Vatera vantu va likonakone. Pura mapuro aga naga vatera vantu va konakone malizuvho gawo.

Huguvara vantu ava ono kuronga. Va vatera va gazare ko konda zeyi ava ruganene yininke yoyiwa. Va vatera va rugane yininke yoyiwa morwa kuhara Jehova novantu ntani erongo lyoBibeli. Ronga vantu nonkango daKarunga, nye kapisi o va pangure. Nyokera po kuvafisa nomuga, nye va ronga monkedi ezi nazi va tumangeda va ka rugane ko yuma.

Fumadeka Jehova. Tumbura omu erongo lyoBibeli nonompango ntani noveta ayi likida yikara yaKarunga yoyiwa ntani omu ga tu hara. Vatera vantu ono kuronga va gazare ko nkenye apa magazaro gaJehova nokurugana eyi ayi mu hafesa.