
Peturusa ga kere mulimburukwi momaheteko
Ngapi omu epuro noulimburukwi waPeturusa wa mu vaterere a tambure mavyukiso gaJesus?
KUTUHAMENA
Tura mo ehundiro
Gwana elimbururo kepuro lyomoBibeli ndi lironga ko yoyinzi kuhamena Nombangi daJehova.
