Buke Matjangwa aga naga vatera Vakriste ngazi ku vatera o gwane noureru novelise noyihonena yomoBibeli eyi nayi ku vatera o lididimikire maudigu aga ono kupita. Azo ngazi ku vatera o gwane novelise douhunga edi no ruganesa o korangede wopeke nokuvavatera va ture po matokoro aga naga hafesa Jehova. Horowora sirongwa esi ono hara. Nkenye sirongwa kwa kara mo mapuro ntani nefatururo lyesupi kuhamena yihonena yomoBibeli. (Tara kakende “ Omu no ruganesa mbapira ezi.”) Ove no gwana matjangwa aga naga ku vyukisa nokukuhengagwida. Ntani no gwana novelise edi no ruganesa o vatere wopeke noku va korangeda.

Buke ezi kapi za kara nomatjangwa nagenye kuhamena sirongwa oso vana tumbura. Nye azo kwa zi wapaikira zi ku vatere o gwane matjangwa ntani kuvhura o ruganese hena yiruganeso yimwe o lironge yoyinzi kuhamena sirongwa oso. (Yis 2:1-6) Mokudiva ko yoyinzi kuhamena etjangwa, ruganesa Buke zepaparo zoNombangi daJehova. Tara moyimbapiratjangwa eyi va nduruka ntaantani yipo o gwane mo mauzera gomape kuhamena etjangwa olyo.

Ngano buke ezi zi ku vatere o gwane unongo nediwo eli lya kara moBibeli. Ngomu no ruganesa buke ezi ngano zi ku vatere o yi pure nawa-nawa asi “nonkango daKarunga kwa kara nomwenyo ntani nononkondo.”​—Heb 4:12.