Zende koyikaramo

Zende koyikaramo

Log In (opens new window)
Papara koJW.ORG

Nonkwara

Nonkwara

Kupi da tundilira nonkwara?

Ge 1:27, 28; 2:22-24; Mat 19:4-6

Yilye na horowora Mukriste ngomulikwali gwendi?

Morwasinke Mukriste gousili na dilira kukwara muntu ogu ga dira kuligava kwaJehova nokugwana ekuho?

1Kol 7:39; 2Kol 6:14, 15

  • Yihonena yomoBibeli eyi nayi tu vatera:

    • Ge 24:1-4, 7​—Abirahamu kwa demenene kugwanena munendi Isaka mukadi movantu ava ava karere Jehova, nye kapisi moVakanani ava ava karere yikarunga yoyipempa

    • Ge 28:1-4​—Isaka kwa tanterere munendi Jakopo a ka kware mukadi mokatji kovapuli vakwawo nye kapisi moVakanani

Ngapi omu Jehova a lizuvhu kuhamena ava ava kwara vantu ava ava dili kumukarera?

Deut 7:3, 4

  • Yihonena yomoBibeli eyi nayi tu vatera:

    • 1Vah 11:1-6, 9-11​—Jehova kwa handukilire hompa Saromo morwa kapi ga purakenene apa ga mu rondwere a dire kukwara vakadi wovanayirongo ntani apa ga va pulisilire va mu ninkise a karere yikarunga yoyipempa

    • Neh 13:23-27​—Ngwendi Jehova, Nehemiya kwa handukire apa vagara woVaisraeli va kwere vakadi wovanayirongo ava ngava dili kukarera Jehova, age kwa va piswire

Morwasinke ya karera nomulyo tu horowore mulikwali ogu ga karera Jehova noulimburukwi, ntani ogu ga kara nonkareso zongwa?

Yis 18:22; 31:10, 28

Tara hena Efe 5:28-31, 33

  • Yihonena yomoBibeli eyi nayi tu vatera:

    • 1Sam 25:2, 3, 14-17​—Nabali kwa kere ngawo zonene, nye age kwa kere nonyanya noukenya, ano oyo ya mu ninkisire a kare mugara gomudona kwaAbigayili

    • Yis 21:9​—Nsene tu horowora mulikwali gepuko ngayi tu ninkisa tu dire kukara noruhafo nombili meparu

    • Rom 7:2​—Mupositoli Paurusa kwa uyungire asi apa mukadi a kwara age kukara mepangero lyomugara, yipo nye mukadi gonondunge ga hepa kuhorowora nawa mugara ogu na mu kwara

Kuliwapaikira nonkwara

Morwasinke mugara na wapaikilira mokupakera mbili mukadendi novana vendi komeho a gazadare kuhamena nonkwara?

1Tim 5:8

  • Yihonena yomoBibeli eyi tu vatera:

    • Yis 24:27​—Komeho mugara a kware nokukara novanona, ga hepa kudivilisa asi kuvhura a pakere mbili epata lyendi

Morwasinke vantu ava vana kulivandekera nava pulira ko magano kwava wopeke, ntani nokulidiva nawa mevango tupu lyokudemenena kemoneko lyomuntu?

Yis 13:10; 1Pet 3:3-6

  • Yihonena yomoBibeli eyi nayi tu vatera:

    • Rutu 2:4-7, 10-12​—Bowasa kwa lirongere kuhamena Rutu apa ga mu tarere eyi nga rugana, nokupura ko magano omu va mu diva, omu a tekura epata lyawo ntani nelikwatakano lyendi naJehova

    • Rutu 2:8, 9, 20​—Rutu kwa lirongere kuhamena Bowasa pokutarera yikara yendi ngwendi nkenda, ugavi ntani eharo lyendi kwaJehova

Morwasinke Jehova a ndindilire ko kwava vana kulivandekera va kare vana kuhuka pamukaro apa vana kulivandekera, ntani apa ava litumbwidire asi tava ka likwara?

Gar 5:19; Koros 3:5; 1Tes 4:4

  • Yihonena yomoBibeli eyi nayi tu vatera:

    • Yis 5:18, 19​—Nonkedi dimwe dokulikida eharo kwa wapera tupu vantu ava va likwara

    • Rus 1:2; 2:6​—Apa mukadi goMusuramu nomusita gononzwi ava va tumbura morusumo va livandekerere, awo kwa lilikidire eharo monkedi zokuwapera

    • Rus 4:12; 8:8-10​—Mukadi kwa likidire elipangero. Age kwa mu hetakanesa kosikunino esi sa kara nekumba vana pata

Morwasinke ava vana kulivandekera nava kwarera kuliza noveta zosirongo?

Mat 22:21; Rom 13:1; Tit 3:1

Yitumbukira yomugara

Yitumbukira musinke ga gava Jehova komugara?

Efe 5:23, 25, 28-31, 33

Sihonena salye na kwama mugara goMukriste?

1Kol 11:3; Efe 5:23

Morwasinke mugara na likidira asi ga hara mukadendi nokukwata egano omu ana kulizuvha?

Koros 3:19; 1Pet 3:7

  • Yihonena yomoBibeli eyi nayi tu vatera:

    • Ge 21:8-12​—Jehova kwa tanterere Abirahamu a purakene kwa mukadendi Sara, nampili ngomu ga dilire kuhafera magano gaSara

    • Yis 31:10, 11, 16, 28​—Mugara gonondunge ogu ga kara nomukadi gounongo kapi a mu pangere, ntani kapi a papara mapuko mwendi nye age kumuhuguvara nokumukanganga

    • Efe 5:33​—Mupositoli Paurusa kwa tente asi mukadi ga hepa kulizuvha asi mugara gwendi ga mu hara

Yitumbukira yomukadi

Situmbukira musinke somulyo ga gava Jehova kovakadi?

Ge 2:18; Koros 3:18; Tit 2:4, 5

Situmbukira somukadi kwato mulyo ndi?

Ge 1:26-28, 31; 2:18

  • Yihonena yomoBibeli eyi nayi tu vatera:

    • Yis 1:8; 1Kol 7:4​—Karunga ga gava mepata yitumbukira kovakadi nokovazinya

    • 1Kol 11:3​—Mupositoli Paurusa kwa faturura asi natuvenye kwa kara konhi zepangero kugusa ko tupu Karunga Munankondo

    • Heb 13:7, 17​—Mombungakriste, vagara novakadi va hepa kulimburukwa nokufumadeka ava va tura po va va pitisire

Ngapi omu mukadi ogu ga kwara muhapuli na hafesa Jehova?

1Kol 7:13-16; 1Pet 3:1, 2

Morwasinke mukadi goMukriste na likidira efumadeko kwamugara gwendi?

Efe 5:33

  • Yihonena yomoBibeli eyi nayi tu vatera:

    • Ge 18:12; 1Pet 3:5, 6​—Sara kwa fumadekere unene Abirahamu, ntani nga mu tumbura asi “hompa” gwendi

Mukadi musinke va tangauka moBibeli?

Yis 19:14; 31:10, 13-31

  • Yihonena yomoBibeli eyi nayi tu vatera

    • Ge 24:62-67​—Repeka kwa hengagwidire mugara gwendi Isaka, konyima zapa ga fisire Isaka ozina

    • 1Sam 25:14-24, 32-38​—Abigayili kwa poperere mugara gwendi gomugova ntani nembo lyendi apa ga linunupikire nokulikwambera kwaNdafita ava fire nkenda

    • Esit 4:6-17; 5:1-8; 7:1-6; 8:3-6​—Mumbanda Esitera kwa tulire eparu lyendi mosiponga apa ga ka monekere yikando yivali kwahompa ga hana kumuzigida yipo a ka likwambere va popere vantu vaKarunga

Kukohonona maudigu

Nompango musinke nadi vatera valikwali yipo va kohonone po maudigu aga ava ligwanekere nago mononkwara?

1Kol 13:4-8; Efe 5:33; Koros 3:12-14

Nompango musinke nadi vatera valikwali va kare nomutaro gomuwa koyimaliwa?

Ruk 12:15; Fil 4:5; 1Tim 6:9, 10; Heb 13:5

Tara hena “Yimaliwa”

Nompango musinke nadi vatera valikwali omu nava kohonona po maudigu kuhamena vanekoro ntani womukwarero?

Epis 34:14; Mat 19:5, 6; 1Kol 13:4, 5

Nompango musinke nadi vatera valikwali kuhamena kuligwanekera panyama?

Yis 5:15-20; Mat 5:27, 28; 1Kol 7:3-5; 10:24; Fil 2:4; Heb 13:4

Morwasinke ya karera nomulyo kudemenena koyikara yoyiwa yomulikwali goge mevango lyokudemenena komapuko gendi?

Epis 103:14; 130:3, 4; Yis 17:9; 1Pet 4:8

Morwasinke ya karera nomulyo kukohonona po udigu usimbu monkedi zeharo mevango lyokulihandukira ndi lyokulifundukira?

Epis 37:8; Yis 14:29; Efe 4:26, 27; Jak 1:19, 20

Morwasinke ehandu, kulikaraukura, kuliuyungira nonkango donondona ntani kulitoona ya dira kuwapera Vakriste?

Epis 11:5; Gar 5:19-21; Efe 4:31, 32; Tit 3:2

Nsene valikwali kapi vana kulizuvha, sitambo musinke va hepa kulitulira po valikwali?

Epis 34:14; Mat 5:9; Rom 12:17, 18, 21

Matungiko musinke ava gwana valikwali ava va tura Jehova muhowo?

Muud 4:9-12

Noveta daJehova kuhamena nonkwara

Yisinke azi uyunga ko Bibeli kuhamena eligwanekero panyama ntani nonkwara?

Yis 6:32; Mat 5:27, 28; 1Kol 6:9, 10; Heb 13:4

Ngapi omu Vakriste nava tara kukwara masupareko?

Mat 19:8, 9; 1Kol 7:2; 1Tim 3:2, 12

Ngapi omu twa yi diva asi nonkwara da hepa kukara pokatji komukadi nomugara?

Ge 2:18, 22, 24; Mat 19:4-6; Rom 1:23-27

Morwasinke valikwali nava karera nkenye apa kumwe?

Mar 10:6-9; Rom 7:2, 3; 1Kol 7:10, 11

Konda musinke zimwe tupu nava lizumbira valikwali eyi za pulisira matjangwa?

Mat 5:32; 19:9

Ngapi omu Jehova a lizuvhu kuhamena kulizumba pwa hana konda zouhunga?

Mara 2:13-16

Nsene mulikwali gumwe a fu, mulikwali ogu ana fisa kuvhura a kware hena ndi?

Rom 7:2, 3; 1Kol 7:39

 

Kuvhura o hafere hena

AWAKE!

Ruhafo mepata​—Ruganeneni kumwe

Ove kutara mulikwali goge ngwendi muntu tupu ogu wa tunga nage ndi?

RUHUNGU

Vagara—kareni nombili

Vanturagumbo, mapata geni kuvhura ga gwane yimaliwa yokugwanena po nye membo mwato mbili.

KUTUHAMENA

Tura mo ehundiro

Gwana elimbururo kepuro lyomoBibeli ndi lironga ko yoyinzi kuhamena Nombangi daJehova.

MATJANGWA AGA NAGA VATERA VAKRISTE

Nonkwara

Rukwangali
Nonkwara
https://assetsnffrgf-a.akamaihd.net/assets/ct/f62df3bf2a/images/syn_placeholder_sqr.png
scl epe. 85-89
HOROWORA OMU NO KWATEKA
Nonkwara
Kwateka yimbapiratjangwa Matjangwa aga naga vatera Vakriste